Filip. Tima 1:7 - Tampulma

⁷ Mu daŋni mau kinkan. Chendaha o weru wa mu lisi ma wɛ nan saha maga. Ba kpak min a tɔ dɛ koo mu chiŋɛ Koosa laaboor weri ti gantɛl ni a sɛm nara ni di o kpak wutiu, Koosa yaa funɛ suŋi minu awa ma maga.

Filip. Tima 1:7 Referans Kwoze

2 Kɔr. 7:3

Ya wara sɛm nannɛ a nyɛ ma di ya na ma galimsa. Ya funɛ piin ŋɔ mau di ya daŋni mau kinkan. Ya nyɛnɛɛ koo ya sitɛɛ, ma zi vɛɛn nyɛn ya bambe niu.

Filip. Tima 1:5

Domi saha naa ma fun nu Koosa laaboor weri ti hali wa zinan, ma yaa suŋi minu di mu ŋɔ nara ni o wɛ.

2 Tim. 2:9

Koosa laaboor weri ti daha ba fun kpak min a la tɔ dɛ di mu namsi a chi tum tagna nitumi. Amaa ba wa koti a kpa o laaboor weri ti a tɔ dɛ.

Kɔl. 4:18

Mu titi la sɔbi sɛm na bar nɔ a zaami ma. Maa lisi di mu ha vɛɛn tɔ dɛrɛ. Koosa suŋi ma.

Filip. Tima 4:14

O funɛ weru kinkan ma suŋi min a li mu namsi ni a chi nan.

Ɛfɛ. 6:20

Hali ba fun kpak min a tɔ dɛ, mu ha vɛɛn ya Koosa laaboor weri ti nitumirɛ. O deŋlu wa mu kpak bambi a biksi ba naa nyɛn bar nɔ o wɛ a ta kpa kundɔŋ a ta gantɛl ni.

Ɛfɛ. 3:1

Chendaha muu sumi Koosa ma daha. Domi mu funɛ biksi ma naa vɛ ya Ju tima di ma tiŋ Koosa, ba fun kpak min a tɔ dɛ.

Tuma 20:23

Mu zimu di doonani maga mu funɛ gba, waa funɛ ŋɔ min di mu zi na namsiu ka nara tɔ min dɛ.

1 Jɔn 3:14

Chenani yaa daŋni dɔŋa biksi ya di Koosa funɛ lisi ya a li sintana nin ni a nyɛ ya o mi fali ti. Ba naa maga vɛ daŋni ba dɔŋtima, sintana ha vɛɛn dɔ ba.

2 Pita 1:13

Amaa mu ha vɛɛn nyɛn bar nɔ nan, o deŋlu di mu sɔbi tɔn nɔ a nyɛ ma, chen ni ma zi bukoo kilisi a wɛu.

1 Pita 4:13

Ma waa la namsi a chi Kristo funɛ namsi. Chendaha ma nyɛ ma tusa sɔɔni. O wa bur wa, ka nara na o jirima awa o chaani kinkan, ma tusa zi wa sɔɔniu hali a la gali.

Ju 3:1

Mu niinbisa, Koosa funɛ yir ma a lisi a nyɛ o titi ni. Ma lisi Yesu naa ya se su wɛ. Koosa funɛ tum un di o wa ya ya Koosa dam kɔkɔɔra.

2 Tim. 1:8

Ta nyɛ hiisa kpak hin a li chenani i ŋɔ nara ni ya kunyan ti wɛ. Ta nyɛ hiisa gbanko kpak hin a li chenani ba tɔ min dɛ Kristo wɛ daha. Kpa kpok naa Koosa nyɛ hin aa saksi a na namsi o laaboor weri ti daha.

1 Tɛs. 5:5

Ma maga chi fitin timwa aa tum gbampulim ni. Ya wa chi birsa tima a sogli aa tum.

Kɔl. 4:3

Maa sumi Koosa gbanko a nyɛ ya di o nyɛ ya nyinbaan ya sɛm nara ni o laaboor weri ti wɛ aa biksi ba o kisogli wɛ. O wu sogli ti ya Kristo. O laaboor weri ti daha ba fun tɔ min dɛ.

Ɛfɛ. 4:1

Mu waa naa ba fun tɔ dɛ ya kunyan ti daha, mu sumi mau di ma tiŋ chenani deŋlee wa ma tiŋ. Koosa funɛ yir ma di ma tiŋ chen.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

2 Kɔr. 3:2

Aai. Ya wara daŋni ya kpa tɔna a nyɛ ma. Chenani maa zim a tiŋ Koosa mu biksi daha biksi nara maga di Koosa sir tum min.

1 Kɔr. 13:7

Nibine naa la daŋni nara wa na namsi, o wa zi gil nara daŋni a vɛɛn tiŋ Koosa. Kina maga yɛɛ, o yaa lisi wu werewa a nyɛ ba, a kpak bambi bɛgim wa ba ni.

1 Kɔr. 9:23

Mu ya chene o laaboor weri ti daha, chen ni mu zi wa na kiwere a naa Koosa fun vɔu di o nyɛ ya chenu.

Tuma 21:33

Lanjimasa nihɛɛ nyuhu tiin ti fun ŋɔ o lanjimasi ta ni ba kpa zɔglɛ abalɛ a vɔu Pɔɔl a burgi pɛɛsi zɛmɛ ta, “Anti ya baal nɔ? Baŋnɛ o tum?”

1 Pita 5:1

Mu daŋni mu sumi ma naa ya Yesu nitiŋɛ nihɛɛtau. Mu gbanko ya nihɛɛrɛ, a ya Kristo namsi sɛhɛra tiina. O wa bur wa, mu wa ma zi bɔni o jirima awa o chaani kinkanu.

Filip. Tima 1:12

Mu niinbisa, mu daŋni mu ŋɔ mau chenani ba fun kpak min a tɔ dɛ chen nyɛ Koosa laaboor weri ti pisiu a gbaari.

Filip. Tima 1:13

Koor nyuhu tiina Siiza lanjimasa ba naa maga la il min awa nidamata a nyɛn bar nɔ, zimu di ba funɛ tɔ min dɛrɛ muu tiŋ Kristo daha.

Filip. Tima 1:14

Nan daha, Yesu nitiŋɛ nidamata kpak bambe kpok a gbaari a biksi nara Koosa laaboor weri ti wɛ.

Filip. Tima 2:22

Ma zim chenani Timoti bambi du awa chenani mu wa un fun tum a chi nyana awa o be a biksi nara Koosa laaboor weri ti wɛ.

Filip. Tima 4:3

Nihaana nama awa Klɛmɛnt wa tumtumsa bɔnɛ wa min, ya waa funɛ tum kinkan di ya biksi nara tima Koosa laaboor weri ti wɛ. Mu dɔŋtiin birigi naa wa min la tum Kristo tuma, mu sumi hinu di i suŋi ba. Koosa fun sɔbi ba naa la o mi fali ti, sɔna a du o tɔn ni. Ba sɔna nyɛn dooni.

Filip. Tima 4:15

Ma Filipai nara, ma zimu nɛnɛ di mu funɛ te a biksi Masɛdonia nara Koosa laaboor weri ti wɛ a la saksi di mu kaali, ma duŋduŋ funɛ suŋi min nyinbaan ni.

Faili. 1:13

Mu daŋni o nyɛn mu watɛɛ dɛ nɔ ni a chiŋi i bar chiŋi ni a suŋi min.