2 Tɛs. 2:8 - Tampulma

⁸ Doone tum tagin tiin ti zi na nyinbaan a wa. Ya kunyan Yesu wa bur wa, o zi wa kpa o kpoku awa o jirima wa o hiisa a hiisa a du un niu o sou.

2 Tɛs. 2:8 Referans Kwoze

2 Tɛs. 2:3

Ma fiɛŋ ma nyɛ nara kimur ma, domi tum tagna tiina la zi wa te a wa. Tɛɛnɛ nɔ tima ba naa vɛ zim Koosa hali a wuzu ti, zi wa siu aa tiŋ tum tagna tiin ti. O saha wa peti, Koosa zi kpa unu a du din dam ni.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.

JɔnN Deesi 19:15

Ba nyuhu tiina fun kpak chisi nɔsa lɛ o li o nɔ ni naa o zi lisi a nyaŋi tɛɛnɛ nɔ tim maga. O zi sɔ bau wa kpok kinkan ni a hɛmsi bugil ta nɔna naa malaika ti teŋsi a lagmi a dau, a bar hɛmsi ni. Dooni awa chenani Koosa na paan kinkan a la zi lɛrgi tɛɛnɛ nɔ tim maga diŋsa ya kibɛgimnɛ. Waa kpak kpok a kaali kina maga. Chendaha o zi koti a ya chen.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

JɔnN Deesi 2:16

Ma duŋni ba a ta. Ma vɛ duŋni ba, mu zi bur wa ma watiu lalaga a wa lisi chisi naa la li mu nɔ ni a chem ba.

1 Jɔn 5:18

Ya zimu di ba naa ya Koosa bisa chen, tum tum tagna, ba tusa wa zi sɔɔni. Koosa be ti la suŋi ba, chen ni sintana wa kikoti a la ba kpok.

Ju 10:27

Ya tiŋ chen nyinbaan, ya zi ɔmu kinkan chenani Koosa zi kpa ya a gbaari ba naa maga vɛ un ni a na ya galimsa a ta ya yɔri. Chenani o zi na paan a du ya ni zi chi chenani din yaa di kina chene.

2 Tim. 4:8

Ya kunyan ti wa bur wa di o di ya sɛria wa wuti, o zi bɔ min mu chimu, domi mu tum tum werewa a nyɛ un. O zi wa ya chenu a nyɛ ba naa maga la daŋni un a la pɔ un di o bur wa.

2 Tim. 1:10

Doone o fun tum o be Yesu Kristo di o wa lisi ya a li ya tum tagna ni yaa tiŋ un. Nan biksi ya di o ya Koosa tutɔrɛ o suŋi ya. Kristo funɛ sou a li o daakakli ti ni, o fun a nyaŋi sou. Waa funɛ kpa Koosa laaboor weri naa funɛ sogli chen a biksi ya o mi fali naa vɛ kpak bɔ, wɛ.

JɔnN Deesi 1:16

O funɛ kpak wula nɔpɛwa o nindil ni a kpak chisi nɔsa lɛ o li o nɔ ni. O se funɛ chɛru a chi nha biee.

1 Jɔn 3:12

Ma ta wa chi Keen naa funɛ ya sintana be chen a kpu o niinbe. Ma zim kinkin naa nyuhu ni o fun kpu o niinbe tiuu? O funɛ tum tum tagniwa ka o niinbe ti ka tum tum were. Chendaha o fun kpu un.

1 Jɔn 2:13

Nibahɛɛta, mu sɔbi nannɛ a nyɛ ma domi ma waa piin zim naa funɛ nyɛn dooni a li piili ti niu. Bunɔɔna, mu sɔbi nannɛ a nyɛ ma domi ma funɛ nyaŋi sintanau.

2 Tim. 4:1

Mu chiŋe Koosa awa Yesu Kristo naa la zi wa di miisa tima awa nisitɛ sɛria a di o koor ti suwachak ni,

1 Tim. 6:14

ii tiŋ chenani mu fun biksi hin. Nyɛ i tuha kichaani, chen ni nandigi wa zi koti a chɔk i sɔn, hali ya kunyan Yesu Kristo wa bur wa.

Mat. 13:38

Ŋmaha ti ya tɛɛnɛ nɔ maga. Mɛ ta ka ya ba naa Koosa dɔ. Kɔsi ta ka ya ba naa sintan dɔ.

Mat. 13:19

Kiduha naa funɛ chesi nyinbaan ti ni chen chi Koosa koor laaboor weri naa nibinsa nu a vɛ zim o mun. Sintana funɛ siu lalaga a wa yisi laaboor ti a li ba bambe ni.

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

Mat. 16:28

Ma nyɛ mu ŋɔ ma nan. Nara nyɛn bar nɔ a la zi vɛ siti hali ba wa na mu waa nibine be ka mu wa a chi koora.”

1 Kɔr. 1:28

O fun lisi nibinsa ba naa tɛɛnɛ nɔ tim maga zɛɛmi awa ba naa ba ŋɔ di ba ya yɔrirɛ, chen ni o zi wa ta kin nawara tɛɛnɛ nɔ tim maga ŋɔ di a ya kibirigewa yɔri.

JɔnN Deesi 13:5

Ba fun nyɛ sel zen naa funɛ li ni ni chen nyinbaan di o pini Koosa zoma kinkan a dɔ tɛɛnɛ nɔ tim maga pɛn fumnaasi dalɛ.