Gal. 4:9 - Tampulma

⁹ Lalaknɔ ma zim Koosa a ya o bisa ka o zim ma, yɛrɛ maa daŋni ma bur aa tiŋ chiina awa chiksɛ? Ma bur a daŋni ma ya a yosiwaa?

Gal. 4:9 Referans Kwoze

1 Kɔr. 8:3

amaa nar la daŋni Koosa, warɛ Koosa zim.

Gal. 3:3

Ma ya womniwa kinkan. Ma funɛ te tiŋ a li Koosa siim weri ti kpok ni, amaa lalaknɔ maa daŋni ma tiŋu a li ma titi kpok ni hali a wa peti.

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

1 Jɔn 5:20

Ya zimu di Koosa be Yesu ti funɛ wa tɛɛnɛ nɔ maga di o wa lɛli ya sewa, chen ni ya zi zim naa ya wuti tiinau. Ya wa o be Yesu Kristo ti ya nibɛgimnɛ. Waa ya Koosa wuti. Waa la nyɛ ya o mi fali naa vɛ kpak bɔ.

2 Pita 2:20

Nara wa zim ya kunyan Yesu Kristo a nyɛ o yisi ba a li tɛɛnɛ nɔ tim maga tiŋi ni ka ba burgi a zu tɛɛnɛ nɔ tim tum tagna ni a nyaŋi ba, chenani ba nyɛn taginɛɛ a kaali chenani ba fun nyɛn.

Ju 7:18

Lalaknɔ Koosa dam kɔkɔɔra nifali ti chiŋɛ Ju tima Koosa dam kɔkɔɔrsa bar chiŋi ni. Chenani ba fun tum wa kpak kpok a ya yɔri.

2 Tim. 2:19

Amaa Koosa laaboor weri ti chi dam zɛchikrɛ. O kpoku kinkan. Chendaha nandigi wa kiziigi un. O funɛ sɔbiu a sak zɛchik ti ni, “Ya kunyan ti zim ba naa o dɔu.” O gbanko funɛ sɔbiu a sak, O gbanko funɛ sɔbiu a sak, “Ba naa maga ŋɔɛɛ di ya kunyan ti dɔ ba, ba gil ba tum tagna aa tiŋ un.”

Ɛfɛ. 1:17

chen ni naa ya ya kunyan Yesu Kristo nyana a kpak jirima kinkan, o zi kpa o zimau a nyɛ ma a biksi ma a biksi ma o titi wɛ gbampulim ni, chen ni ma zi zim unu nɛnɛ.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

1 Kɔr. 13:12

Kin nawara ya yaa na nan, a chi chenani ya yaa nyini diga buni ni chene. Amaa wuzu digi ya zi wa na kina magau nɛnɛ. Zima zen naa ha nyɛn gantɛl ni aa wa nan, kaali zima naa maga ya kpak nanu. Saha wa tel, mu zi wa zim kina magau nɛnɛ a chi chenani Koosa zim min nan.

Room 8:29

Koosa funɛ daŋni o bere ya nihɛɛ a li nibin damata ba naa chi un ni. Saha digi o piin zim bau a lisi ba di ba chi o be.

Jɔn 17:3

Hin ya nibɛgim a ya wuti tiina. Nar zim hin awa mu waa naa i fun tum chen, o kpak i mi fali naa vɛ kpak bɔu.

Jɔn 10:27

Mu zim mu piisisau ka a gbanko zim mu ta a la tiŋ min.

Jɔn 10:14

Min la dɛɛsi mu piisisi ta a kaali piisi gbaŋsi maga. Mu zim au ka a ka zim min.

Mat. 11:27

Doone Yesu fun burgi a ŋɔ zɛmɛ ta ni, “Mu nyan ti funɛ kpa kina magau a nyɛ min. Mu wa mu nyan ti duŋduŋ zim dɔŋa. Mu nyɛ ba naa mu lisi zim o gbanko.

1 Kɔr. 15:34

Ma bur wa ma nɛha ni a gil ma tum tagna. Ma bɔnɛ wa fun zim Koosa nɛnɛ. O wa kpak ma hiisaa?

2 Kɔr. 11:20

Ba wa kpa tuha sa a du ma ni a dɛɛsi ma a chi bichɛsa, a nyɛ ma chɔk ma malɛ awa diwe kinkan a pini ma aa gbaari. Ma la kin nama maga.

Gal. 4:3

Chen vɛɛna, wu damata awa chiksɛ funɛ te dɔ ya a nyɛ ya burgi a yosa ka ya zi wa zim Yesu Kristo.

Luk 5:38

Sin fali daŋni tɔk falirɛ.