Biblia Todo Logo
Bib sou entènèt

- Piblisite -




Ɛfɛ. 5:15 - Tampulma

15 Maa doso ma nyɛni ni. Ma ta tiŋi a chi womna, amaa maa tiŋ a chi ninɛɛgɛ.

Gade chapit la Kopi




Ɛfɛ. 5:15
26 Referans Kwoze  

Ma wa ba naa vɛ tiŋ Yesu, lagmi dɔŋ ni, ma lisi chenani ma zi tiŋ wa nɛha a li ba wati. Maa biksi ba Koosa nyinbaan saha maga.


Nandigi kpak nɛha awa zima a li ma niuu? O nyɛ o nyɛni awa o tum were kibiksi nara di o kpak nɛha awa zima a ya jɛrgi.


Ma zim chenani o deŋliu wa maa tiŋ un. Maa tiŋ chen, chen ni mu wa wa ma wati lalaga koo mu vusu a nu ma wɛ, mu zi zimu di ma kpak nɔ bɛgimu wa dɔŋ ni a kpak nɛnɛ, a kpak un ma bambe ni kinkan di ma biksi nara Koosa laaboor weri naa nyɛ ba se su un wɛ.


Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.


Amaa ba naa la daŋni ba ya malɛ tima, sintana zi wa zaamsi bau a mo ba lo a li ba womsa awa ba tum tagna daŋni ni, chen ni ba zi wa chɔku kinkan.


Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.


“Maa nu mu wati. Ma naa mu tum nan, ma zi chi piisisau gbesa bambaan ni. Adaha maa nɛɛgi a chi duma aa ya jɛrgɛ a chi koma.


Ma ta tum tum tagin a bɔ tum tagin. Maa kpaŋi a tum tum were duŋduŋ aa nyɛ dɔŋ ni awa nara maga ni.


Yesu fun ŋɔ ba, “Yɛrɛ ma wom mak. Ma sɔɔnɛu wa ma zim Koosa witinsi ta sɛma naa ba fun sɔbi saha digi chen.


Ma ya womniwa kinkan. Ma funɛ te tiŋ a li Koosa siim weri ti kpok ni, amaa lalaknɔ maa daŋni ma tiŋu a li ma titi kpok ni hali a wa peti.


Ma doso a kinu chenani Koosa sɛm ma. O funɛ sɛm Ju tim ta ni a li bi Sainai ni, ka ba vɛ un, ba wa fun koti a chɔ a li o nin ni. Ya vɛ di ya wa zi nu chenani o sɛm a li o tɔhɔn ti ni, chenani o zi lɛrgi ya diŋsa zi kaali chenani o ya bau.


Pailɔt funɛ zimu di o wa zɛmɛ ta sɛm ta wa kpak mun ka ba daŋni ba dam, o fun zɔk ni a sɛm o nisa zɛmɛ ta maga suwachak ni a ŋɔ, “Mu nisa wa to baal nɔ sou ni. Ma waa dɔ un.”


Mu fun gbiri o suwachak un di mu jɛɛmi un, amaa o funɛ ŋɔ minu, “Ta ya chen, domi mu wa hin awa i niinbisa ba naa funɛ ŋɔ nara ni di Yesu dɔ ba, ya o tumtumsa. Kijɛɛmi Koosa duŋduŋ.” Chenani Yesu fun biksi nara tima wuti ti awa chenani Koosa witinsi ta fun biksi, ya kibɛgimnɛ.


Yesu fun ŋɔ un, “I fiɛŋ i sɛm nandigi ni, amaa kila Koosa dam kɔkɔɔrsi ta digi wati, chen ni o zi koti a na hinu. O na hin, i nyɛ o kɔɔri kɔɔri ti a nyɛ hin a chi Mosis funɛ biksi ya saha digi chen. Chen la zi biksi nara di i zagumti ti petiu.”


O gbanko biksi ya di nibaala kidaŋni ba haanasa a chi chenani baa daŋni ba titi ka nihaani ta kinyɛ ba baalasa wa jirima.


O funɛ sɛm ya ma wɛ, ya yaa sumi Koosau aa nyɛ ma di o zi nyɛ ma wa zim o wɛu nɛnɛ a lɛli ma se di ma zim o tutɔ ti, a kpa o zima a nyɛ ma.


Ma Galesia tima ya womniwa. Anti kpa o kpok a du ma ni di ma gil Koosa wuti nyinbaan? Ya wa fun wa biksi ma gbampulim ni chenani Yesu Kristo fun sou a li o daakakli ti nii? Ma wa fun la nɔɔni di ya sɛm ta ya wutirɛɛ?


a ŋɔ ba, “Koosa na mu galimsa. N funɛ li naa nin vɛ nyɛn ni gantɛl niu. Ma di o sou sɛria lalaknɔ.” Ba fun ŋɔ un, “Baŋnɛ chen ya ya? I tum chen.”


Ba nara banyuu funɛ ya womna. Ba nara banyuu ka fun ya ninɛɛgɛ.


Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.


Swiv nou:

Piblisite


Piblisite