Kɔl. 3:20 - Tampulma

²⁰ Bichɛsa, maa tiŋ ma nyama awa ma numa nɔɔna a li kina maga ni, chen ni ma zi sɔɔni ya kunyan ti tuhau.

Kɔl. 3:20 Referans Kwoze

Ju 13:21

Koosa naa ya bara sɔɔna tiina, zi yisi kin naa maga ma daŋniu a nyɛ ma, chen ni ma zi kotiu a tiŋ o tutɔ nɛnɛ. Yesu Kristo la suŋi ya di ya tum tum were a sɔɔni Koosa tuha. Ma nyɛ ya nyɛ Yesu wa jirima kinkan hali saha naa vɛ kpak bɔ. Ami.

Kɔl. 1:10

Ya daŋni ma zim nannɛ, chen ni ma zi tiŋu a chi chenani ya kunyan ti daŋni a sɔɔni o tuha saha maga, a tum tum were nɛnɛ a zim Koosa a gbaari,

Mat. 19:19

Maa nyɛ ma nyana awa ma niina jirima a kidaŋni dɔŋa a chi ma titi.’ ”

Tait. 2:9

O lawa yosa tiŋ ba kunyama nɔɔnau saha maga aa nyɛ ba tusa kisɔɔni kina maga ni. Yosa ta lɛusi ba kunyama,

Ɛfɛ. 5:24

Yesu Kristo nitiŋɛ ta la nɔɔni a nyɛ un. Chen vɛɛna, o lawa nihaana kpa chenani ba tumu a la nɔɔni a nyɛ ba baalasi ni.

Filip. Tima 4:18

Ma papaha naa Ɛpafrodaitus fun kpa li ma wati, a mak chenani mu daŋni a kaali. Chenani ma fun ya nyɛ Koosa tuha sɔɔni kinkan. O chi Ju tim ta funɛ kpa sela a kɔɔri kɔɔra a nyɛ Koosa ni saha digi chene.

Kɔl. 3:22

Yosa, maa tiŋ ma kunyama nɔɔna a li kina maga ni. Ma ta tum kinkan a li ba se duŋduŋ ni, amaa maa tum ma bambe ni saha maga, domi ma nyɛ ya kunyan Yesu jirimarɛ.