Ɛfɛ. 1:4 - Tampulma

⁴ O fun te lisi ya a nyɛ o titi ni Yesu Kristo daha ka o fun a naami tɛɛnɛ nɔ maga, chen ni ya zi kotiu a ya bambi chaan tima ba naa o vɛ na ba galimsa o suwachak ni.

Ɛfɛ. 1:4 Referans Kwoze

2 Tim. 1:9

Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.

Ɛfɛ. 2:10

Koosa fun nyɛ ya wa Yesu Kristo ya nibɛgim, chen ni ya zi tum tum wereu a nyɛ un. O funɛ lisi yau saha digi di ya tum nan a nyɛ un.

Mat. 25:34

Mu naa dɔ tɛɛnɛ nɔ maga zi ŋɔ ba naa nyɛn mu nindil ni, ‘Mu kunyana Koosa nyɛ ma nyusum. O funɛ naami tɛɛnɛ nɔ maga chen, o fun saksi kina a chiŋsi ma. Ma wa a wa la a lalaknɔ.

Jems 2:5

Mu bi daŋnɛ, maa nu. Koosa funɛ lisi fara tima a li tɛɛnɛ nɔ maga ni di ba se su un kinkan a wa dɔ o koor naa o fun vɔu di o kpa nyɛ ba, domi ba waa la daŋni un. Chendaha ba ya kin tima Koosa suwachak ni.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

JɔnN Deesi 13:8

Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. O piisi be naa ba fun kpu chen, dɔ tɔn ti. Ba naa maga sɔna vɛ nyɛn tɔn ti ni, funɛ jɛɛmi sel zen tire.

Jɔn 15:16

Ma wa fun lisi min di mu ya ma kunyana, amaa mu ka funɛ lisi ma di ma tum tum were naa la zi vɛ chɔki a nyɛ min. Ma tiŋ min chen, ma zi kotiu a sumi mu nyan ti a li mu sɔn ti ni kin naa ma daŋni o nyɛ ma.

1 Pita 1:2

O funɛ ya ya kunyana Koosa tutɔrɛ saha digi o fun lisi ma chen. O siim weri ti waligi ma di ma burgi o nibin were, chen ni ma zi tiŋ Yesu Kristo nɔu. O sou chɛl ti la zi chaksi ma tum tagnau a li ma ni. Koosa suŋi ma a nyɛ ma bara sɔɔna aa gbaari.

1 Pita 1:20

O funɛ te lisi Kristore a zi naami tɛɛnɛ nɔ maga. Tɛɛnɛ nɔ maga siili saha wa dugli, Koosa fun tum un di waa tum nan a nyɛ ma.

Kɔl. 3:12

Ma ya Koosa narawa. O fun a lisi ma a nyɛ o titi ni a la daŋni ma kinkan. Ma kpak dɔŋa awa siki a kikɔɔri dɔŋa sɔna a ya jɛrgɛ tima a kpak kanyita a du nara ni,

Kɔl. 1:22

Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

Ɛfɛ. 5:27

Yesu Kristo funɛ ya chene, di wuzu digi o zi kpa ba naa kpak o jirimau a ya bambi chaan tima a ya niwere a wa Koosa suwachak. O wa zi bu na ba galimsa.

JɔnN Deesi 17:8

Sel zen naa i fun na chen, wa bu to o miisa ni. O wa zi vusi ka o li bɔ naa vɛ kpak bar peti chen ni a kaali din dama. Koosa funɛ te sɔbi ba naa maga la zi wa la o mi fali ti, sɔna a du o tɔn ti ni a zi naami tɛɛnɛ nɔ maga. Ba naa kaɛɛ a na ka sel zen naa funɛ sou chen bu kpak miisa, alaazibu zi kpak bau kinkan.

Tuma 13:48

Chenani Pɔɔl fun sɛm nyɛ ba sɔɔni ba naa vɛ ya Ju tima tusa kinkan ka ba pɛgi ya kunyan ti o laaboor weri ti daha. Doone ba naa Koosa fun lisi di o kpa o mi fali naa vɛ kpak bɔ a nyɛ ba, ba se fun su o laaboor weri ti.

Jɔn 17:24

“Mu nyana, hin funɛ te daŋni min ka i wa min bɔni i jirima awa i chaani kinkan ka i zi naami tɛɛnɛ nɔ maga. Mu sumi hinu di i nyɛ ba naa i fun lisi nyɛ min chen, wa lagmi min ni ya nyɛn i tɔhɔn ti ni wuzu digi, chen ni ba zi wa na mu jirima awa mu chaani kinkanu.

1 Tɛs. 4:7

Koosa wa fun lisi ya di ya tum chɔkumsa tuma, amaa o funɛ lisi yau di ya tum tum were.

Filip. Tima 2:15

Ma waa ya o bisa a kpak tu chaana a vɛ kpak galimsa. Ba naa ya nusun tima a la tum tum tagna kinkan, nyɛnu a go ma. Ma chaani ba bambaan ni a chi wula chaani buudaha ni,

2 Tim. 2:19

Amaa Koosa laaboor weri ti chi dam zɛchikrɛ. O kpoku kinkan. Chendaha nandigi wa kiziigi un. O funɛ sɔbiu a sak zɛchik ti ni, “Ya kunyan ti zim ba naa o dɔu.” O gbanko funɛ sɔbiu a sak, O gbanko funɛ sɔbiu a sak, “Ba naa maga ŋɔɛɛ di ya kunyan ti dɔ ba, ba gil ba tum tagna aa tiŋ un.”

Tuma 18:10

domi mu nyɛn i wati. Min dɔ ba naa nyɛn tɔhɔn nɔ nidamata. Chendaha nandigi wa zi koti a tum hin tum tagin.”

2 Tim. 2:10

Chendaha mu di mu namsi maga, chen ni Koosa zi wa yisi ba naa o fun lisiu a li ba tum tagna a kpa o jirima zen naa vɛ kpak bɔ a nyɛ ba. Ya wa Yesu Kristo ya nibɛgimnɛ. Chendaha Koosa koti a ya chen.

Ɛfɛ. 4:2

Ma ya jɛrgɛ tima a kpak dɔŋ wa kanyita saha maga. Maa suŋi dɔŋa, chen ni nara zi zimu di maa daŋni dɔŋau.

1 Kɔr. 1:8

Waa la zi kpa o kpok a nyɛ ma maa tiŋ un nɛnɛ, chen ni o wa bur wa, o wa zi bu na ma galimsa.

Mat. 24:31

Koosa malaikasi ta digi zi wa hu kabulu kinkan. Doone mu zi wa tum ba di ba pisi a su tɛɛnɛ nɔ maga a lagmi o nara ba naa Koosa fun lisi di ba tiŋ un chen.”

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Jɔn 10:16

Piisi bɔnɛwa mu dɔ ka a nyɛn bar digi ni. O lawa mu la a nu mu tau, chen ni a zi tiŋ minu. A wa mu piisisi ta lagmi dɔŋ ni, chen ni a zi ya kibɛgimu ka nigbaŋi bɛgim kinyini a.

1 Tɛs. 3:12

Ya kunyan ti la zi suŋi ma maa daŋni dɔŋa kinkan awa nara maga a chi chenani yaa daŋni ma nan.

Ɛfɛ. 3:17

chen ni Yesu Kristo zi nyɛn dooniu a gbaari ma se su un daha. O kpok ti nyɛn ma ni nɛnɛ, ma gbanko zi daŋni unu awa dɔŋ ni a gbaari,

Gal. 5:13

Mu niinbisa, Koosa funɛ yir ma di ma ta ya yosa. Amaa lalaknɔ o yisɛ mau, ma ta bu tiŋ ma titi daŋnɛ. Ma ka daŋni dɔŋa a kisuŋi dɔŋa.

Room 8:33

Koosa wa bu na ba naa o fun lisi a nyɛ o titi ni galimsa. O ya chen, anti la zi koti a fiksi ba di baa tum tum tagniwa? Nandigi wa toli.

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Mat. 24:22

Koosa piin bɔɔgi namsi wuzuni tau, domi ba naa o fun lisi di ba tiŋ un chen daha. O funɛ vɛ bɔɔgi namsi wuzuni ta, nandigi fu wa zi wa li namsi ti ni.

1 Jɔn 4:16

Ya zimu nɛnɛ di oo daŋni yau ka ya se su di waa ya daŋni tiina. Naa la daŋni o dɔŋtiina nyɛn Koosa wati ka Koosa nyɛn un ni.

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Tuma 15:18

Kin namawa mu fun kpa biksi nara tima saha digi.’ ”