Kɔl. 3:8 - Tampulma

⁸ Amaa lalaknɔ ma gil a magau. Ma ta na paan a du nara ni. Ma ta chɔk ma dɔŋtim sɔna a ta pini dɔŋ zoma a ta sɛm sɛm tagna,

Kɔl. 3:8 Referans Kwoze

Ɛfɛ. 4:29

Ma ta sɛm nɔ tagna a nyɛ dɔŋ ni, amaa ma nyɛ ma sɛm maga suŋi a kpami ba naa maga la nu a.

Ɛfɛ. 4:22

Adaha lalaknɔ ma kpa ma gantɛl tuha wɛ a ta. A waa funɛ nyɛ maa tiŋ ma tutɔ daŋnɛ a kpa ma du nyinbaan naa ma zi chɔk ni.

Ɛfɛ. 5:4

O gbanko wa wer di ma sɛm nɔ tagna awa womsi sɛma a kizɔ wa a ni. Maa ka zaami Koosa saha maga.

Kɔl. 3:5

Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.

Ɛfɛ. 4:26

Ma na paan a du nandigi ni, ma ta kpa chen a du ma tusi ni a vusi.

Ju 12:1

Ba naa maga se funɛ su Koosa ka ba vɛ bur gantɛl, iiu kinkan. O chiu di ba baga nyɛn ya ni ka ba go ya. Chendaha o lawa ya kpa tum tagna a naa bɔm wa ya gil a ta. Ya nyɛni chi chɔchɔharɛ. Ma nyɛ ya chɔ a tiŋ nyinbaan naa Koosa fun kpa nyɛ ya wa kanyita ni.

Kɔl. 3:9

awa nusuna a nyɛ dɔŋ ni. Ma funɛ piin kpa ma gantɛl tuha kina wɛu a ta. Chendaha ma ta tum chen.

1 Pita 2:1

Kin nama daha, ma kpa ma tum tagna maga a ta. Ma ta suni wɛ a nyɛ dɔŋ ni a ta kpak handɔta a du dɔŋ ni a ta pini dɔŋ zoma.

2 Kɔr. 12:20

O muksi minu mu wa wa ma wati, ma bɔnɛ wa zi tiŋ chenani mu daŋni maa tiŋ. Ma zi wa di dɔŋa wa amɔrɛu a kpak dɔŋa handɔta a na paan a du dɔŋ ni a ya se tima a kichɔk dɔŋ sɔna a kilɔ dɔŋ gantɛla a zer ma titi a vɛ tiŋ ma nihɛɛta nɔɔna. O du chen, ma wa zi daŋni chenani mu wa ma zi nyɛn.

1 Kɔr. 3:3

domi ma ha vɛɛna tiŋu a chi tɛɛnɛ nɔ tim maga. Chenani maa di handɔta awa dɔŋa a la di amɔrɛ wa dɔŋ ni biksi di ma wara tiŋ Koosa siim weri ti nyinbaan. Ma ka tiŋ tɛɛnɛ nɔ tim maga nyinbaannɛ.

Mat. 5:22

amaa n ŋɔ mau saha nɔ, nar na paan a du a o dɔŋtiin ni, ba zi kpa un a wa sɛria tiin wati. Nar sɛm yɔri yɔri a nyɛ o dɔŋtiin ni, ba zi kpa unu a wa sɛria nidiile tima wati. Nar yir o dɔŋtiina nibin wom, o zi kpak hansura wa Koosa kpa un a du din dam ni.

Gal. 5:15

Ma yaa na paan a du dɔŋ ni a la di dɔŋa wa amɔrɛ, ma doso. Wuzu digi ma zi wa chɔk dɔŋau.

Room 13:13

Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.

Juud 1:8

Chen vɛɛna, nara nama la na kina a naa nyɛ ba tum tum tagna a du ba titi bara ni a chi ba deesi. Baa tiŋ ba tutɔrɛ a la pini Koosa malaikasa zoma.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

Jems 2:7

Ba waa la sɛm wu tagna a nyɛ sɔn weri naa Koosa fun kpa nyɛ ma chen.

1 Tim. 1:20

Nara balɛ naa ba yir Haiminius awa Alɛzanda, nyɛn ba ni. Mu fun lisi ba a du sintana nin ni, chen ni ba zi buksiu a ta chɔk Koosa sɔn.

1 Tim. 1:13

Saha digi mu fun zim un a la chɔk o sɔn a la pini o zoma a la muksi o nitiŋɛ ta kinkan. Mu si wa fun su un. Chendaha mu wa fun zim chenani mu tum. Amaa Koosa funɛ kpak min sikiu,

Gal. 5:26

Ya ta daŋni sɔna a daŋni bara bora aa kidi handɔta a du dɔŋ ni.

Gal. 5:20

Ba yaa nyɛ vursiwa jirimarɛ a la tum hiti tuma. Ba yaa ha dɔŋwa a la di dɔŋa wa amɔrɛ a na paan a du dɔŋ ni a kpak handɔta wa dɔŋa a ya se tima. Ba purigi dɔŋwa,

Maak 7:22

a la tum chɔkumsa a la daŋni ba dɔŋtim kina a la tum dɔŋa wa tum tagna a la mur dɔŋa a la ya dɔŋa wa handɔta a la pin dɔŋ zoma a la daŋni sɔn, aa la tum womsi tima.

JɔnN Deesi 16:9

Nha ti funɛ nyɛ o nunum kinkan ti suksi ba, ba fun ŋɔ nɔɔna a nyɛ Koosa ni, domi waa funɛ nyɛ wichɔɔrsi ta kpaksi ba. Ba wa fun gil ba tum tagna a bur a nyɛ un jirima.

Juud 1:13

Ba chi chenani peha yaa wa mo ni chene ka ba tum tagna naa nyɛ ba na hiisa a chi ni fukla. Ba chi wula naa nyɛn buudaha ni a gba chene. Koosa zi kpa au a du birsi ni hali saha naa vɛ kpak bɔ.

2 Pita 2:7

Baal digi funɛ nyɛn doon ba yir un Lɔt. Nara tima chɔkumsi tuma fun a muksi un kinkan, domi o funɛ ya nibin werire. Chendaha Koosa fun yisi un a li ba wati.

Ɛfɛ. 4:25

O chi ma maga ya Yesu Kristo bara luk pɛksiwa. Chendaha ma ta suni wɛ a nyɛ dɔŋ ni. Ma ka sɛm wuti sɛma a nyɛ ma dɔŋtim ni.