Gal. 1:4 - Tampulma

⁴ Kristo funɛ tiŋ ya kunyan Koosa tutɔrɛ a sou ya daha, chen ni o zi kotiu a yisi ya a li lalaknɔ wu tagna saha ni.

Gal. 1:4 Referans Kwoze

Mat. 20:28

N waa min nibine be wa fun wa di n wa dɛu tumtumsa di ba wa tum a nyɛ min. N ka funɛ wau di n wa tum a nyɛ tɛɛnɛ nɔ maga nara nɛɛ a sou a la nibinsa nyuuna a nyɛ ba.”

Room 4:25

Koosa funɛ nyɛ Yesu sou ya tum tagna daha a bu lɛli un a li o sou ni, chen ni o wa zi bu koti a na ya galimsa.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

1 Pita 2:24

Kristo funɛ sou a li o daakakli ti ni, o fun kpa ya tum tagna a du o titi ni, chen ni ya wa zi bu tum tum tagna, amaa ya zi tum tum wereu. O chɔɔra funɛ nyɛ ma na alaafɛu.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

1 Tim. 2:6

Kristo funɛ sou ya daharɛ, chen ni o zi kotiu a la nibinsa nyuuna a nyɛ ba. Saha nɔwa Koosa fun lisi di ya la biksi nara kin nama wɛ.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

1 Tɛs. 3:13

Maa daŋni dɔŋa chen ni, Koosa zi nyɛ ma bambe kpoku, chen ni ya kunyan Yesu awa o walɛ maga a wa, ma zi wa kotiu a chiŋi ya kunyan Koosa suwachak ni awa tu chaana ka galimsa ta nyɛn ma ni.

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

Filip. Tima 4:20

Koosa naa ya ya kunyana, kpak jirima kinkan hali saha naa vɛ kpak bɔ. Ami.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

JɔnN Deesi 1:5

wa Yesu Kristo naa funɛ biksi ya Koosa wuti ti ka o te lɛli un a li o sou ni ya maga suwachak ni, ba maga zi suŋi mau a kinyɛ ma bara sɔɔna. Yesu ya koor zen a kaali tɛɛnɛ nɔ maga koorsa. Waa funɛ daŋni ya a kpa o chɛl a chaksi ya tum tagna a li ya bambe ni,

JɔnN Deesi 5:9

Ba fun lɔ bool fali a ŋɔ, “I ya nizenu wa i la tɔn ti a kasi kitɔɔli ta a puk un. Ba funɛ kpu hin, i fun kpa i chɛl a la nidamata nyuuna a nyɛ Koosa ni. I funɛ lisi bau a li pulumsa awa buurisa maga ni ka ba maga sɛm sɛm kurgɛ.

1 Jɔn 3:16

Chenani Yesu fun sou ya daha biksi ya wuti daŋni. O weru wa yaa daŋni ya dɔŋtima chenu, hali a sou ba daha.

1 Jɔn 2:2

O funɛ sou ya tum tagna daharɛ, chen ni o zi koti a yisi yau a li Koosa paan ni. O wa fun sou ya tum tagna duŋduŋ daharɛ. O funɛ sou tɛɛnɛ nɔ tim maga tum tagna gbanko daharɛ.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

Jems 4:4

Ma naa vɛ tiŋ wuti ti nan, ma wa zim di ma wa tɛɛnɛ nɔ tim maga ya chɛnsa, ma ya Koosa dɔmwaa? Nara la daŋni ba wa tɛɛnɛ nɔ tim maga ya chɛnsa, ba waa ya Koosa dɔma.

Ju 6:5

Ba fun a nu Koosa sɛma a zim di a ya wutiu. O fun kpa o kpok ti a du ba ni di o saksi a nyɛ ba nyɛn hali saha naa vɛ kpak bɔ.

2 Tɛs. 2:16

Ya kunyana Koosa la daŋni ya a fun suŋi ya, a kpami ya ya kpak bambi bɛgim un ni.

Jɔn 12:31

Chenani Koosa zi di tɛɛne nɔ tim maga sɛria a nyaŋi sintana naa dɔ ba, duglɛu.

Mat. 26:28

N zi kpa unu a nyɛ nidamata ni, chen ni Koosa zi gil ba tum tagnau a nyɛ ba. Mu ya chen, chen la zi biksi di o wa nara ya nɔ bɛgimnɛ.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

Ju 2:5

Lalaknɔ tɛɛnɛ nɔ maga wa chɔk ka Koosa kɔɔri kifali, o wa zi nyɛ o malaikasi ta dɔ un.

1 Tɛs. 3:11

Ya kunyan Koosa awa ya kunyan Yesu wa nyɛ ya nyinbaan, ya zi wa ma watiu.

Ɛfɛ. 6:12

Ya wara daŋni ya kpa Koosa kpok nɔ a chem nara. Ya ka daŋni un ya la chem siim kpoka awa kpok damata a naa la tum tum tagna kinkan awa ba naa maga vɛ zim Koosa a nyɛn buudaha ni.

Ɛfɛ. 1:11

Koosa tiŋ o tutɔrɛ a li o tum maga ni. O fun te lisi ya a nyɛ o titi ni, a zi naami tɛɛnɛ nɔ maga, chen ni ya wa Yesu Kristo zi ya nibɛgimu.

Gal. 6:14

Mu daha, chenani ya kunyana Yesu Kristo fun sou a li o daakakli ti ni chen, chen ya mu jirima kin. Chendaha mu wa fun bukoo tiŋ chenani tɛɛnɛ nɔ tim maga tiŋ. Mu funɛ vɛ ba nyinbaanu.

Room 8:32

Hali waa funɛ lisi o titi be a nyɛ o sou a li o daakakli ti ni ya daha. Chendaha o kpa kina maga a gbaari un a nyɛ ya yɔri.

Room 8:3

Nibinsa wa kpak kpok. Chendaha Koosa chiksɛ ta fun vɛ koti a ya chen. Koosa funɛ nyɛ o be burgi nibine a tum un o wa tɛɛnɛ nɔ maga a sou nibinsa tum tagna daha. O funɛ ya chen, Koosa chɔk tum tagna kpok ti,

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

Jɔn 10:11

“Min la dɛɛsi mu piisisi ta a kaali piisi gbaŋsi maga. Hali mu saksɛu di mu sou a nyɛ a.

Jɔn 6:38

Waa funɛ tum min a li o tɔhɔn ti ni di mu wa tɛɛnɛ nɔ maga a wa tum o tutɔ. Mu wa wa di n wa tum mu tutɔrɛ.

Jɔn 5:30

“Mu wa kikoti a tum wu digi mu titi nyuhu ni. Koosa yaa biksi min chenani mu zi di nara sɛria. Chendaha mu sɛria diili ya wuti saha maga. Mu wara daŋni mu tiŋ mu tutɔ, amaa naa tum min chen tutɔrɛ mu daŋni n tiŋ.

Luk 22:42

“Mu kunyana, mu sumi hinu, lisi namsi nɔ a li mu nin ni. Nyɛ i tutɔ ti ya a kaali mu tutɔ.”

Maak 10:45

N waa min nibine be wa fun wa di n wa dɛu tumtumsa di ba wa tum a nyɛ min. N ka funɛ wau di n wa tum a nyɛ tɛɛnɛ nɔ nara nɛɛ a sou a la ba nyuuna a nyɛ ba.”

Mat. 26:42

O fun bukoo a la sumi Koosa a ŋɔ, “Mu kunyana, i daŋni mu na namsi nɔ, nyɛ i tutɔ ti ya.”

Mat. 6:9

Nan nyinbaan nɔwa ma zi sumi Koosa. ‘Ya kunyan Koosa, ya daŋni i sɔn naa la chaani chiŋiu.

JɔnN Deesi 7:9

A gantɛl ni mu fun nyini a na ka zɛmɛ kinkan nyɛn dooni. Nandigi wa fun koti a gur ba. Ba funɛ li tɛɛnɛ nɔ maga pulumsa awa buurisa maga ni ka ba maga sɛm sɛm kurgɛ. Ba fun laari takta ziŋɛ pilima a kpak bone kpachaga ba nisa ni a chiŋi Koosa jirima bar kani awa piisi be ti suwachak ni.

Room 8:27

Koosa naa la nyini nibinsa bambe a zim chenani a du, waa zim chenani o siim weri ti lise. O siim weri ti zim Koosa tutɔ aa sumi chen a nyɛ o nara ni.

Luk 22:19

O fun bukoo zer boroboro a sumi Koosa a du a chɔksi a bɔni ba a ŋɔ, “Ma zer a di. Mu bara nɛɛnɛ n kpa a nyɛ ma. Ma ya chen aa kilisi mu wɛ.

Mat. 13:22

Kiduha naa funɛ chesi sɔta bar nyɛni ni chen chi ba naa nu laaboor ti, amaa tɛɛnɛ nɔ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

1 Kɔr. 15:3

Wu birigi zen naa mu fun la Koosa wati chen, mu funɛ kpa biksi mau. Waa nɛɛnɛ. Yesu funɛ sou ya tum tagna daharɛ a chi chenani Koosa sɛm tɔn ti fun sɛm di o zi wa tumu saha digi chen.

Ɛfɛ. 5:16

Nidamata tum tum tagniwa lalaknɔ. Ma ka nyini nyinbaan a tum tum were saha maga.

1 Tɛs. 1:3

Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.