Gal. 5:4 - Tampulma

⁴ Ma naa la kpaŋi ma titi di maa tiŋ Koosa chiksɛ ta, chen ni o wa zi bu na ma galimsa, ma waa la vɛ Kristo. Chendaha Koosa vɛ koti a suŋi ma hali tama.

Gal. 5:4 Referans Kwoze

Room 11:6

O funɛ yisi ba o siki daharɛ. O wa fun yisi ba ba tum were daharɛ. O yisi nara ba tum were daha, o wa fun koti a kpak ba siki.

Ju 12:15

Koosa la suŋi ma di ma ya tu chaan tima aa gbaari. Ma doso ma ta nyɛ ma nandigi wa tɔ o nyinbaan. O bambe vɛ nyɛn un ni, chenani o lisi zi bu ma magau. Chen yɛɛ, yɛrɛ o zi wa du ma ni?

Gal. 2:21

Mu wara tɔ Koosa suŋi nyinbaan. Nar ka tiŋ Koosa chiksɛ ta duŋduŋ, chen ni Koosa wa zi bu na o galimsa, chen biksi di Kristo sou funɛ ya yɔrirɛ.

Room 3:20

O chiksɛ ta biksi ya di ya maga ya tum tagna nitumɛwa. Koosa ha zi vɛɛn na ya galimsau o chiksɛ ta tiŋi daha.

JɔnN Deesi 2:5

Ma lisi chenani o fun te du a bur kuwa mu wati. Ma vɛ di ma wa zi bur wa, mu zi bur wa ma watiu lalaga a wa zer ma fitin bar chiŋsi a chɔk un.

Gal. 5:2

Ma nu mu sɛma. N waa, Pɔɔl, la ŋɔ ma di ma nyɛ nusun nibiksɛ nama teŋsi ma, Kristo ya yɔrirɛ ma wati.

Ju 4:1

Chenani Koosa fun vɔu di ya zi wa zu o bar hiisi ti ha vɛɛn chiŋiu. Ma nyɛ ya doso a ta nyɛ ya se suuli bur gantɛl, chen ni Koosa zi nyɛ ya zu dooniu.