Jɔn 1:10 - Tampulma

¹⁰ Yesu Kristo funɛ wa nyɛn tɛɛnɛ nɔ nɛɛ. Koosa fun nyɛ o naami un awa kin naa maga nyɛn un ni, amaa tɛɛnɛ nɔ nara wa fun zim nibine naa ya un.

Jɔn 1:10 Referans Kwoze

Jɔn 17:25

Mu nyana naa ya tum were tiina, tɛɛnɛ nɔ tim maga wa zim hin. Mu ka zim hin ka mu gantɛl tiŋsi ta zim di hin funɛ tum min ba wati.

1 Jɔn 3:1

Ma lisi chenani ya kunyana Koosa daŋni ya kinkan. Hali o yir ya o bisa. Ba naa la tiŋ tɛɛnɛ nɔ tim maga nyinbaan, wa zim un. Chendaha ba vɛ zim ya.

1 Kɔr. 2:8

Ba naa maga dɔ tɛɛnɛ nɔ maga wa fun zim zima nɔ wɛ. Ba fu zimɛɛ, ba fu wa zi kpu ya kunyan ti o daakakli ti ni.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.

Mat. 11:27

Doone Yesu fun burgi a ŋɔ zɛmɛ ta ni, “Mu nyan ti funɛ kpa kina magau a nyɛ min. Mu wa mu nyan ti duŋduŋ zim dɔŋa. Mu nyɛ ba naa mu lisi zim o gbanko.

Ju 11:3

Koosa funɛ sɛm a naami tɛɛnɛ nɔ maga, o fun kpa kin nawara ya vɛ koti a naali, a naami kin naa ya koti a na. Chenani ya se su di Koosa funɛ ya nan, biksi ya di o ya wutirɛ.

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 1:5

O miisi ti chi fitinne a chaani birsi ni. Birsi ti wa koti a dusi un.

Tuma 14:17

Tum were naa o yaa tum a nyɛ ya chen biksi ya chenani o du. Waa nyɛ doon mi ya kiparɛ bi, chen ni ya zi na diwe a di wa tu sɔɔni.”

Jɔn 5:17

O fun ŋɔ ba, “Mu kunyana Koosa tum o tuma saha maga. Mu gbanko tum a chi chenani o tum chene.”

Jɔn 1:3

Koosa fun nyɛ o naami tɛɛnɛ awa buudaha awa kin naa maga nyɛn a ni. Kin magawa Koosa fun nyɛ o naami.

Jɔn 1:11

O funɛ wa nyɛn o sɛmbiri nara watɛɛ, amaa ba nidamata wa fun la un.

1 Kɔr. 8:6

Amaa ya wati, Koosa bɛgim nyɛnɛɛ. Waa ya ya kunyan ti a fun naami kina maga. Ya ya o bisiwa. Ya kunyana Yesu Kristo gban ya nibɛgimnɛ. Koosa funɛ nyɛ o naami kina maga a nyɛ ya miisa.

Kɔl. 1:16

Koosa fun nyɛ o naami kin nawara maga nyɛn tɛɛnɛ nɔ maga awa buudaha ni, kin naa ya na awa a naa ya vɛ naali, siim maga awa kpok maga, a magwa o fun a naami a nyɛ o titi ni.