Kɔl. 1:19 - Tampulma

¹⁹ Yesu ya Koosa titi. O funɛ ya o tutɔrɛ o wɛ maga fun a nyɛn Yesu ni.

Kɔl. 1:19 Referans Kwoze

Kɔl. 2:9

Chenani Koosa du nyɛn Kristo bara nɛɛ.

Jɔn 1:16

Chenani o fun koti a suŋi nara a la gali, o funɛ ya chene a nyɛ ya. O yaa suŋi yau a saksi dɔŋ ni.

Ɛfɛ. 1:23

Ba waa chi o bara. Waa la su kina maga, amaa see ba wa gbaariu a su a peti.

Kɔl. 2:3

Koosa zima awa nɛha maga nyɛn Kristo ni.

Kɔl. 3:11

Ba naa kpak Koosa suwachak tuhu kina wɛ, ba wara zim di digi ya Ju timwa ka digi ka vɛ yaali. Ba wara zim di digi teŋu ka digi ka vɛ teŋi. Ba wara zim di digi ya hɔɔrrɛ ka digi ka vɛ yaali. Ba wara zim di digi ya yomne ka digi ka vɛ yaali. Baa zimu di Kristo kaali kina maga. Waa nyɛn o nitiŋɛ ta maga wati.

Ɛfɛ. 1:3

Koosa naa ya ya kunyan Yesu Kristo nyana, waa funɛ kpa o papaha a naa nyɛn ya wa un bambaan ni a nyɛ ya, domi ya wa Yesu Kristo ya nibɛgimnɛ. Ma nyɛ ya pɛgi Koosa chenani o fun tum chen ni.

Jɔn 3:34

Koosa funɛ tum un di o la biksi nara o wɛ. O funɛ nyɛ o siim weri ti si un niu a suŋi un o tum chen.

Ɛfɛ. 4:10

O saha funɛ wa peti tɛɛnɛ nɔ maga ni, o fun bur a zini a kaali Koosa nihɛɛ bar kani di o su kin naa maga Koosa fun naami.

Luk 10:21

Chen saha ti Koosa siim weri ti funɛ nyɛ Yesu tu sɔɔniu kinkan. O fun sumi Koosa a ŋɔ, “Mu kunyana, koor naa dɔ buudaha awa tɛɛnɛ maga ni. Kin nawara i fun kpa sogli a li ninɛɛgɛ wati chen, i funɛ kpa biksi ba naa ya nyu bilim timwa. Mu kunyana, i funɛ tum chenani i titi daŋniu.”

Ɛfɛ. 1:5

Domi o la daŋni ya daha, o fun piin ya o tutɔ chen saha ti o nyɛ ya burgi o bisa Yesu Kristo daha. Chen nyɛ o tuha sɔɔni kinkan.

1 Kɔr. 1:21

Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.