Ɛfɛ. 3:17 - Tampulma

¹⁷ chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

Ɛfɛ. 3:17 Referans Kwoze

Kɔl. 2:7

Ma nyɛ ma bambe kpak Yesu nɛnɛ a nyɛ ma se su un a gbaari, a chi chenani Ɛpafras fun te biksi ma chen. Maa zaami Koosa kinkan saha maga.

1 Jɔn 4:16

Ya zimu nɛnɛ di oo daŋni yau ka ya se su di waa ya daŋni tiina. Naa la daŋni o dɔŋtiina nyɛn Koosa wati ka Koosa nyɛn un ni.

Jɔn 14:23

Yesu fun ŋɔ un, “Ba naa la daŋni min zi tiŋ mu nɔ sɛmau. Mu nyan ti gbanko zi daŋni bau, ka mu wa un wa nyɛn ba bambe ni.

Gal. 2:20

chen ni mu wa zi bu nyɛn, amaa Kristo kinyɛn min ni. Mu si su Koosa be naa la daŋni min a fun sou mu daha. Chene muu tiŋ lalaknɔ.

Room 5:5

Koosa funɛ daŋni ya kinkan a kpa o siim weri ti a du ya ni kinkan. Waa ya o papaha ya wati. Chendaha ya bambi bɛgim naa ya kpak un ni wa zi nyɛ ya buri.

JɔnN Deesi 3:20

Ma nu mu wati. Saha maga mu yaa chiŋi bulzɔɔnɔ nɛɛ a mo a la yir. Ba naa nu mu ta a puk bulzɔɔnɔ ti, mu zi zuu, chen ni ba wa min zi lagmiu a di diwe.

2 Kɔr. 6:16

Ya chi Koosa naa nyɛn, damnɛ. Ya chi chen, yɛrɛ ya wa vursa kaa ya nyɛn? Ba funɛ sɔbiu a li Koosa sɛm tɔn ti ni di o ŋɔ, “Mu wa mu nara zi nyɛnu a lagmi aa val. Min la zi ya ba Koosa.”

1 Jɔn 4:4

Mu bisa, Koosa dɔ ma a fun kpa o siim weri ti a nyɛ ma. O kpok naa nyɛn ma ni chen, waa kpok kaali Kristo dɔm kpok naa nyɛn ba ni.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Jɔn 17:23

Domi i wa min ya nibɛgimnɛ ka ya nyɛn ba bambe ni, nyɛ chenani ba ya nɔ bɛgim chen kigbaari. Ba ya chen, tɛɛnɛ nɔ tim maga zi wa zimu di hin funɛ tum min ba wati. Ba gbanko zi zimu di ii daŋni bau a chi chenani ii daŋni min.

Jɔn 14:17

O wa zi wa nyɛn tɛɛnɛ nɔ tim maga bambe ni, domi ba wa zim di o nyɛnu. Ma ka zim di o nyɛnu, domi o zi wa nyɛn ma bambe niu.

Luk 6:48

Ba chi nibine naa funɛ hur o dam sɛchik a li gbɛntɛl nyuhu ni a sa zɔŋ. Wuzu digi pula fun su a pal a la mo dam ti. Amaa o wa fun chel, domi o sɛchik ti funɛ kpoku.

Mat. 13:6

A wa fun koti a ta lur ta nɛnɛ. Saha naa nha fun wa si a kpak a, a fun fiimi a siti.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Jɔn 6:56

Ba naa maga di mu bara aa la nyɔ mu chɛl ti nyɛn min ni ka mu gbanko nyɛn ba ni.

1 Kɔr. 8:1

Ma funɛ sɔbi tɔnnɛ a pɛɛsi min sela a naa ba yaa kɔrigi a nyɛ vursi ni chen wɛ. Mu zim di ya maga kpak Koosa zima ti a chi chenani ma sɛm, amaa zima nyɛ nara zer ba titi. Amaa yaa daŋni dɔŋa, chen la zi suŋi ya.

1 Kɔr. 3:6

O chi mu waa, Pɔɔl, funɛ te wa chɔɔsi bugil. Doone Apɔlɔs ka yaa kpa ni a wa du, amaa Koosa duŋduŋ nyɛ bugil ti nyu a la zini.

2 Kɔr. 13:5

Maa zaamsi ma titi di ma se su Yesu Kristo nɛnɛ. Ma zim di o nyɛn ma bambe niu akoo ma higliu di ma tiŋ unuu?