Gal. 4:4 - Tampulma

⁴ Amaa o saha funɛ wa tel, Koosa fun tum o titi be tɛɛnɛ nɔ maga ni. Nihaan digi funɛ lul o be. O fun bi aa tiŋ Koosa chiksɛ ta.

Gal. 4:4 Referans Kwoze

Room 1:3

O ya o be wɛwa. Waa ya ya kunyana Yesu Kristo. O ya koor hɛɛ Devid be lulirɛ,

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Maak 1:15

a fun ŋɔ ba, “Saha teliu wa Koosa koora dugli. Ma gil ma tum tagna a nyɛ ma se su o laaboor weri ti, chen ni o zi dɔ mau.”

Jɔn 3:16

Koosa funɛ daŋni tɛɛnɛ nɔ maga nara kinkannɛ a fun tum o be bɛgim ba wati, chen ni Koosa wa zi na ba naa se su un galimsa a ta ba yɔri, amaa o ka zi kpa o mi fali naa vɛ kpak bɔu a nyɛ ba.

Mat. 1:23

O fun ŋɔ di, “Butowe naa vɛ zim nibaal o zi wa kpak lo a lul nibabichɛla. Ba zi wa yir unu Imanuɛl. Sɔn ti mun ya, ‘Koosa nyɛn ya wati’.”

1 Jɔn 4:14

Ya ya Koosa sɛhɛra timwa, domi ya funɛ na o be naa o fun tum a li tɛɛnɛ nɔ maga ni di o wa yisi ya a li ya tum tagna ni yaa tiŋ un.

Ɛfɛ. 1:10

Saha naa o fun lisi chen wa tel, o zi lagmi kin nawara maga o fun a naamiu, buudaha kina awa tɛɛnɛ nɔ maga kina, a nyɛ Yesu Kristo di a maga koora.

Luk 2:7

amaa dam naa hɔɔra fun nyɛn chen funɛ su wa nara ni. Chendaha o fun lul o tol be nibabichɛla a li sel bar nyɛni nɛɛ. O fun kpa gar a fɔu un a sak a diwe bar diili ni.

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

Luk 1:35

Malaika ti fun ŋɔ un, “Koosa zi wa kpa o siim weri tiu a du hin ni a kpa o kpok a nyɛ hin. Chen la zi wa nyɛ i kpak lo. Be naa i kaa wa lul chen, o zi wa ya tu chaan tiinau a ya Koosa be.

Jɔn 6:38

Waa funɛ tum min a li o tɔhɔn ti ni di mu wa tɛɛnɛ nɔ maga a wa tum o tutɔ. Mu wa wa di n wa tum mu tutɔrɛ.

Ju 2:14

Ba naa o funɛ yir Koosa bisa, ba waa ya nibinsa. Chendaha Yesu fun burgi nibine naa kpok purɛɛ a chi ya, chen ni o zi sou a kpa sintana awa o sou kpoku a ta,

Jɔn 10:36

Mu nyan ti funɛ lisi min a tum min tɛɛnɛ nɔ maga ni. Mu ŋɔ ma di mu ya o bere, yɛrɛ ma ŋɔ min di mu pini o zomwa?

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

Room 15:8

Ma nyɛ mu ŋɔ ma, Kristo funɛ wa tum a nyɛ Ju tim ta ni, chen ni Koosa vɔwɛ a naa o fun ŋɔ a nyɛ Abraham, Aizik awa Jakɔb ni, zi burgi wutiu.

Tuma 1:7

Yesu fun ŋɔ ba, “Mu nyana duŋduŋ zim saha naa kin na zi ya. O wa ya di ma nisa nyɛn dooni.

Luk 1:31

Koosa zi nyɛ i kpak lou a wa lul nibabichɛla. I wa lul un, ŋɔ i baal ni di o du o sɔn Yesu.

Mat. 3:15

Yesu fun ŋɔ un, “O deŋlu wa i chaksi min. O ya Koosa tutɔrɛ.” Jɔn funɛ nu o sɛm ta, o fun la nɔɔni a chaksi un.

1 Jɔn 4:2

Nannɛ ma zi ya a zim Koosa witinsa ba naa kpak Koosa siim weri ti. Naa la nɔɔni di Yesu ya Kristo a la nɔɔni di o funɛ wa tɛɛnɛ nɔ maga a chi nibine, chen tiina kpak Koosa siim weri tiu.

Ju 9:10

Ju tim ta waa baga nyɛn kin nawara ba na gbampulim nɛɛ. Diwe bɔnɛ awa kinyɔɔlɛ bɔnɛ funɛ ya kichiilewa, ka nyinbaanasa naa ba sɔ ni kurgɛ. Yesu funɛ wa nyɛ Koosa wa ya ya nɔ bɛgim, o fun biksi ya di kin nama wa bu ya kibirigi.

Kɔl. 2:14

Chiksɛ naa ya fun chɔk awa tum tagna naa ya fun tum ka Koosa fun sɔbi a a du o tɔn ni, o fun duŋni a a ta. O chi o funɛ kpa au a kpaasi mari Kristo daakakli ti ni.

Room 9:5

Ba waa ya Abraham awa Aizik awa Jakɔb bi lulɛ. Ba waa funɛ lul Kristo. O gbanko ya Koosa a dɔ kina maga. Ma nyɛ ya pɛgi un hali saha naa vɛ kpak bɔ. Ami.

Jɔn 8:42

Yesu fun ŋɔ ba, “Ma nyan ti sir ya Koosa, ma fu zi daŋni minu domi mu li o watɛɛ. Mu wa wa bar nɔ n titirɛ, amaa waa tum min.

Mat. 5:17

“Ma ta lisi di n funɛ wau di mu biksi chiŋi Ju tim chiksɛ awa Koosa witinsa biksi bar chiŋi nɛɛ. N wa fun wa di mu wa ya chene, amaa n wa di n wa biksi nara a wuti munwa.

Room 5:6

Saha digi ya wa fun koti a suŋi ya titi. Koosa saha wa tel, Kristo fun wa chiŋi tum tagna nitumɛ bar chiŋi ni a sou a nyɛ ya.

1 Tim. 2:6

Kristo funɛ sou ya daharɛ, chen ni o zi kotiu a la nibinsa nyuuna a nyɛ ba. Saha nɔwa Koosa fun lisi di ya la biksi nara kin nama wɛ.

Luk 20:44

Devid titi funɛ yir un o kunyana chen ni, yɛrɛ o bu kaa ya a zen a kaali un?”