Gal. 5:16 - Tampulma

¹⁶ Maa nu mu sɛma. Ma ta tiŋ ma titi daŋnɛ ta, amaa ma nyɛ Koosa siim weri ti kpa o kpok ti a nyɛ ma ma tiŋ un nɛnɛ.

Gal. 5:16 Referans Kwoze

Gal. 6:8

O tiŋ o titi daŋnɛ, a zi bur wa o watiu a chɔk un. O ka tiŋ chenani Koosa siim weri ti daŋni, a zi bur wa o watiu. Waa la zi kpa o mi fali naa vɛ kpak bɔ a nyɛ un hali o wa peti.

1 Pita 2:11

Mu bi daŋnɛ, ma naa ya hɔɔra a li tɛɛnɛ nɔ maga ni, mu sumi mau di ma kpa ma tutɔ daŋnɛ a ta. Ya tutɔ daŋnɛ awa chenani Koosa daŋni yaa tiŋ, a chɔ aa du dɔŋ nɛɛ.

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

Room 6:12

Ma ta tiŋ ma titi daŋnɛ a nyɛ tum tagna nyaŋi ma.

Ɛfɛ. 2:3

Saha digi ya maga funɛ tiŋ chene. Lise tagna a naa funɛ nyɛn ya bambe ni awa ya titi daŋnɛ nyɛ ya yaa funɛ tum tum tagna damata. Chendaha Koosa fun na paan a du ya ni. Chenani o funɛ daŋni di o wa lɛrgi ya diŋsa awa tɛɛnɛ nɔ tim maga diŋsa funɛ ya kibɛgimnɛ.

1 Pita 1:14

Saha naa ma fun zɛ zim un, ma funɛ tiŋ ma tutɔ daŋnirɛ. Ma ta tiŋ chen lalaknɔ, amaa maa tiŋ Koosa nɔ nɛnɛ.

1 Pita 4:6

Chendaha Koosa fun nyɛ nara kpa o laaboor weri ti a nyɛ ma ni. Waa la di nara maga sɛria. Chendaha ba siti. Ma bɔnɛ fun siti, amaa ba siimsa kpak miisau a chi Koosa.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

Kɔl. 2:11

Ju tima yaa fun teŋsi dɔŋ barau, di ba biksi nara di Koosa dɔ ba. Amaa lalaknɔ ma wa Kristo ya nibɛgimnɛ. Waa funɛ yisi ma a li ma tum tagna ni. Nan chi o funɛ teŋsi mau.

Gal. 3:17

Mu daŋni mu ŋɔ mau di Koosa awa Abraham funɛ ya nɔ bɛgimnɛ, ka Koosa fun vɔu di o zi dɛɛsi unu. Bun kɔksa naasi awa fumtora gantɛl ni, Koosa funɛ kpa o chiksɛ ta a nyɛ Mosis ni. A wa fun koti a chɔk chenani Koosa wa Abraham fun ya nɔ bɛgim awa o vɔwi ti.

Room 8:1

Ba naa maga wa Yesu Kristo ya nibɛgim, Koosa wa zi bu na ba galimsa.

1 Kɔr. 7:29

Mu niinbisa, wu namsɛ saha duglɛu. Nan daha ma naa kpak haanasa, ma nyɛn a chi ba wa kpak haanasa.