Jɔn 11:25 - Tampulma

²⁵ Yesu fun ŋɔ, “Min ya naa la zi koti a lɛli nara a li ba sou ni a nyɛ ba bu kpak miisa. Naa si su min ka o sou, mu zi ya chenu a nyɛ un.

Jɔn 11:25 Referans Kwoze

1 Tɛs. 4:14

Ya se su di Yesu funɛ sou ka Koosa lɛli un a li o sou ni. Chendaha ya se su di Koosa zi wa lɛli ba naa se funɛ su unu a sou a chi o funɛ lɛli Yesu chen. Saha naa o wa wa, o wa ba zi wa bur wau.

Jɔn 3:36

Ba naa maga se su o be ti, Koosa kpa o mi fali naa vɛ kpak bɔ a nyɛ ba. Ba naa maga se ka vɛ su un a vɛ tiŋ o nɔ, Koosa wa zi kpa o mi fali ti a nyɛ ba. O zi na paanu a du ba ni a lɛrgi ba diŋsa hali saha naa vɛ kpak bɔ.”

Jɔn 1:4

Koosa miisa naa vɛ kpak bɔ nyɛn un ni. Nara wa la o miisi ti, ba wa bu a nyɛn birsi ni. Ba zi nyɛn nha nɛɛ.

Jɔn 5:21

Waa lɛlɛ siwɛ a li ba sou ni. Mu waa naa ya o be gbanko lɛlɛ siwɛ naa mu yisi a li ba sou ni.

Jɔn 6:44

Nandigi wa kikoti a wa mu wati see mu nyana naa tum min chen gbaŋ un wa mu wati. O wa wa di o wa di tɛɛnɛ nɔ tim maga sɛria, mu zi nyɛ ba o mi fali naa vɛ kpak bɔ.

Room 8:2

O siim weri naa funɛ kpa o mi fali ti a nyɛ ya, funɛ yisi ya a li tum tagna kpok ni awa chenani Koosa zi ta ya yɔri, domi ya wa Yesu Kristo ya nibɛgimnɛ.

Jɔn 6:35

Yesu fun ŋɔ ba, “Mu wa mi fali diwe ta ya kibɛgimnɛ. Lɔsa wa zi bu kpak ba naa wa mu wati. Nyɔksa ka wa zi kpak ba naa nyɛ ba se su min.

JɔnN Deesi 21:4

O zi fiisi ba sine magau a ta a li ba se ni. Sou awa namsi wa bara wiha wa zi bu nyɛn. Chenani o fun te du wa bu toli.”

Filip. Tima 3:10

Mu daŋni mu zim Kristo duŋduŋnɛ nɛnɛ a kpak kpok naa Koosa fun kpa a lɛli Kristo a li o sou ni chene. Mu vɛɛna daŋniu mu namsi a sou a chi un, chen ni Koosa zi lɛli minu a li mu sou ni mu nyɛn o wati.

JɔnN Deesi 20:5

Ba warɛ o fun te lɛli a li ba sou ni. O wa fun lɛli ba naa funɛ siti a kpalimi chen hali bun tusuga fun wa tel.

Tuma 3:15

Ma waa funɛ kpu naa kpa Koosa mi fali a nyɛ nara ni, amaa ya funɛ nau wa ya se ni ka Koosa lɛli un a li o sou ni.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Jɔn 5:26

Mu nyan ti kpak o mi fali naa vɛ kpak bɔ kpok. O funɛ kpa o mi fali kpok tiu a nyɛ mu gbanko ni.

JɔnN Deesi 22:17

Koosa siim weri ti awa piisi be haan ti la ŋɔ, “Ma wa.” Ba naa maga nu ba sɛma zi gbaari a ŋɔ, “Ma wa.” Ma naa maga nyɔksa kpak, ma wa nyɔ Koosa mi fali ni yɔri.

Jɔn 14:19

Saha naa tɛɛnɛ nɔ tim maga vɛ kaa wa na min chen duglɛu, amaa ma waa ka zi bu na minu. Domi mu zi wa si mu sou niu, ma gbanko zi wa si ma sou niu.

Filip. Tima 1:23

A muksi minu mu bambi ni kinkan. Mu daŋni kinkan di mu sou a la nyɛn Kristo wati. Mu ya chen, waa kaali wa mu nyɛn bar nɔ.

JɔnN Deesi 22:1

Malaika ti fun biksi min Koosa mi fali pul naa la chaani a chi diga. O funɛ li Koosa awa piisi be ti jirima bar kani nɛɛ,

2 Kɔr. 4:14

Ya zimu di Koosa naa funɛ lɛli ya kunyana Yesu a li o sou ni chen, o gbanko zi lɛli yau a li ya sou ni a chi Yesu, a nyɛ ya wa ma lagmi o suwachak ni.

Room 4:17

Ba fun sɔbi chen wɛ a li Koosa sɛm tɔn ti ni di Koosa ŋɔ, “Mu funɛ nyɛ i burgi nidamata nyannɛ.” Abraham si fun su Koosa naa koti a lɛli nara a li ba sou ni a sɛm a naami kina. Chendaha Koosa vɔwi ti weru a li o wati.

Luk 23:43

Yesu fun ŋɔ un, “Mu ŋɔ hinu wuti ni, i wa min zi zu Koosa koor ti niu zinan.”

1 Kɔr. 15:29

Nibin bɔnɛ yaa chiŋi siwɛ bar chiŋi nɛɛ aa ŋɔ di nara kichaksi ba wa ni ni ba daha. Yɛrɛ ba yaa ya chen? Nara nama ŋɔɛɛ di nisitɛ vɛ si ba sou ni, yɛrɛ ba yaa ya chen a nyɛ ba?

1 Kɔr. 15:18

Ba naa se funɛ su Kristo gbanko ka ba siti chen, ta yɔriu.

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

JɔnN Deesi 1:18

Mu ya naa nyɛnɛɛ. Mu funɛ sou, amaa lalaknɔ mu zi nyɛnu hali saha naa vɛ kpak bɔ. Min dɔ sou awa ba naa sitɛɛ bar nyɛni.