Filip. Tima 2:3 - Tampulma

³ Ma ta ya se tima a kidaŋni sɔna. Ma ta lisi di ma ya nibin werewa a kaali ma dɔŋtima. Ma ka ya jɛrgɛ tima.

Filip. Tima 2:3 Referans Kwoze

Room 12:10

Ma wa ma dɔŋtima ya nibɛgimnɛ Kristo daha. Chendaha maa daŋni dɔŋa nɛnɛ aa kpak un ma bambe ni di ma nyɛ dɔŋa wa jirima.

Gal. 5:26

Ya ta daŋni sɔna a daŋni bara bora aa kidi handɔta a du dɔŋ ni.

Ɛfɛ. 5:21

Ma kpa ma bambe a lagmi dɔŋ ni, chen ni ma zi nyɛ Yesu Kristo wa jirimau.

Ɛfɛ. 4:2

Ma ya jɛrgɛ tima a kpak dɔŋ wa kanyita saha maga. Maa suŋi dɔŋa, chen ni nara zi zimu di maa daŋni dɔŋau.

1 Pita 5:5

Nibaala, chen vɛɛna maa tiŋ ma nihɛɛta nɔɔna a ya jɛrgɛ tima. Ba fun a sɔbi a li Koosa sɛm tɔn ti ni, “Koosa vɛ ba naa la zer ba titi, amaa o suŋi ba naa ya jɛrgɛu.”

Filip. Tima 2:14

Ma tum o tuma a ta zulimi ma dɔŋtima a kidi dɔŋwa amɔrɛ.

Gal. 5:15

Ma yaa na paan a du dɔŋ ni a la di dɔŋa wa amɔrɛ, ma doso. Wuzu digi ma zi wa chɔk dɔŋau.

1 Tim. 6:4

ba zer ba titi a vɛ zim kundɔŋ. Saha maga ba yaa daŋni ba di amɔrɛrɛ kinkan a kidaŋni tɛl sɛma, chen ni ba naa la nu ba sɛm ta ya handɔta timawa a waligi dɔŋ ni a la chɔk dɔŋ sɔna a ya beeli tima.

Luk 18:14

Yesu funɛ sɛm jɛɛgi ti peti, o fun ŋɔ nara tima ni, “Nara balɛ ta funɛ kaali ba damsa, Koosa wa fun bu na lampo nilali ti galimsa ka Farisi tim ta baal ti galimsa kpalimi un ni. Nar la zer o titi buudaha, Koosa zi nyɛ o chelu. Nar ka kpa o titi a burgi gantɛl tiŋna, Koosa zi zer un buudahau.”

Kɔl. 3:8

Amaa lalaknɔ ma gil a magau. Ma ta na paan a du nara ni. Ma ta chɔk ma dɔŋtim sɔna a ta pini dɔŋ zoma a ta sɛm sɛm tagna,

2 Kɔr. 12:20

O muksi minu mu wa wa ma wati, ma bɔnɛ wa zi tiŋ chenani mu daŋni maa tiŋ. Ma zi wa di dɔŋa wa amɔrɛu a kpak dɔŋa handɔta a na paan a du dɔŋ ni a ya se tima a kichɔk dɔŋ sɔna a kilɔ dɔŋ gantɛla a zer ma titi a vɛ tiŋ ma nihɛɛta nɔɔna. O du chen, ma wa zi daŋni chenani mu wa ma zi nyɛn.

1 Kɔr. 3:3

domi ma ha vɛɛna tiŋu a chi tɛɛnɛ nɔ tim maga. Chenani maa di handɔta awa dɔŋa a la di amɔrɛ wa dɔŋ ni biksi di ma wara tiŋ Koosa siim weri ti nyinbaan. Ma ka tiŋ tɛɛnɛ nɔ tim maga nyinbaannɛ.

1 Kɔr. 15:9

Min tiŋ gantɛl a li Yesu nitumɛ ta ni. O wa deŋli di ba yir min o nitumi, domi min funɛ muksi Yesu nitiŋɛ ta kinkan chen.

Room 13:13

Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.

Room 2:8

Amaa ba naa ka kpak se a la vɛ di ba tiŋ wuti nyinbaan a la tum tum tagna saha maga, Koosa zi na paanu kinkan a du ba ni a lɛrgi ba diŋsa.

Kɔl. 3:12

Ma ya Koosa narawa. O fun a lisi ma a nyɛ o titi ni a la daŋni ma kinkan. Ma kpak dɔŋa awa siki a kikɔɔri dɔŋa sɔna a ya jɛrgɛ tima a kpak kanyita a du nara ni,

1 Pita 3:8

Ma nyɛ mu lagmi a nama a ŋɔ ma. Maa kpak nɔ bɛgim wa dɔŋ ni a li kina maga ni. Ma ya niinbisiwa. Chendaha maa daŋni dɔŋa kinkan a ya jɛrgɛ aa kpak dɔŋa wa siki.