Gal. 1:13 - Tampulma

¹³ Ma zimu di saha digi mu funɛ tiŋ Koosau a chi Ju tim ta, mu fun a muksi Yesu nitiŋɛ ta kinkan. Mu wa fun a kpak ba siki a la daŋni mu chɔk ba maga.

Gal. 1:13 Referans Kwoze

Tuma 8:3

Sɔɔl funɛ namsi Yesu nitiŋɛ ta kinkan. O funɛ zu ba damsa bu bɛgim bɛgima a lɛrgi nibaala awa nihaana a li a tɔ ba dɛ.

1 Kɔr. 15:9

Min tiŋ gantɛl a li Yesu nitumɛ ta ni. O wa deŋli di ba yir min o nitumi, domi min funɛ muksi Yesu nitiŋɛ ta kinkan chen.

Tuma 9:26

O fun wa tel tɛɛnɛ, Sɔɔl li un ni a kaali Jɛrusalɛm a daŋni o lagmi Yesu nitiŋɛ ta ni dooni. Ba se wa fun su di o ya Yesu nitiŋɛ ta digirɛ. Chendaha ba funɛ ɔm un.

Tuma 9:21

Alaazibu fun kpak ba naa maga nu o sɛm ta kinkan. Ba fun ŋɔ dɔŋ ni, “Baal nɔ nyɛ ba naa maga nyɛn Jɛrusalɛm ni a kpa Yesu sɔn a jɛɛmi un, na namsiu kinkan. Lalaknɔwa o wa di o wa kpaksi Yesu nitiŋɛ ba naa nyɛn bar nɔ, a bur kila Koosa dam kɔkɔɔrsi ta wati. Chen mun ya yɛrɛ?”

1 Tim. 1:13

Saha digi mu fun zim un a la chɔk o sɔn a la pini o zoma a la muksi o nitiŋɛ ta kinkan. Mu si wa fun su un. Chendaha mu wa fun zim chenani mu tum. Amaa Koosa funɛ kpak min sikiu,

Filip. Tima 3:6

Nandigi wa zi koti a ŋɔ di mu funɛ chɔk au. Mu se funɛ sɛriu hali mu muksi ba naa tiŋ Yesu kinkan.

Tuma 8:1

Sɔɔl funɛ daŋni o sou. Saha ti kpa la, Ju tim ta fun nyɛ Yesu nitiŋɛ ba naa nyɛn Jɛrusalɛm ni, na namsi kinkan. Ba maga fun pisi a su Judia pulum awa Samaria pulum. Nitumɛ ta duŋduŋ funɛ ka a nyɛn Jɛrusalɛm ni.

1 Kɔr. 10:32

Ma doso ma ta wa ya wu digi naa la zi chɔk ma dɔŋtim ta lisi aa muksi ba. Ju tim ta akoo ba naa vɛ ya Ju tima koo ba naa ya Yesu nitiŋɛ, ma ta wa ya chen a nyɛ nandigi ni.

1 Tim. 1:14

a suŋi min hali o vɛ kpak bɔ di mu si su un, chen ni mu zi kotiu a daŋni nara. Ba naa maga wa Yesu Kristo ya nibɛgim, o suŋi ya nan.