Gal. 5:1 - Tampulma

¹ Kristo funɛ lisi yau a li yosi ni. Maa kpak chen nɛnɛ, a ta bu nyɛ nara kpak ma a ya yosa.

Gal. 5:1 Referans Kwoze

2 Kɔr. 3:17

Ya kunyan ti awa Koosa siim weri naa wa nyɛn ba ni chen ya nibɛgimnɛ. Ba waa lisɛ ba.

Gal. 5:13

Mu niinbisa, Koosa funɛ yir ma di ma ta ya yosa. Amaa lalaknɔ o yisɛ mau, ma ta bu tiŋ ma titi daŋnɛ. Ma ka daŋni dɔŋa a kisuŋi dɔŋa.

1 Pita 2:16

Ma ya nibin hiisewa, amaa ma gbanko ya Koosa yosiwa. Ma ta tum tum tagna aa sogli domi ma ya nihiise daha.

Room 6:14

Koosa chiksɛ ta wa bu dɔ ma. Lalaknɔwa Koosa suŋi ma. Chendaha tum tagna wa zi bu dɔ ma.

Room 8:2

O siim weri naa funɛ kpa o mi fali ti a nyɛ ya, funɛ yisi ya a li tum tagna kpok ni awa chenani Koosa zi ta ya yɔri, domi ya wa Yesu Kristo ya nibɛgimnɛ.

Gal. 4:9

Lalaknɔ ma zim Koosa a ya o bisa ka o zim ma, yɛrɛ maa daŋni ma bur aa tiŋ chiina awa chiksɛ? Ma bur a daŋni ma ya a yosiwaa?

Ju 10:23

Ya se su di chenani o fun vɔu a nyɛ ya chen, zi ya wutiu. Ma nyɛ ya kpak chenani ya ŋɔ nara ni di ya kpak bambi bɛgim un niu nɛnɛ.

Gal. 2:4

Nara ba naa funɛ ŋɔ di ba ya Yesu nitiŋɛwa, bɔnɛ funɛ daŋni di ba teŋ un, amaa ba funɛ suniu. Ba fun a sogli a zu di ba na chenani ya tiŋ Yesu a ta nyɛ ba teŋsi ya, domi ya wa Yesu Kristo ya nibɛgimnɛ. Ba daŋni ya burgi ba yosiwa.

Gal. 4:31

Mu niinbisa, ya zimu di ya wa ya naa vɛ ya yom chen bi lulɛwa. Ya waa ka ya nihaan yom ti bi lulɛ.

JɔnN Deesi 3:3

Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.

2 Pita 2:19

Nibiksɛ ta la biksi nara di ba naa nuɛɛ a tiŋ ba, ba lisi ba a ta, amaa ba titi ya tum tagna a naa la chɔk ba, yosiwa. Kinkin naa nyaŋi nibine, nyɛ o burgi kin ti yoma.

1 Kɔr. 16:13

Ma se su Yesu. Chendaha ma il a kpak ma titi nɛnɛ awa bambi kpok ni.

Room 7:6

amaa lalaknɔ Koosa chiksɛ ta wa bu kpak kpok ya ni. O chi ya funɛ sou chiksɛ ta watɛɛ. Koosa chiksɛ naa ba fun sɔbi a li o sɛm tɔn ti ni, ya nyinbaan bunirɛ. Ya naa kpak o siim weri ti o nyɛn ya ni, la tiŋ o nyinbaan fali ti.

Room 6:18

Koosa funɛ yisi ma a li tum tagna kpok ni, a kpa o kpok ti a nyɛ ma di ma kpa ma titi a nyɛ tum were ni.

Tuma 15:10

Chenani ba fun teŋsi ya nawaalsi ta awa ya titi awa chenani ba wa ya fun kpaŋi di ya tiŋ Ju tim ta chiksɛ ta, chen wa fun suŋi ya. Chendaha Koosa vɛ daŋni ya ya kpa kin naa vɛ ya kibirigi a gbaari Yesu nitiŋɛ ba naa vɛ ya Ju tima.

1 Kɔr. 7:22

Domi nibine naa ya yoma ka ya kunyan ti yir un, o ya nibine naa dɔ o titirɛ o wati. Nibine naa dɔ o titi ka ya kunyan ti yir un, o ya Kristo yomne.

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.

Filip. Tima 1:27

Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.

Ɛfɛ. 6:14

Maa il. Maa sɛm dɔŋa awa wuti a kitum tum were,

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

Ju 3:14

Ma lisi chenani ma se fun te su Kristo, ka ma fun wa zim un. Ma kpak un chen nɛnɛ hali ma nyɛni maga wa peti, ma zi wa bɔni o kinau wuzu digi.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

2 Tɛs. 2:15

Mu niinbisa, chen daha, maa kpak nɛnɛ aa tiŋ wuti biksi naa ya fun biksi ma saha naa ya fun nyɛn ma wati awa chenani ya fun sɔbi tɔn ni a nyɛ ma.

1 Tɛs. 3:8

Ma kpak kpok a kitiŋ ya kunyan ti nɛnɛ, ya bambe zi kpoku ma daha.

Gal. 4:26

amaa nihaan naa funɛ vɛ ya yom chen, o chi Jɛrusalɛm naa nyɛn Koosa tɔhɔn ti ni chene. Ya waa ya o bisa.

Gal. 3:25

Lalaknɔ ya se su Yesu, waa ya ya kunyana. Koosa chiksɛ ta wa bu ya ya kunyana.

1 Kɔr. 15:58

Mu bi daŋnɛ, ma kpak nɛnɛ aa tum ya kunyan ti tuma kinkan. Ma zim di chenani maa tum tuma a nyɛ un, a wa zi wa ya yɔri.

Mat. 23:4

Ba fun a saksi bun yuga a lagmi dɔŋ ni a nyɛ nara chuŋi a, amaa ba wa fun kpa ba nisa a gbaŋsi bun tima.

Room 7:3

O baal ti nyɛnɛɛ, ka o la chɔ baal digi wati, nara zi yir un chɔkumsa tiinau. O baal ti wa sou, chiksɛ ta wa bu kpak kpok wa un ni. O la yu baal digi, o wa ya chɔkumsi tiina.

Room 8:15

Koosa siim weri ti wa fun nyɛ ya burgi o yosa di ya ɔm un. O ka funɛ nyɛ ya burgi Koosa bisiwa, chen ni ya koti a yir Koosa ya kunyana.

2 Kɔr. 11:20

Ba wa kpa tuha sa a du ma ni a dɛɛsi ma a chi bichɛsa, a nyɛ ma chɔk ma malɛ awa diwe kinkan a pini ma aa gbaari. Ma la kin nama maga.

Luk 5:38

Sin fali daŋni tɔk falirɛ.