Jɔn 14:23 - Tampulma

²³ Yesu fun ŋɔ un, “Ba naa la daŋni min zi tiŋ mu nɔ sɛmau. Mu nyan ti gbanko zi daŋni bau, ka mu wa un wa nyɛn ba bambe ni.

Jɔn 14:23 Referans Kwoze

Jɔn 14:21

“Ba naa la nu mu sɛma a la tiŋ a, chen biksi di ba daŋni minu. Mu gbanko zi daŋni bau a kpa mu titi a biksi ba. Ba la daŋni min chen daha, mu nyan ti gbanko zi daŋni bau.”

Jɔn 14:15

“Maa daŋni min, ma zi tiŋ chenani mu ŋɔ mau.

1 Jɔn 2:24

Ma ta suglɛ biksi naa ma fun te nu chen. Ma nyɛ chen nyɛn ma bambe ni, ma wa ya kunyana Koosa awa o be Yesu zi ya nibɛgimu.

1 Jɔn 4:4

Mu bisa, Koosa dɔ ma a fun kpa o siim weri ti a nyɛ ma. O kpok naa nyɛn ma ni chen, waa kpok kaali Kristo dɔm kpok naa nyɛn ba ni.

2 Kɔr. 6:16

Ya chi Koosa naa nyɛn, damnɛ. Ya chi chen, yɛrɛ ya wa vursa kaa ya nyɛn? Ba funɛ sɔbiu a li Koosa sɛm tɔn ti ni di o ŋɔ, “Mu wa mu nara zi nyɛnu a lagmi aa val. Min la zi ya ba Koosa.”

Jɔn 10:30

Mu wa mu nyan ti ya nibɛgimnɛ.”

Jɔn 6:56

Ba naa maga di mu bara aa la nyɔ mu chɛl ti nyɛn min ni ka mu gbanko nyɛn ba ni.

Jɔn 14:17

O wa zi wa nyɛn tɛɛnɛ nɔ tim maga bambe ni, domi ba wa zim di o nyɛnu. Ma ka zim di o nyɛnu, domi o zi wa nyɛn ma bambe niu.

JɔnN Deesi 21:22

Ba wa fun sa Koosa bar jɛɛmi dama, domi ba naa nyɛn dooni funɛ jɛɛmi ba kunyana Koosa naa kpak kpok a kaali kina maga awa piisi be ti bawu maga ni.

JɔnN Deesi 22:3

Kin nawara Koosa fun ŋɔ nɔ a nyɛ wa zi nyɛn tɔhɔn ti ni. Koosa awa piisi be jirima bar kani nyɛn dooni. Chendaha ba tumtumsa duŋduŋ nyɛn dooni a la jɛɛmi ba.

Jɔn 8:51

Ma cheŋi ma diŋsa a nu chenani mu kaa sɛm ma. Ba naa maga yaa tiŋ mu nɔ, ba wa zi wa sou.”

Jɔn 8:52

Ju tim ta fun ŋɔ, “Lalaknɔwa ya zim di i kpak alizin taginu. Hin ŋɔ ya di ba naa maga tiŋ i nɔ wa zi sou, amaa ya nawaal, Abraham, awa Koosa witinsi ta maga funɛ sitiu saha digi.

Jɔn 14:24

Ba naa vɛ daŋni min wa zi tiŋ mu nɔ sɛma. Chenani mu biksi ma wa li min ni. A maga li mu nyan naa tum min chen watɛɛ.

Jɔn 15:10

Mu funɛ tum chenani mu nyan naa la daŋni min, fun ŋɔ min di mu tum, chen ni ya lagmi nyɛni nɔ wa zi bur gantɛl. Chen vɛɛna ma tiŋ chenani mu naa la daŋni ma, fun biksi ma, ya lagmi nyɛni nɔ wa zi bur gantɛl.

Jɔn 16:27

Mu nyan ti daŋni mau kinkan a la zi ya chen a nyɛ ma. Ma daŋni minu ka ma se su di mu funɛ li o watɛɛ. Chendaha o daŋni ma a chi chen.

Ɛfɛ. 3:17

chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

1 Jɔn 2:5

Nar tiŋ o nɔ, waa sir a daŋni un nɛnɛ. Yaa tiŋ chen, ya sir zi zimu di ya wa un ya nibɛgimnɛ.

1 Jɔn 5:3

Naa la daŋni Koosa zi tiŋ o nɔu. Chenani o daŋni ya tum wa bɔm.

2 Jɔn 1:6

aa kitiŋ o nɔ. O chiksi naa ŋɔ ya di o lawa yaa daŋni dɔŋau, ma gbanko funɛ nu o wɛu a li o piili ti ni.

JɔnN Deesi 21:3

Mu fun nu ta kpok a li Koosa jirima bar kani ni ka o ŋɔ, “Kinu mu wati. Lalaknɔ Koosa awa nibinsa zi lagmi nyɛnu. Ba zi ya o narau ka o ka ya ba Koosa.