Jems 2:25 - Tampulma

²⁵ Chene nihaan naa ba funɛ yir Rehab fun nyɛn saha digi. O funɛ ya sakaallɛ a funɛ la Ju tima ba naa Jɔsua fun tum chen a du o dam ni. Ba liili saha funɛ wa tel, o fun biksi ba nyinbaan digi ba tiŋ kaali a fun a fosi. O funɛ ya chen daha, Koosa wa fun bu na o galimsa.

Jems 2:25 Referans Kwoze

Ju 11:31

Sakaal tiin digirɛ ba funɛ yir Rehab, funɛ nyɛn dooni. Ju tim nihɛɛ fun tum nara di ba la sogli a nyini tɔhɔn ti ni a bur wa, Rehab fun a la ba du. O si fun su Koosa. Chendaha Ju tim ta fun vɛ kpa un a gbaari Jɛriko tim ba naa funɛ vɛ Koosa nɔ, a kpu.

Mat. 21:31

Doone Yesu fun pɛɛsi ba, “Ba nara balɛ na, anti tum chenani ba nyana daŋni?” Ba fun ŋɔ un, “Nihɛɛ ti.” Yesu fun bukoo ŋɔ ba, “Wutirɛ mu sɛm ma, lampo nilalɛ ta awa nihaana ba naa la daŋni nibaala yɔri yɔri, ba waa la zi gil ba tum tagna a te ma suwachak a zu Koosa koor ti.

Mat. 1:5

Salmɔn be funɛ ya Bɔaz. O niina funɛ ya Rahab. Bɔaz be funɛ ya Ɔbɛd. O niina funɛ ya Rut. Ɔbɛd be funɛ ya Jɛsɛ.

Jems 2:22

Abraham si suuli awa o yaali funɛ ya kibɛgimne. O chen yaali ti la biksi ya di o si funɛ sir su Koosau.

Jems 2:18

Amaa ma nidigi zi ŋɔ o dɔŋtiin niu, “Mu si su Yesu ka i tum tum were.” Mu zi ŋɔ unu, “Biksi min chenani nar si su Yesu ka o vɛ tum tum were. Chenani mu tum tum were biksi nara di mu si su Yesu.”

Tuma 17:7

a zu Jesɔn dama a nyɛn doon. Ba waa chɔk chiksɛ naa koorsi ta nyuhu tiina Siiza fun kpa nyɛ ya. Hali ba yaa biksi di ba kunyana Yesu ya koorsi ta nyuhu tiina a chi un.”

Jems 2:24

Chenani nibine si su Koosa awa chenani o tum tum were gbanko nyɛ Koosa bu vɛ na o galimsa.