Jɔn 1:16 - Tampulma

¹⁶ Chenani o fun koti a suŋi nara a la gali, o funɛ ya chene a nyɛ ya. O yaa suŋi yau a saksi dɔŋ ni.

Jɔn 1:16 Referans Kwoze

Kɔl. 1:19

Yesu ya Koosa titi. O funɛ ya o tutɔrɛ o wɛ maga fun a nyɛn Yesu ni.

Room 5:2

Waa funɛ kpa ya a kansi bar zen nɔ ni ya se suuli daha. Waa nyɛ ya kpak bambi bɛgim di wuzu digi Koosa wa ya zi wa bɔni o jirimau. Chendaha ya tusa sɔɔni kinkan.

Ɛfɛ. 3:19

Mu daŋni ma wa zim chenani Yesu Kristo daŋni ya chenu. O daŋni yau hali ya vɛ koti a zim a la peti, amaa mu daŋni o daŋni ti siu ma ni, chen ni ma zi weru o chi Koosa wer chen.

Ɛfɛ. 1:23

Ba waa chi o bara. Waa la su kina maga, amaa see ba wa gbaariu a su a peti.

Room 5:17

Nibin bɛgim tum tagna daha, nidamata fun siti. Lalaknɔ Koosa koti a suŋi ya kinkan a bu vɛ na ya galimsa a nyɛ ya o mi fali ti Yesu Kristo daha. Chenani Koosa tum kaali nibin bɛgim ti tuma kinkan.

Jɔn 3:34

Koosa funɛ tum un di o la biksi nara o wɛ. O funɛ nyɛ o siim weri ti si un niu a suŋi un o tum chen.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.

Mat. 13:12

Nar la kpaŋi, waa la zi na a gbaari. Nar ka vɛ kpaŋi, o zi chel a maga niu.

Kɔl. 2:3

Koosa zima awa nɛha maga nyɛn Kristo ni.

Room 8:9

Amaa ma ka wa tum tuma a li ma bara kpok ti ni. Maa tum au a li Koosa siim weri ti kpok ni. Waa nyɛn ma ni. Nar vɛ kpak Kristo siim weri ti nyɛn un ni, Kristo dɔ un.

Luk 21:15

Min kaa wa biksi ma chenani ma kaa wa la sɛm awa nɛha ni, chen ni ma dɔma wa zi wa koti a vɛ ma sɛma a tɔ di laaboor weri ti wa deŋli.

Mat. 3:14

Jɔn funɛ na un, o fun vɛ la nɔɔni di o chaksi Yesu a ŋɔ un, “I fu wa zi wa mu wati di mu chaksi hin. Hin fu la zi chaksi min.”

Mat. 3:11

N kpa nire a chaksi ma bara a biksi nara di ma gil ma tum tagna. Naa nyɛn n gantɛl ni aa wa, o ka zi wa kpa Koosa siim weri a du ma ni a chaasi ma a chi din zaamsɛ salma. Waa ya nihɛɛ a kaali min. N kpurɛu di mu fiisi o natausa a nyɛ un.

1 Pita 1:11

Koosa siim weri naa funɛ nyɛn ba ni, fun a biksi ba di wuzu digi Kristo zi wa namsiu a sou a si a li o sou ni a na jirima kinkan a li Koosa wati. Ba funɛ lisi kin nama wɛ a kpaŋi a dɛu saha naa Kristo zi wa wa.

Room 5:20

Koosa funɛ kpa o chiksɛ ta a nyɛ Ju tim ta ni, a waa funɛ nyɛ nara tum tum tagna a gbaari kinkan. Ba funɛ tum au a gbaari, chenani Koosa suŋi ba gbanko gbaari a kaali chen.