Jɔn 11:16 - Tampulma

¹⁶ Yesu gantɛl tiŋsi ta nidigi naa funɛ nyɛn o wati, ba yir un Tɔmas. Ba funɛ vɛɛn a yir un leure. O fun ŋɔ o dɔŋtim ta ni, “Ma nyɛ ya tiŋ ya kunyana, chen ni ya wa un zi sowu.”

Jɔn 11:16 Referans Kwoze

Jɔn 21:2

O gantɛl tiŋsa ba naa funɛ lagmi dooni, ya Simɔn Pita, Tɔmas ka o ya leu chen, Nataniɛl naa li Kena a li Galili pulum ni, Zɛbɛdi bisa lɛ awa nara balɛ.

Jɔn 13:37

Pita fun bu pɛɛsi un, “Mu kunyana, yɛrɛ mu vɛ ka koti a tiŋ hin lalaknɔ? Mu saksɛu di mu sou a nyɛ hin.”

Mat. 10:3

Filip, Batɔlɔmi, Tɔmas, Matiu naa funɛ ya lampo nilali, Jems, Alfius be, awa Tadius,

Luk 6:15

Matiu, Tɔmas, Jems, Alfius be, awa Simɔn naa o pulum wa fun nyɛn o bambi ni,

Maak 3:18

O gbanko funɛ lisi Andiru, Filip, Batɔlɔmi, Matiu, Tɔmas, awa Jems, Alfius be, Tadius, Simɔn naa o pulum wɛ fun nyɛn o bambi ni,

Mat. 26:35

Pita fun ŋɔ kpok ni, “Aai, mu wa zi kut ŋɔ di n wa zim hin. Hali n wa hin zi sou, n wa zi ŋɔ chen.” O gantɛl tiŋsi ta maga fun ŋɔ chen.

Tuma 1:13

O nitumɛ ta sɔna funɛ ya Pita, Jems, Jɔn, Andiru, Filip, Tɔmas, Bartɔlɔmi, Matiu, Jems, Alfius be, Simɔn naa pulum kina nyɛn o bambi ni, awa Judas, Jems be. Ba fun la zu ba bar chɔɔli naa zɔŋ dɛ digi nyuhu ni.

Jɔn 14:5

Tɔmas fun ŋɔ un, “Mu kunyana, ya ha wa kpak doonani i la chen ya bambe ni. Yɛrɛ ya kaa ya zim doon nyinbaan?”

Jɔn 11:8

Ba fun ŋɔ un, “Ya kunyana, chenani i kaa ya chen wa deŋli. O wa fun vusi ka Ju tima ba naa nyɛn dooni, fun pini buŋkula di ba yaksi hin.”

Luk 22:33

Pita fun ŋɔ un, “Mu kunyana, ba wa tɔ hin dɛ, nyɛ ba wa kpak mu gbanko a wa gbaari hin ni. Ba wa kpu hin, mu gbanko zi sou.”

Jɔn 11:15

Mu tuha sɔɔnɛu mu vɛ la dooni, domi chenani o du un ni la zi nyɛ ma se su min a gbaari. Ma nyɛ ya la o wati.”