Jems 1:18 - Tampulma

¹⁸ O tutɔ nɛɛ o fun nyɛ ya burgi o bisa a li o wuti sɛm nuuli ni, chen ni waa dɔ ya a kpa ya a chiŋsi kin nawara maga o fun naami suwachak ni.

Jems 1:18 Referans Kwoze

1 Pita 1:23

Koosa sɛma nyɛnu hali saha naa vɛ kpak bɔ. A wa zi kut chɔk. Koosa fun a kpa o mi fali ti a nyɛ ma a daha.

Jɔn 1:13

Chenani ba yaa lul ba bichɛsa, o wa nyɛ ba ya Koosa bisa. O wa fun ya nibinsa tutɔrɛ di o burgi ba nyana. O ka ya o tutɔrɛ di o burgi ba nyana.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

JɔnN Deesi 14:4

Ba wa fun kpak haanasa akoo a daŋni nihaana yɔri yɔri a ya tu chaan tima. Piisi be ti funɛ lisi bau a li tɛɛnɛ nɔ tim maga ni, chen ni ba wa zi bu waligi dɔŋ ni. Ba waa ya ba naa o fun te lisi a nyɛ Koosa ni.

Ɛfɛ. 1:12

Ma nyɛ ya naa te kpak bambi bɛgim Yesu Kristo ni, pɛgi Koosa naa kpak jirima kinkan.

1 Jɔn 3:9

Ba naa maga ya Koosa bisa, ba tum tum tagin, ba tusa wa yaa sɔɔni tum tagin ti daha. Koosa fun kpa o mi fali ti a du ba ni di ba ya o bisa. Chendaha ba tusa wara sɔɔni.

Ju 12:23

Ma funɛ dugli Koosa nara ba naa lagmi dooni ka ba sɔbi ba sɔna a du Koosa tɔn naa nyɛn dooni. Waa bu vɛ na ba galimsa a yisi ba a li ba tum tagna ni hali a wa peti. O gbanko zi di nara maga sɛriau.

Jems 1:21

Chendaha o lawa ma kpa ma tum tagna magau a yo ta. Ma kpa ma bambe a nyɛ Koosa ni aa la o laaboor weri naa koti a yisi ma a li ma tum tagna ni hali a wa peti. O piin kpa unu a du ma bambi ni.

1 Kɔr. 4:15

Ma kpak nibinsa ba naa la zi biksi ma Kristo wɛ, nidamatau, amaa nibin bɛgim duŋduŋ ya ma nyana. Mu funɛ te biksi ma Koosa laaboor weri ti wɛu ma nu un a nyɛ ma se su Yesu Kristo. Chendaha mu ya ma nyana.

Room 4:17

Ba fun sɔbi chen wɛ a li Koosa sɛm tɔn ti ni di Koosa ŋɔ, “Mu funɛ nyɛ i burgi nidamata nyannɛ.” Abraham si fun su Koosa naa koti a lɛli nara a li ba sou ni a sɛm a naami kina. Chendaha Koosa vɔwi ti weru a li o wati.

2 Kɔr. 6:7

a la biksi nara wa wuti a li Koosa kpok ti ni, a nama maga biksi nara di ya ya o tumtumsiwa. Ya chi lanjimasiwa. Koosa nyɛ ya tum tum were a nyɛ un, chen ni ya zi koti a yo ya dɔmau a kok ya titi.

Ɛfɛ. 1:13

Ba funɛ wa biksi ma Koosa laaboor weri naa ya wuti wɛ, ma fun a nu ba biksi ti, ka Koosa fun a yisi ma a li ma tum tagna ni ma tiŋ un. Chen saha ti ma se funɛ su Yesu Kristo. Chendaha Koosa fun kpa o siim weri naa o fun vɔu di o nyɛ ma a dani ma.

2 Tim. 2:15

Kpak un i bambi ni aa kitum Koosa tuma nɛnɛ, chen ni o wa zaamsi hin a peti, o zi ŋɔ di i kpaŋi i titiu. I biksi Koosa laaboor weri ti a nyɛ nara ni wa wuti ni, i wa zi wa na hiisa.

Jems 1:15

Ya tiŋ ya bambe kidaŋnɛ, ya zi tum tum tagnau. Ya tum tagna nyinbaan wa peti, Koosa zi wa na ya galimsau a ta ya yɔri.

Jems 3:14

Amaa ma kpak handɔta awa tuha sa a ya se tima, ma ta daŋni sɔn a kisuni di ma kpak wuti zimau.