Ɛfɛ. 4:24 - Tampulma

²⁴ Ma suwachak tuha wɛ a naa Koosa fun kpa a nyɛ ma, a waa la zi nyɛ ma wa chi un. Koosa ya wuti tiina awa tu chaan tiina a la tum tum were saha maga.

Ɛfɛ. 4:24 Referans Kwoze

2 Kɔr. 5:17

Nara burgi tiŋ Yesu Kristo, Koosa ya chɛrgi ba bambe a ya kifalɛ. Ba gantɛl tu kina wɛ wa bu toli.

Ɛfɛ. 2:10

Koosa fun nyɛ ya wa Yesu Kristo ya nibɛgim, chen ni ya zi tum tum wereu a nyɛ un. O funɛ lisi yau saha digi di ya tum nan a nyɛ un.

Room 13:14

Ma burgi chenani ya kunyana Yesu Kristo du. Ma ta tiŋ ma titi daŋnɛ a tum tum tagna.

Ɛfɛ. 6:11

Ma nyini o kpok naa Koosa fun kpa nyɛ ma se ni, sintana wa zi koti a wa mur ma.

Room 6:4

Ba funɛ chaksi ya, o chi ya wa un funɛ sou ka ba sogli ya, ka Koosa fun lɛli ya a li ya sou ni a nyɛ yaa tiŋ o mi fali ti nyinbaan. O funɛ kpa o kpok kinkan tirɛ a lɛli Kristo a li o sou ni. Chendaha o fun koti a ya chen a nyɛ ba.

2 Kɔr. 3:18

Ya naa ya Yesu nitiŋɛ ta, ya se wa tɔ. A chi diga naa la nyiksirɛ ya kunyan ti jirima awa o chaani kinkan. O siim weri ti tum ya bambe nee a chɛrgi ya di ya chi un a gbaari.

2 Kɔr. 4:16

Kin nama daha, ya wa zi bur gantɛl a li tum naa Koosa kpa nyɛ ya nan. Ya bara hɛɛsiu aa gbaari, amaa wuzu kam Koosa waa ka gbaari o miisa naa o nyɛ ya chenu.

Room 13:12

O chi dusum la daŋni o peti, ka chɔɔsa pisa dugli. Ma nyɛ ya gil ya tum tagna a naa chi dusum a ta aa nyɛ ya tum tum were a naa chi nha.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

1 Pita 2:2

O lawa ma chi bichɛl pilimsa ba naa la daŋni ba numa ilwa. Saha maga o lawa maa daŋni Koosa biksiu, chen ni o zi kotiu a suŋi ma ma bi. O lawa ma biu, chen ni wuzu digi Koosa zi wa yisi mau a li ma tum tagna ni hali a wa peti.

Room 8:29

Koosa funɛ daŋni o bere ya nihɛɛ a li nibin damata ba naa chi un ni. Saha digi o piin zim bau a lisi ba di ba chi o be.

Jɔn 17:17

I sɛm naa mu fun kpa a biksi ba chen ya wutirɛ. Kisuŋi ba baa tiŋ i wuti nyinbaan ti a ta bur la lagmi tɛɛnɛ nɔ tim maga ni.

Gal. 6:15

Koosa baga wa to di nara teŋsi dɔŋa koo ba wa teŋsi. O baga ka nyɛnu di o kɔɔri ma ma ya nibin falɛ.

Gal. 3:27

Lalaknɔ ma wa Yesu Kristo ya nibɛgimnɛ. Ma funɛ burgi chenani o duu.

1 Kɔr. 15:53

O deŋlu di bara a naa la zi wa pɔ chɛrgi bara a naa la zi wa vɛ pɔɔliu. Bara a naa la zi wa sou zi chɛrgi bara a naa la zi vɛ sitiu.

Ɛfɛ. 2:15

O fun nyɛ chiksɛ naa Koosa fun nyɛ Ju tim ta ni chen peti, chen ni o zi lagmi Ju tim ta awa ba naa vɛ ya Ju tima ba burgi lul bɛgim o wati. Ba wa zi bu ya dɔma.

Ju 12:14

Maa kpak un ma bambe ni a kpak bara sɔɔna awa dɔŋ ni, a ya tu chaan tima. Tu chaan tima duŋduŋ la zi wa na ya kunyana.

Ju 1:8

Amaa Koosa funɛ ŋɔ o be ti wɛwa, “I waa naa ya Koosa, i koor ti zi nyɛnu hali saha naa vɛ kpak bɔ. I dɔɔli maga deŋlu.

Luk 1:75

O gbanko funɛ vɔu di o zi nyɛ ya o kpoku di yaa tum tum were a ya tu chaan tima o wati a kpa la hali ya wuzuna nyɛni maga.”

Room 7:6

amaa lalaknɔ Koosa chiksɛ ta wa bu kpak kpok ya ni. O chi ya funɛ sou chiksɛ ta watɛɛ. Koosa chiksɛ naa ba fun sɔbi a li o sɛm tɔn ti ni, ya nyinbaan bunirɛ. Ya naa kpak o siim weri ti o nyɛn ya ni, la tiŋ o nyinbaan fali ti.

Room 12:2

Ma ta bu tiŋ tɛɛnɛ nɔ tim nara nyinbaan, amaa ma nyɛ Koosa ka chɛrgi ma bambe, chen ni ma nyinbaan zi ya kifaliu. Ma nyɛ o ya chen, ma zi kotiu a zim o tutɔ naa weree hali a wa peti, a sɔɔni o tuha.

2 Pita 1:4

O vɔwɛ zenu kinkan a kaali kina maga. Ya wa la o kin naa o fun a vɔu di o nyɛ ya chen, ma zi kotiu a chɔ li ma titi daŋnɛ a naa la chɔk tɛɛnɛ nɔ tim maga, a wa bɔni chenani Koosa duu.