Ɛfɛ. 4:3 - Tampulma

³ Koosa siim weri ti funɛ nyɛ ma ya nɔ bɛgimu wa dɔŋ ni a nyɛ ma bara sɔɔna. Maa kpaŋi saha maga a kiya dɔŋa chen.

Ɛfɛ. 4:3 Referans Kwoze

1 Kɔr. 1:10

Mu niinbisa, mu sumi mau ya kunyan Yesu Kristo sɔn daha ma maga kiya nɔ bɛgim. Ma ta waligi ma titi, chen ni ma sɛma awa ma lise ni ma zi kpak nɔ bɛgimu.

Ju 12:14

Maa kpak un ma bambe ni a kpak bara sɔɔna awa dɔŋ ni, a ya tu chaan tima. Tu chaan tima duŋduŋ la zi wa na ya kunyana.

Jɔn 13:34

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

2 Kɔr. 13:11

Ya niinbisa, lalaknɔ ya daŋni ya mak tɔn nɔ sɔbi bar nɔwa. Ma nu chenani mu sɛm ma chen a kɔɔri kin nawara vɛ deŋli maga. Ma kpak nɔ bɛgim wa dɔŋ ni a kpak bara sɔɔna awa dɔŋ ni. Koosa naa la daŋni ma a la nyɛ ma bara sɔɔna, o zi suŋi mau a chi nan.

1 Tɛs. 5:13

Ma nyɛ ba jirima kinkan aa kidaŋni ba, domi tum naa baa tum nan daha. Ma la nɔɔni dɔŋ ni.

Ɛfɛ. 4:4

Koosa siim weri ti ya nibɛgimnɛ. Ba naa maga se su Yesu, ba ya nibɛgimnɛ. Koosa gbanko funɛ lisi ma di chenani ma kpak bambi bɛgim un ni ya kibɛgimnɛ.

Ɛfɛ. 4:13

Ya se su Koosa be a gbaari a wa zim un nɛnɛ, ya maga zi kpak nɔ bɛgimu wa dɔŋ ni. Ya ya chen, ya zi mak nibaalau a burgi a chi chenani Yesu Kristo wer a peti chen.

Maak 3:24

Tɔhɔn tima vɛ kpak nɔ bɛgim, ba dɔma wa zi wa a chɔk ba tɔhɔn tii?