Jɔn 1:51 - Tampulma

⁵¹ Doone Yesu fun burgi a ŋɔ ba naa nyɛn dooni, “Wutirɛ mu sɛm ma, ma zi na buudahau ka o puk ka Koosa malaikasa tu wa n waa nibine be wati a bur a zini kaali.”

Jɔn 1:51 Referans Kwoze

Tuma 7:56

Stivin fun ŋɔ ba, “Ma nu mu wati nɛnɛ. Ba puk Koosa tɔha bulzɔɔnɔu ka mu na Yesu naa ya nibine be ka o chiŋi Koosa nihɛɛti ti bar kani ni.”

Luk 22:43

Koosa malaika digi fun li buudaha a wa Yesu wati a nyɛ un kpok.

Luk 2:13

Malaika ti funɛ sɛm chen peti, malaika damata fun li buudaha a wa gbaari un ni. Ba funɛ lɔ boola a pɛɛsi Koosa a ŋɔ,

Maak 14:62

Yesu fun ŋɔ, “Min ya un. Wuzu digi i zi wa na n waa min nibine beu ka mu kani Koosa nihɛɛ bar kani ni, a bukoo na min n wa bur wa dobaala tuhu ni.”

Maak 1:10

Saha naa Jɔn fun chaksi un chen ka Yesu fun li mɔɔga ti tuha a wa li chen, o fun vaan na buudaha ka o puk ka o na Koosa siim weri ti. O funɛ chi komne a tu wa a zɔŋ o nyuhu ni.

Mat. 3:16

Yesu funɛ li mɔɔga ti tuha ni, o fun vaan na buudaha ka o puk o na Koosa siim weri ti. O funɛ chi komne a tu wa a zɔŋ o nyuhu ni.

Tuma 10:11

O fun nyini a na gar zen ka o li Koosa tɔhɔn ti a tu wa tɛɛnɛ a chi nara kpaksi nɔɔsa.

Luk 3:21

Nan gantɛl nɛɛ, Yesu fun wa Jɔn wati di o chaksi un wa ni ni. O funɛ sumi Koosa chene, o fun vaan na buudaha ka o puk,

Mat. 4:11

Sintan ti funɛ nu o sɛm ta, o fun kaali a ka un. Doone Koosa malaikasa fun wa suŋi Yesu.

JɔnN Deesi 19:11

Doone mu fun nyini a na ka Koosa tɔhɔn ti bulzɔɔnɔ puk, ka zaag pilim chiŋi dooni. Ba funɛ yir naa la zini un chen, wuti tiina awa naa tiŋ o ŋɔ. O yaa funɛ la laal ni saha maga a la di o dɔma sɛria awa chenani deŋlee ni.

JɔnN Deesi 4:1

A gantɛl ni mu fun bu nyini a na kundɔŋ a chi mu deesi. Koosa tɔhɔn ti bulzɔɔnɔ funɛ puku, ka ta zaŋa naa mu fun te nu chen chi kaabul fun ŋɔ min, “Zini kuwa bar nɔ ka mu biksi hin chenani la zi wa ya.”

Luk 2:9

Koosa malaikasi ta digi fun wa li ba wati, ka Koosa chaani kinkan fun wa tɔ ba. Hansura fun kpak ba kinkan,

Ju 1:14

Baŋnɛ Koosa malaikasi ta ya? A maga ya siimsa a naa ya Koosa tumtumsa. O tum au di a wa suŋi ya, chen ni wuzu digi o zi wa lisi yau a li ya tum tagna ni hali a wa peti.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

Jɔn 10:1

Doone Yesu fun jɛɛgi jɛɛgi a ŋɔ ba, “Maa nu mu wati nɛnɛ. Nandigi zu piisisa bol dusum a vɛ tiŋ bol zɔɔnɔ a zuuli, ma zim di o ya ŋmɛɛrrɛ.

Luk 22:69

O wa zi vusi ka n waa nibine be wa kani Koosa naa kpak kpok a kaali kina maga nihɛɛ bar kani ni.”

Mat. 25:31

“N waa nibine be wa Koosa malaikasi ta zi wa wau, mu zi wa kani mu kor niu a dɔ tɛɛnɛ nɔ maga,

Juud 1:14

Baal digi funɛ nyɛn doon ba yir un Inɔk. O funɛ ya Adam bi lulɛ nidigirɛ a sɛm ba wɛ saha digi a ŋɔ, “Kina, Koosa wa o malaika damata wa wa,

2 Tɛs. 1:9

Koosa wa yisi ba a li o bar nyɛni awa o jirima zen ti ni, ba zi wa namsiu a ta yɔri hali saha naa vɛ kpak bɔ.

Jɔn 14:12

Wutirɛ mu ŋɔ ma, ba naa se su min, ba zi tum chenani mu tumu. Hali ba zi tumu tum zene a kaali chenani mu tum, domi mu zi wa bur la mu nyan ti watiu.

Jɔn 6:47

Wutirɛ mu sɛm ma, ba naa maga se su min piin na o mi fali naa vɛ kpak bɔu.

Luk 24:4

Ba fun chiŋi a nyini dɔŋ se ni a la lisi chenani ba zi sɛm. Nara balɛ fun vaan chiŋi a dugli ba a laari gar chaanɛ.

Mat. 26:24

N waa nibine be zi wa sou a chi chenani ba fun sɔbi a li Koosa sɛm tɔn ti ni chen. Yɛrɛ o kaa wa du naa kaa wa li mu gantɛl. Ba fu vɛ lul chen tiina, o fu bɔu.”

Jɔn 21:18

Kinu mu wati nɛnɛ. I ha funɛ ya bunɔɔn, i ya funɛ di bunɔɔtau a gba i tutɔ ni. I wa hɛɛsi, i zi kpa i nisa a tɛu ka ba laari hin takta a kpa hin a la doonani i vɛ daŋni.”

Jɔn 8:51

Ma cheŋi ma diŋsa a nu chenani mu kaa sɛm ma. Ba naa maga yaa tiŋ mu nɔ, ba wa zi wa sou.”

Jɔn 6:32

Yesu fun bu ŋɔ ba, “Wutirɛ mu ŋɔ ma, Mosis wa fun kpa diwe ta a li buudaharɛ a nyɛ ma nawaalsi ta ni. Mu kunyan Koosa ka funɛ kpa a a nyɛ ba. Lalaknɔ waa la nyɛ ma diwe titi maa di.

Jɔn 3:5

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o siim weri ti a du un ni ka ba zi chaksi un wa ni ni.

Jɔn 16:20

Wutirɛ mu ŋɔ ma, mu bu vɛ wa nyɛn ma wati, tɛɛnɛ nɔ tim maga tusa zi wa sɔɔniu kinkan, amaa ma tusa ka zi wa chɔku kinkan. Ma tu chɔk ti wa zi wa vusi, amaa a zi wa ya tu sɔɔnau lalaga.

Jɔn 13:16

Ma nu mu sɛma nɛnɛ. Yom wa to a zen a kaali o kunyana. Nitumi wa to a zen a kaali naa tum un.

Jɔn 10:7

Nan daha, Yesu fun bukoo ŋɔ ba, “Maa nu mu wati nɛnɛ. O chi di min ya bol zɔɔnɔ ti.

Jɔn 6:53

Yesu fun ŋɔ ba, “Wutirɛ mu ŋɔ ma, see ma se n waa nibine be bara a kinyɔ mu chɛl, Koosa mi fali naa vɛ kpak bɔ wa zi nyɛn ma bambe ni.

Jɔn 5:27

Mu ya nibine be. Chendaha o fun kpa chenani o di nara sɛria a du mu nin ni.

Jɔn 5:19

Doone Yesu fun ŋɔ ba, “Chenani mu kaa sɛm ma nan ya wutirɛ. Mu waa Koosa be, wa kikoti a tum wu digi mu titi nyuhu ni. Mu zer mu nyan ninne a li mu tum maga ni.

Jɔn 3:3

Yesu fun ŋɔ un, “Wutirɛ mu sɛm hin, Koosa wa kidɔ nar see o te kpa o mi fali a nyɛ chen tiin ni.”

Mat. 9:6

N daŋni ma zimu di n waa nibine be kpak kpok a li tɛɛnɛ nɔ maga ni, chen ni mu zi kotiu a gil nara tum tagna a nyɛ ba.” O fun ŋɔ wichɔɔr ti ni, “Si chiŋi a zer i kichɔɔli ti a la dama.”

Mat. 8:20

Yesu fun ŋɔ un, “Helsa nyɛn bɔ ni ka zimebisa ka nyɛn zaŋ ni, amaa n waa nibine be, n wa kpak doonani n zi chɔ a chɔ do.”

Jɔn 16:23

“Chen saha ti ma wa zi wa mu wati di ma wa pɛɛsi min kundɔŋ wɛ. Wutirɛ mu ŋɔ ma, ma zi kotiu a sumi mu nyan ti kin naa ma daŋni mu sɔn daha o nyɛ ma.

Jɔn 13:38

Yesu fun burgi a pɛɛsi un, “I sir saksɛ di i sou a nyɛ minuu? Nu mu wati nɛnɛ. I zi te ŋɔ nara niu dusum nɔ di i wa zim min nɔ butora ka zimal zi yeli.”

Jɔn 8:58

Yesu fun ŋɔ ba, “Maa nu chenani mu kaa sɛm ma. Mu funɛ piin nyɛnu ka ba zi lul Abraham.”

Jɔn 8:34

Yesu fun ŋɔ, “Mu ŋɔ ma, naa la tum tum tagna ya tum tagna yomne.

Jɔn 6:26

Yesu fun ŋɔ ba, “Wutirɛ n sɛm ma, diwe naa mu dɛ kpa nyɛ ma di ma di puŋ chen, nyɛ ma dɛu mu bar nyɛni. Mu tum zene laata nyɛ ma dɛu mu bar nyɛni.

Jɔn 1:50

Yesu fun ŋɔ un, “Mu ŋɔ hinu di i funɛ kani i bugil barsɔn nɛɛ, mu zim chenani i bambi du ka i si su min. I wa wa na kizeneu a kaali nan.”