Jɔn 13:27 - Tampulma

²⁷ Judas funɛ la boroboro ti, sintana fun vaan zu o bambi ni. Yesu fun ŋɔ un, “Kila lalaga a la tum chenani i kaa tum.”

Jɔn 13:27 Referans Kwoze

Luk 22:3

Judas, naa ba yir Iskariɔt, funɛ ya Yesu gantɛl tiŋsi ta digirɛ. Saha tirɛ sintana fun wa zu o bambi ni.

Jɔn 13:2

Yesu wa o gantɛl tiŋsi ta funɛ di dusum diwe ka sintana fun lisi di Judas Iskariɔt, Simɔn be, zi li Yesu gantɛlu.

Tuma 5:3

Pita fun wa pɛɛsi un, “Ananias, i yogli i tɛɛnɛ ti chen, baŋnɛ i yisi malɛ ta bɔnɛ a pusi? Baŋnɛ i nyɛ sintana zu i bambi a daŋni o mur Koosa siim weri ti nan ni?

Mat. 12:45

O bukoo li a gba a dɛu o dɔŋtima alizin tagna kina nɔpɛ a kpa a a bur wa zu dooni. Alizin tagna nɔpɛ ta tum tagna kaali o tuma. Saha naa alizin tagin ti fun tum o tuma peti, chenani baal ti du fun bukoo tagini a kaali o piili ti ni. Nannɛ o zi wa du zinan nara ba naa la tum tum tagna ni.”

Maak 6:25

O fun bur kaali koor ti wati lalaga a la ŋɔ un, “Mu sumi Jɔn nyuhurɛ di ba kpa du pɛŋ ni a wa nyɛ min.”

Mat. 4:10

Yesu fun ŋɔ un, “Sintana, kila a ka min. Ba funɛ sɔbiu a li Koosa sɛm tɔn ti a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

Jɔn 6:70

Yesu fun ŋɔ ba, “Mu funɛ lisi ma nara fidalɛwa a li mu gantɛl tiŋsi ta ni, amaa ma nidigi ya sintana nibinere.”

Jɔn 13:28

Ba naa funɛ lagmi di ba di diwe chen wa fun zim chenani Yesu sɛm un chen mun.