Kɔl. 1:22 - Tampulma

²² Amaa lalaknɔ Koosa be ti sou daha, Koosa wa ma fun ya nɔ bɛgim, chen ni wuzu digi Kristo zi wa kpa mau a du Koosa suwachak ni, ma wa zi wa kpak galimsa o wati a ya tu chaan tima.

Kɔl. 1:22 Referans Kwoze

Ɛfɛ. 5:27

Yesu Kristo funɛ ya chene, di wuzu digi o zi kpa ba naa kpak o jirimau a ya bambi chaan tima a ya niwere a wa Koosa suwachak. O wa zi bu na ba galimsa.

Juud 1:24

Koosa kote a kpak ma di ma ta bur gantɛl. Wuzu digi o zi nyɛ ma tu chaanau awa tu sɔɔna hali a wa peti a kpa ma a du o suwachak ni.

Ju 10:10

Domi Yesu Kristo funɛ tiŋ Koosa tutɔrɛ a wa sou bu bɛgim duŋduŋ ya daha, Koosa dɔ ya lalaknɔ.

Ɛfɛ. 1:4

O fun te lisi ya a nyɛ o titi ni Yesu Kristo daha ka o fun a naami tɛɛnɛ nɔ maga, chen ni ya zi kotiu a ya bambi chaan tima ba naa o vɛ na ba galimsa o suwachak ni.

Tait. 2:14

O funɛ sou a daakakli ti nɛɛ a nyɛ ya, chen ni o zi la ya nyuunau a nyɛ ya a chaksi ya a dɔ ya a nyɛ ya se sɛm di ya tum tum were a nyɛ un.

Room 7:4

Mu niinbisa, chen vɛɛna chiksɛ ta wa bu kpak kpok ma ni. O chi ma wa Kristo funɛ sou a li o daakakli ti ni. Lalaknɔ naa Koosa fun lɛli a li o sou ni chen, waa dɔ ma, chen ni ma zi tum tum wereu a nyɛ Koosa ni.

Ju 10:20

O chi gar naa ba fun kpa a purigi Koosa lɛu ti bilɛ ya Kristo barawa. Saha naa o fun sou chen, o fun puk nyinbaan fali di ya tiŋ un a la pu Koosa a la o mi fali ti.

Ju 13:21

Koosa naa ya bara sɔɔna tiina, zi yisi kin naa maga ma daŋniu a nyɛ ma, chen ni ma zi kotiu a tiŋ o tutɔ nɛnɛ. Yesu Kristo la suŋi ya di ya tum tum were a sɔɔni Koosa tuha. Ma nyɛ ya nyɛ Yesu wa jirima kinkan hali saha naa vɛ kpak bɔ. Ami.

2 Kɔr. 11:2

Muu daŋni ma kinkannɛ a chi chenani Koosa daŋni ma. Ma chi nihabichɛllɛ mu fun a vɔu di mu nyɛ baal naa sɔn ya Yesu Kristo chen.

2 Pita 3:14

Mu bi daŋnɛ, chenani ma ya chen, o lawa ma kpak se sɛmu awa tu chaan tima a kpak sɔn weri Koosa suwachak ni ka ma wa un kpak nɔ bɛgim.

1 Tɛs. 4:7

Koosa wa fun lisi ya di ya tum chɔkumsa tuma, amaa o funɛ lisi yau di ya tum tum were.

Luk 1:75

O gbanko funɛ vɔu di o zi nyɛ ya o kpoku di yaa tum tum were a ya tu chaan tima o wati a kpa la hali ya wuzuna nyɛni maga.”

2 Kɔr. 4:14

Ya zimu di Koosa naa funɛ lɛli ya kunyana Yesu a li o sou ni chen, o gbanko zi lɛli yau a li ya sou ni a chi Yesu, a nyɛ ya wa ma lagmi o suwachak ni.

2 Kɔr. 5:18

Kin nama magawa Koosa fun ya nyɛ ya. Yesu Kristo siwi daha, Koosa wa ya fun bu ya nɔ bɛgim a daŋni ya la ŋɔ nara ni o wɛ, chen ni o wa ba gbanko zi bu ya nɔ bɛgimu.

Kɔl. 1:28

Kristo wɛ duŋduŋnɛ ya yaa biksi nara. Yaa kpami nara maga a biksi ba awa zima maga, chen ni ba zi wa ya nibin wereu kinkan, domi ba wa Kristo ya nibɛgimnɛ.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,