13 Mu niinbisa, ya yaa zaami Koosau ma naa o daŋni nan daha. Ma se funɛ su o wuti ti. Chendaha o fun te kpa o siim weri kpok ti a yisi ma a li ma tum tagna ni a nyɛ o titi ni.
Koosa funɛ yir ya di ya ya o titi nara a fun yisi ya a li ya tum tagna ni yaa tiŋ un. O wa fun ya chen di ya ya nibin werewa daha. Ya wa Yesu Kristo ya nibɛgimnɛ. Chendaha o funɛ ya Koosa tutɔrɛ a li o piili ni o suŋi ya chen.
Koosa wa fun lisi ya di o na paan a du ya ni a ta ya yɔri, amaa o funɛ lisi yau di o yisi ya a li ya tum tagna ni hali a wa peti ya kunyan Yesu Kristo daha.
Amaa Koosa funɛ te ŋɔ unu leusisi ta wɛu ka o zi lul. O fun ŋɔ un, “Nihɛɛ zi wa tiŋ bichɛla nɔu.” Bichɛsa ha wa tum tum were koo tum tagna, amaa Koosa funɛ ŋɔ ba wɛu, chen ni ya zim di o yisi narawa a nyɛ o titi ni, o wa yisi ba ba tuma daharɛ.
Chenani Pɔɔl fun sɛm nyɛ ba sɔɔni ba naa vɛ ya Ju tima tusa kinkan ka ba pɛgi ya kunyan ti o laaboor weri ti daha. Doone ba naa Koosa fun lisi di o kpa o mi fali naa vɛ kpak bɔ a nyɛ ba, ba se fun su o laaboor weri ti.
Koosa funɛ suŋi ma ma se su un, chen ni o zi yisi mau a li ma tum tagna ni. Ma wa kikoti a ya chen a nyɛ ma titi ni. Chenani o tum a nyɛ ma ya o papaha ti.
Ma funɛ te nu Koosa laaboor weri naa ya wuti, Ɛpafras fun biksi ma di ma kpak bambi bɛgim di wuzu digi Koosa zi wa kpa kiwere naa o fun kpa chiŋsi o tɔhɔn ti ni chenu a nyɛ ma. Chendaha ma se su Yesu ka maa daŋni nara kinkan.
Ma Galesia tima ya womniwa. Anti kpa o kpok a du ma ni di ma gil Koosa wuti nyinbaan? Ya wa fun wa biksi ma gbampulim ni chenani Yesu Kristo fun sou a li o daakakli ti nii? Ma wa fun la nɔɔni di ya sɛm ta ya wutirɛɛ?
Ba gbanko fun a sɔbi di Koosa funɛ ŋɔ o be ti wɛwa, “I waa naa zen kaali kina maga, min funɛ nyɛ i naami tɛɛnɛ nɔ maga a li o piili ni. Hali min nyɛ i kpa i nisa a naami buudaha gbanko.
Kpak un i bambi ni aa kitum Koosa tuma nɛnɛ, chen ni o wa zaamsi hin a peti, o zi ŋɔ di i kpaŋi i titiu. I biksi Koosa laaboor weri ti a nyɛ nara ni wa wuti ni, i wa zi wa na hiisa.
di o mur nara ba naa Koosa zi wa na ba galimsa a ta ba yɔri. O zi wa na ba galimsa chenu, domi ba wara daŋni wuti ti, chen ni o fu zi kotiu a yisi ba a li ba tum tagna ni ba tiŋ un.
Ma nyɛ yaa zaami Koosa. Saha digi ma funɛ kpa ma titirɛ a tum tum tagna saha maga, amaa lalaknɔ maa kpak unu ma bambe ni di ma tiŋ Koosa wuti nyinbaan naa ba fun wa biksi ma chen.
Ma ya Koosa narawa. O fun a lisi ma a nyɛ o titi ni a la daŋni ma kinkan. Ma kpak dɔŋa awa siki a kikɔɔri dɔŋa sɔna a ya jɛrgɛ tima a kpak kanyita a du nara ni,
Ba zima ti wa nyɛ ba zim Koosa. Koosa nyɛ chen ya a li o zimi ni. Amaa o funɛ ŋɔ o zi la ba naa se su o laaboor weri tiu ka ya kpa un a biksi nara chen. Ba naa la tiŋ nibinsa zima ti lisiu di o laaboor weri ti ya yɔrirɛ.
Ya funɛ belimi mau a la kpami ma a ŋɔ ma di ma tum tum naa la zi sɔɔni Koosa tuha. Waa ya naa funɛ yir ma di ma wa zu o koor ti. O wa ma zi wa bɔni o jirima awa o chaaniu wuzu digi.