Gal. 1:8 - Tampulma

⁸ Koosa malaikasi ta digi zi wa li o tɔhɔn tiu koo min wa biksi ma laaboor weri naa kurgɛɛ a li Koosa laaboor weri naa ya piin biksi ma chen, Koosa zi na ya galimsau a ta ya yɔri.

Gal. 1:8 Referans Kwoze

Gal. 1:9

Mu funɛ te ŋɔ ma nanu. Lalaknɔ mu bur a ŋɔ mau. Nandigi biksi laaboor weri ti ka o kur a li Koosa laaboor weri naa ma fun a la nɔɔni di o ya wutirɛ, Koosa zi na o galimsau a ta un yɔri.

1 Kɔr. 16:22

Nibine naa vɛ daŋni ya kunyan ti, Koosa zi ŋɔ nɔu a nyɛ un. Ya kunyana, kuwa.

Room 9:3

Mu fu koti a chiŋi ba bar chiŋi ni a nyɛ Koosa ŋɔ nɔ a nyɛ min a waligi min a li Kristo ni, mu fu zi ya chenu.

Mat. 25:41

“Doone mu zi burgi a ŋɔ tum tagna nitumɛ, ba naa nyɛn mu ningal niu, ‘Ma naa Koosa fun ŋɔ nɔ a nyɛ chen, ma la mu wati. Ma la din dama naa Koosa fun kɔɔri a chiŋsi sintana awa o malaikasa.

2 Pita 2:14

Saha maga ba dɛu nihaana a daŋni ba, chen ni ba wa ba zi tum chɔkumsi tumau. Baa tum tum tagniwa a vɛ puŋi. Ba kpa ba naa vɛ kpak kpok a mo ba lo. Ba ya se timwa kinkan. Chendaha Koosa fun ŋɔ nɔ a nyɛ ba.

Tuma 23:14

Ba fun la ŋɔ Koosa dam kɔkɔɔrsi ta awa nihɛɛti ta ni, “Ya fun lagmi dɔŋ ni a vɔti nɔɔna a ŋɔ di ya vɛ kpu Pɔɔl, ya wa zi di diwe koo a nyɔ ni.

Tait. 3:10

Nar daŋni o purigi ba naa la tiŋ Yesu di ba tiŋ un, i tɛ un nin bilɛ. O vɛ di o wa zi nu i sɛma, i wa un wa bu kpak wu digi wa dɔŋ ni.

Gal. 3:13

Kristo funɛ sou, waa funɛ chiŋi doonani Koosa kaa ŋɔ nɔ a nyɛ ya bar chiŋi ni a la ya nyuuna a nyɛ ya. Ba fun bukoo sɔbi a li o sɛm tɔn ti ni a ŋɔ, “Koosa zi ŋɔ nɔu a nyɛ naa ba yisi a tɛ daakakli ti ni.”

1 Kɔr. 12:3

Adaha mu daŋni ma zimu di nibine naa Koosa siim weri ti nyɛn, o wa zi koti a ŋɔ nɔ a nyɛ Yesu ni. Nibine wa to a la zi koti a sɛm nara ni di Yesu ya o kunyannɛ, see Koosa siim weri ti nyɛn un ni.

Maak 14:71

Doone Pita fun hɛɛsi Koosa a nyɛ o titi ni a ŋɔ, “Baal naa ma sɛm nan, n wa zim un.”

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

Room 16:17

Mu niinbisa, mu sumi mau ma il aa zim ba naa la daŋni ba waligi ma a li dɔŋ ni a bur ma a li Yesu tiŋi ni. Chenani baa biksi awa chenani nara fun te wa biksi ma yo dɔŋa. Ma ta lagmi ba ni.