3 Jɔn 1:4 - Tampulma

⁴ Saha naa mu yaa nu di mu bisa tiŋ Koosa wuti nyinbaannɛ, o yaa sɔɔni mu tuhau kinkan a kaali kina maga.

3 Jɔn 1:4 Referans Kwoze

Gal. 4:19

Mu bi daŋnɛ, mu chi nihaan naa la daŋni lulirɛ aa la wi ma daha. Mu daŋni kinkan di Kristo wa nyɛn ma ni hali o wa peti.

2 Tim. 1:2

Mu la sɔbi tɔn nɔ a nyɛ mu be daŋni Timoti naa si funɛ su Yesu a li mu biksi ni. Ya kunyana Koosa awa ya kunyan Yesu Kristo suŋi hin a kpak hin siki aa nyɛ hin bara sɔɔna.

1 Tim. 1:2

Mu la sɔbi tɔn nɔ a nyɛ Timoti naa si funɛ su Yesu wuti ni a li mu biksi ni. Ya kunyana Koosa awa ya kunyan Yesu Kristo kpak hin siki a kisuŋi hin a nyɛ hin bara sɔɔna.

Gal. 2:14

Mu funɛ na ka ba vɛ tiŋ chenani Koosa laaboor weri ti biksi ya wuti, mu fun ŋɔ Pita ni ba maga suwachak ni, “I ya Ju tima, amaa i nyɛnu a chi ba naa vɛ ya Ju tima. Yɛrɛ ii daŋni i muksi ba naa vɛ ya Ju tima di ba nyɛn a chi Ju tim nyɛnɛɛ?”

Faili. 1:10

Mu sumi hinu i yoma Onisimus daha. O chi mu bere mu wati, domi o si funɛ su Kristore a li mu biksi ti ni dɛ bar tɔɔli nɔ ni.

2 Kɔr. 6:13

Ya daŋni ya ŋɔ mau lalaknɔ a chi ma ya ya bisa. Ma biksi ya di maa daŋni yau a chi chenani yaa daŋni ma. Ma gbanko ka chasi ma tusa a nyɛ ya.

1 Tɛs. 2:11

Ya funɛ dɛɛsi ma a chi chenani nyama dɛɛsi ba bisa chen.

1 Jɔn 2:1

Mu bisa, mu sɔbi nannɛ a nyɛ ma, chen ni ma zi ɔm ma tum tagnau. Amaa ya nandigi tum tum tagna, ya kpak naa la zi sumi ya kunyana Koosa a nyɛ yau. Waa ya Yesu Kristo naa ya tu chaan tiin ti.

2 Jɔn 1:4

Mu tuha sɔɔnɛu kinkan domi mu funɛ na ka i bisi ta bɔnɛ tiŋ wuti ti a chi chenani ya kunyana Koosa fun ŋɔ di ya tiŋ chen.