Kɔl. 3:14 - Tampulma

¹⁴ Maa daŋni dɔŋa a kaali kina maga. Maa daŋni dɔŋa, ma zi kotiu a tum kin nama maga.

Kɔl. 3:14 Referans Kwoze

1 Pita 4:8

O ya wu birigirɛ di ma kpak si sɛm a daŋni dɔŋa kinkan. Yaa daŋni dɔŋa kinkan ka ya dɔŋtima tum tum tagna a du ya ni, o wa zi muksi ya.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

Jɔn 13:34

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

Room 13:8

Ma ta pɛŋ nandigi kina, amaa maa daŋni dɔŋa saha maga. Nar la daŋni nibinsa, waa la tiŋ chenani Koosa chiksɛ ta maga biksi un.

Ɛfɛ. 4:3

Koosa siim weri ti funɛ nyɛ ma ya nɔ bɛgimu wa dɔŋ ni a nyɛ ma bara sɔɔna. Maa kpaŋi saha maga a kiya dɔŋa chen.

1 Jɔn 4:21

Nannɛ Kristo fun biksi ya. Naa la daŋni Koosa, o lawa o daŋni o dɔŋtima gbankou.

2 Pita 1:7

a ya nibin were ma dɔŋtima wati a kidaŋni ba.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

1 Tɛs. 4:9

O wara daŋni mu sɔbi ma chenani ma zi daŋni dɔŋa, domi Koosa titi funɛ piin biksi ma nanu.

Jɔn 17:23

Domi i wa min ya nibɛgimnɛ ka ya nyɛn ba bambe ni, nyɛ chenani ba ya nɔ bɛgim chen kigbaari. Ba ya chen, tɛɛnɛ nɔ tim maga zi wa zimu di hin funɛ tum min ba wati. Ba gbanko zi zimu di ii daŋni bau a chi chenani ii daŋni min.

Jɔn 15:12

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

1 Jɔn 3:23

Nannɛ ya zi tum a sɔɔni o tuha. O lawa ya nyɛ ya se su o be Yesu Kristou a kidaŋni dɔŋa a chi chenani o fun ŋɔ ya chen.

Ju 6:1

Ma nyɛ ya kpa Koosa laaboor weri te tel ti a chiŋsi a kidaŋni ya zim o laaboor weri ti maga a peti. O wa lawa ya sɛm dɔŋ ni chenani ya zi kpa ya tuma a naa ya yɔri a ta a nyɛ ya se su Koosa nɛnɛ,

Ɛfɛ. 1:4

O fun te lisi ya a nyɛ o titi ni Yesu Kristo daha ka o fun a naami tɛɛnɛ nɔ maga, chen ni ya zi kotiu a ya bambi chaan tima ba naa o vɛ na ba galimsa o suwachak ni.

1 Jɔn 3:10

Chene ma zi zim ba naa ya Koosa bisa awa ba naa ya sintana bisa. Ba naa vɛ tum tum were awa ba naa vɛ daŋni ba dɔŋtima, ba wa ya Koosa bisa.