2 Jɔn 1:5 - Tampulma

⁵ Adaha mu sumi hinu ii tiŋ Koosa chiksɛ naa ya fun nu a li o piili ti ni chen. O wa ya chiksi falirɛ. O ŋɔ di o weru wa yaa daŋni dɔŋau,

2 Jɔn 1:5 Referans Kwoze

1 Jɔn 3:11

Ya te lagmi Koosa laaboor weri naa ma fun nu dɔŋ ni, o wu birigi ya di yaa daŋni ya dɔŋtima.

1 Tɛs. 4:9

O wara daŋni mu sɔbi ma chenani ma zi daŋni dɔŋa, domi Koosa titi funɛ piin biksi ma nanu.

Jɔn 15:12

Chiksi fali nyɛnɛɛ mu daŋni ma tiŋ. Ma zimu di mu daŋni mau kinkan. O lawa ma gbanko kidaŋni dɔŋau a chi chen.

1 Jɔn 3:23

Nannɛ ya zi tum a sɔɔni o tuha. O lawa ya nyɛ ya se su o be Yesu Kristou a kidaŋni dɔŋa a chi chenani o fun ŋɔ ya chen.

1 Jɔn 4:20

Nandigi ŋɔ di o daŋni Koosau a ha o dɔŋtiina, o ya nusun tiinnɛ. O vɛ koti a daŋni o dɔŋtiina naa oo na, yɛrɛ o kaa ya a daŋni Koosa naa o vɛ naali?

1 Pita 4:8

O ya wu birigirɛ di ma kpak si sɛm a daŋni dɔŋa kinkan. Yaa daŋni dɔŋa kinkan ka ya dɔŋtima tum tum tagna a du ya ni, o wa zi muksi ya.

2 Pita 1:7

a ya nibin were ma dɔŋtima wati a kidaŋni ba.

Ju 13:1

Ma maga ya niinbisawa. Chendaha o lawa maa daŋniu saha maga.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Jɔn 15:17

Mu sɛm mau wa kpok ni, o lawa maa daŋni dɔŋau.”

2 Jɔn 1:1

Mu waa, nihɛɛ, la sɔbi tɔn nɔ a nyɛ nihaan naa Koosa fun lisi a nyɛ o titi ni awa o bisa ba naa mu daŋni kinkan. Mu duŋduŋ laata la daŋni ma chen, amaa ba naa maga zim Koosa wuti, ba daŋni ma chene,