Filip. Tima 1:6 - Tampulma

⁶ Mu kpak bambi di Yesu Kristo wa bur wa, Koosa zi wa peti tum naa o fun piin a tum ma niu.

Filip. Tima 1:6 Referans Kwoze

Filip. Tima 2:13

Saha maga Koosa yaa tum ma bambe niu, chen ni ma zi zim chenani o daŋni ma tumu.

Ɛfɛ. 4:12

chen ni o nara ba naa maga chi o bara zi zimu chenani ba zi tum ba tumau a nyɛ dɔŋ ni, a kpak un nɛnɛ a gbaari.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

1 Kɔr. 1:8

Waa la zi kpa o kpok a nyɛ ma maa tiŋ un nɛnɛ, chen ni o wa bur wa, o wa zi bu na ma galimsa.

2 Tɛs. 1:11

Chendaha ya yaa sumi un ma daha. Waa funɛ lisi ma di ma la o mi fali ti. Yaa sumi unu di o nyɛ ma o kpok ti yaa tiŋ o mi fali ti nɛnɛ. Ya vɛɛn a sumi unu di o suŋi ma ma kitum tum were a naa maga ma daŋni ma tum hali a wa peti, domi ma se su un.

Ju 10:35

Maa tiŋ nɛnɛ a chi chenani ma fun a tiŋ saha digi chen a ta bur gantɛl. Ma ya chen, Koosa zi wa bɔ ma ma chimu kinkan.

Jɔn 6:29

Yesu fun ŋɔ ba, “Ma nyɛ ma se su n waa naa o fun tum ma wati. Chene Koosa daŋni maa tum.”

Filip. Tima 1:10

chen ni saha maga ma zi kotiu a zim a lisi nyinbaan weri. Ma ya chen, Kristo wa bur wa, ma zi kotiu a chem un wa tu chaani a ta kpak galimsa.

Ju 12:2

Yesu duŋduŋ si funɛ su Koosa hali o wa peti. Chendaha o lawa ya nyini o se niu a kpaŋi ya titi a tiŋ chenani o tiŋ saha maga. Domi o funɛ zim di o tiŋ Koosa tutɔ ka o tuha wa sɔɔni kinkan, o fun nyɛ ba kpaasi un a mari daakakli ti ni a sou a na hiisa kinkan. Lalaknɔwa o kani Koosa nihɛɛ bar kani ni a li o tɔhɔn ti ni.

1 Tɛs. 1:3

Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.

Faili. 1:21

Mu zim di i zi tumu a kaali chenani mu sumi hin chen.

Filip. Tima 1:29

Waa nyɛ ma se su Kristo a nyɛ ma gbanko namsi o daha.

2 Tɛs. 3:4

Ya kunyan ti nyɛ ya se su ma di ma zi tiŋ kin naa maga ya fun biksi mau a chi ma la tiŋ lalaknɔ nan.

Kɔl. 2:12

Ba funɛ chaksi ma wa ni ni, chen funɛ chi ma wa Kristo lagmi sou. Ba fun a lagmi ma a sogli. Koosa fun a lɛli Kristo o sou ni. Ba funɛ chaksi ma chen gbanko funɛ chi Koosa a lagmi a lɛli ma wa Yesu a li ma sou ni. Ma se funɛ su a li chenani o tum a nyɛ un ni. Chendaha o fun tum a nyɛ ma chen.

2 Kɔr. 7:16

Mu tuha sɔɔnɛu kinkan di mu se su ma a chi nan.

Tuma 11:18

Yesu nitiŋɛ ta fun nu o sɛm ta, ba fun gil Pita zulimi a la pɛgi Koosa a ŋɔ dɔŋ ni, “Lalaknɔwa ya zim di Koosa funɛ nyɛ ba naa vɛ ya Ju tima nyinbaanu di ba gil ba tum tagna a bur tiŋ un, chen ni ba zi wa na o mi fali tiu.”

Tuma 16:14

Nihaani tima digi sɔn funɛ ya Lidia ka o nu ya sɛm ta. O yaa funɛ yogli gar naa ya ti bɛgim a laksi kibilima awa kisɛma ka a malɛ kpok kinkan. O funɛ li tɔhɔn naa ba yir Tiataya a li Azia pulum ni. O yaa funɛ jɛɛmi Koosau ka ya kunyan ti puk o bambi di o nu Pɔɔl sɛm ta.

Gal. 5:10

Domi ya wa ya kunyan ti ya nibɛgimnɛ, mu kpak bambiu di ma zi tiŋ mu sɛmau. Mu gbanko kpak bambiu di Koosa zi wa na ba naa la muksi ma galimsau a ta ba yɔri. Hali chenani ba mak.

2 Pita 3:10

Ya kunyan ti wa wa, o kaa wa chi chenani ŋmɛɛr ya wa chene. Chen wuzu ti wa tel, o zi jimu a chi dinful. Buudaha zi wa nyigmiu ka din wa di tɛɛnɛ maga.

2 Kɔr. 9:4

Mu wa Masɛdonia nara tima bɔnɛ wa na di ma ha wa ya wu digi, chenani ya se su a li ma ni zi burgi hiisau. Ma gbanko zi na hiisau kinkan.

2 Kɔr. 2:3

Chendaha mu fun te sɔbi tɔn a nyɛ ma. Chen saha ti mu wa fun wa di mu wa na ma, domi ma naa fu zi nyɛ mu tuha sɔɔni, ma waa nyɛ o chɔk. Mu zim mu bambi niu di kinkin naa la sɔɔni mu tuha, waa la sɔɔni ma gbanko tusa.

2 Kɔr. 1:15

Kin nama daha, mu funɛ daŋni mu wa gali ma ni a la Masɛdonia pulum a bur wa na ma, chen ni ma zi suŋi minu a li Judia pulum nyinbaan ni. Mu fu ya chen, mu fu zi suŋi mau bilɛ.

Filip. Tima 2:12

Mu bi daŋnɛ, mu funɛ nyɛn ma wati, ma funɛ tiŋ mu nɔu. Lalaknɔwa mu vɛ nyɛn ma wati, waa ya kibirigi wa ma ha vɛɛn tiŋ mu sɛm ta nɛnɛ. Saha maga maa nyɛ Koosa wa jirima kinkan aa kitum chenani deŋlee a chi ba naa Koosa yisi a li ba tum tagna ni.

Filip. Tima 2:16

aa kibiksi ba chenani Koosa daŋni o kpa o mi fali ti a nyɛ ba. Maa tum nan, ka Kristo wa bur wa, ma zi ya mu jirima narau. Mu tum nama maga mu tum a nyɛ ma nan, a wa zi ya yɔri.