Ɛfɛ. 4:28 - Tampulma

²⁸ Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.

Ɛfɛ. 4:28 Referans Kwoze

1 Tim. 6:18

Kibiksi ba baa tum tum were nɛnɛ a kidaŋni ba bɔni ba kina a nyɛ ba dɔŋtima ni.

Gal. 6:10

Ma nyɛ ya dɛu nyinbaan aa suŋi nara maga. O lawa ya te a suŋi ya dɔŋtima ba naa se su ya kunyan tiu.

Jɔn 12:6

Judas baga wa fun to di o suŋi fara tima. O funɛ nyini Yesu gantɛl tiŋsi ta malɛwa a la suŋi o titi a li malɛ ta ni.

Luk 19:8

Yesu funɛ nyɛn dam ti ni chene, Zakius fun si chiŋi a ŋɔ un, “Mu kunyana, kinu mu wati. Mu zi kpa mu kinau a purigi bilɛ a kpa bɔnɛ a nyɛ fara tim ni. Mu di nandigi, n zi bɔ unu bunaasi bilɛu a chi chenani n di un chen daha.”

2 Kɔr. 8:12

Ma daŋni kinkan di ma lisi a li ma kin ta ni a nyɛ nara ni, Koosa zi la ma papahau. O bak wa to kin naa ma vɛ koti a nyɛ ba. O baga nyɛnu di ma kpa nyɛ ba chenani ma koti.

2 Kɔr. 8:2

Ba funɛ na namsi kinkan, amaa chenani ba funɛ na namsi, chene ba fun vɛɛn a na tu sɔɔna kinkan. Ba ya fara timwa kinkan, amaa ba funɛ lisiu a li ba kina tam ni a wa nyɛ nara ni.

Room 12:13

Maa suŋi Koosa nara ba naa vɛ kpak kina, a la hɔɔra a du ma damsi ni.

Jɔn 13:29

Ba maga malɛ funɛ nyɛn Judas nin nee. Ba bɔnɛ fun lisi di Yesu ŋɔ un di o la yau wuzu zen ti diwe. Bɔnɛ ka fun lisi di Yesu ŋɔ un di o lisi malɛ ta bɔnɛ a la nyɛ fara tim ni.

Luk 3:8

Ma gil ma tum tagna a ka la tum tum were a biksi nara chenani ma bambe burgi. Ma ta lisi di chenani ma ya Abraham bi lulɛ, chen zi chiŋi ma tum were bar chiŋi niu. Ma nyɛ mu ŋɔ ma di Koosa koti a kpa buŋkul nama a burgi Abraham bi lulɛ.

1 Kɔr. 4:12

Ya bara wilim nɛɛ ya funɛ di. Nara yaa pini yau, amaa ya yaa sumi Koosau di o suŋi ba. Ba yaa muksi yau kinkan, amaa ya yaa kpak kanyitau ba wati.

Tait. 3:8

Chenani mu ŋɔ hin, nan ya wutirɛ. Mu daŋni i yaa kibiksi narawa kin nama wɛ kinkan, chen ni ba naa se su Koosa se zi sɛri tum were tumi niu. Ba tum chen, ba zi wa na nyɔɔrau.

Tait. 3:14

Kibiksi i nara ba se sɛri baa tum tum were, chen ni ba zi koti a suŋi ba naa la daŋni suŋi wuti niu. Ba ta ya nibin yɔrisa.