Gal. 2:19 - Tampulma

¹⁹ Mu tiŋ o chiksɛ ta duŋduŋ, mu wa kikoti a tiŋ a a peti, a na galimsa o wati. Mu wa bu tiŋ chen. Lalaknɔ mu nyɛn a nyɛ Koosa nɛɛ. O chi mu wa Kristo sowɛɛ a li o daakakli ti ni,

Gal. 2:19 Referans Kwoze

Room 7:4

Mu niinbisa, chen vɛɛna chiksɛ ta wa bu kpak kpok ma ni. O chi ma wa Kristo funɛ sou a li o daakakli ti ni. Lalaknɔ naa Koosa fun lɛli a li o sou ni chen, waa dɔ ma, chen ni ma zi tum tum wereu a nyɛ Koosa ni.

Room 6:2

Aai. Ya wa ya tum tagna wa kpak wu digi wa dɔŋ ni, yɛrɛ ya kaa tum tum tagna aa la?

1 Tɛs. 5:10

O funɛ sou ya daharɛ chen ni o wa bur wa, ka ya maga ha vɛɛn nyɛn akoo a siti, ya zi wa kpak miisau a nyɛn o wati.

2 Kɔr. 5:15

O funɛ sou chene, chen ni ba naa la o mi fali ti wa zi bu tiŋ ba titi tutɔ, amaa ba zi tiŋ unu naa funɛ sou a si o sou ni ba daha.

Room 6:11

Maa zim di ma wa ma tum tagna wa bu kpak wu digi wa dɔŋ ni. Koosa funɛ kpa o mi fali ti a nyɛ ma, domi ma wa Yesu Kristo ya nibɛgimnɛ. Maa nyɛn a sɔɔni o tuha.

Room 8:2

O siim weri naa funɛ kpa o mi fali ti a nyɛ ya, funɛ yisi ya a li tum tagna kpok ni awa chenani Koosa zi ta ya yɔri, domi ya wa Yesu Kristo ya nibɛgimnɛ.

1 Pita 2:24

Kristo funɛ sou a li o daakakli ti ni, o fun kpa ya tum tagna a du o titi ni, chen ni ya wa zi bu tum tum tagna, amaa ya zi tum tum wereu. O chɔɔra funɛ nyɛ ma na alaafɛu.

Room 6:14

Koosa chiksɛ ta wa bu dɔ ma. Lalaknɔwa Koosa suŋi ma. Chendaha tum tagna wa zi bu dɔ ma.

1 Pita 4:6

Chendaha Koosa fun nyɛ nara kpa o laaboor weri ti a nyɛ ma ni. Waa la di nara maga sɛria. Chendaha ba siti. Ma bɔnɛ fun siti, amaa ba siimsa kpak miisau a chi Koosa.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Kɔl. 2:20

O chi ma wa Kristo funɛ sou. Chendaha ma wa tɛɛnɛ nɔ maga zima wa kpak wu digi wa dɔŋ ni. Tɔ. Yɛrɛ maa tiŋ tɛɛnɛ nɔ maga zima ti a chi ma wa tɛɛnɛ nɔ tim maga ha vɛɛn ya nibɛgim? Yɛrɛ maa tiŋ nibinsa chiina,

Gal. 3:24

Amaa Yesu Kristo funɛ wa, chiksɛ ta wa bur a il ya. Waa funɛ nyɛ ya se su un, chen ni Koosa wa zi bu na ya galimsa.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Kɔl. 3:3

O chi ma funɛ sitiu. Lalaknɔ Koosa funɛ tɔ o mi fali naa maa nyɛn Kristo ni a chiŋsi.

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

1 Kɔr. 10:31

Amaa kina maga maa ya a la di koo a nyɔ, maa ya a maga a kinyɛ Koosa wa jirima.

Room 7:14

Ya zimu di chiksɛ ta ya Koosa siim weri ti kinawa. Mu waa ya nibine. Tum tagna funɛ di min a nyɛ mu fun burgi a yoma.

Room 5:20

Koosa funɛ kpa o chiksɛ ta a nyɛ Ju tim ta ni, a waa funɛ nyɛ nara tum tum tagna a gbaari kinkan. Ba funɛ tum au a gbaari, chenani Koosa suŋi ba gbanko gbaari a kaali chen.

Room 4:15

Koosa na paan a du ba naa la chɔk o chiksɛ ta a wa lɛrgi ba diŋsa. Chiksɛ ta fu vɛ nyɛni, nara fu wa zi koti a chɔk a.

1 Kɔr. 9:20

Mu wa Ju tim ta lagmi nyɛn, mu yaa kpa mu titiu a burgi ba, chen ni mu zi la ba bɔnɛu a nyɛ Koosa ni. Mu wa ba naa tiŋ Ju tim ta chiksɛ ta wa lagmi, mu gbanko yaa tiŋ ba chiksɛ tawa, chen ni mu zi la ba bɔnɛu a nyɛ Koosa ni.

Gal. 6:14

Mu daha, chenani ya kunyana Yesu Kristo fun sou a li o daakakli ti ni chen, chen ya mu jirima kin. Chendaha mu wa fun bukoo tiŋ chenani tɛɛnɛ nɔ tim maga tiŋ. Mu funɛ vɛ ba nyinbaanu.