2 Kɔr. 8:4 - Tampulma

⁴ Ba fun sumi ya di ya la ba papaha, chen ni ya zi kotiu a suŋi Koosa nara ba naa nyɛn bar dumsi ni.

2 Kɔr. 8:4 Referans Kwoze

Tuma 24:17

“Saha naa mu fun nyɛn Jɛrusalɛm ni, o funɛ vusiu ka mu la dooni. Ju tim ta bɔnɛ fun lagmi malɛ a du mu nin ni di mu kpa la Jɛrusalɛm. Mu gbanko fun la dooni di mu jɛɛmi Koosa.

Gal. 6:10

Ma nyɛ ya dɛu nyinbaan aa suŋi nara maga. O lawa ya te a suŋi ya dɔŋtima ba naa se su ya kunyan tiu.

2 Kɔr. 9:1

O wa lawa mu bu sɔbi a nyɛ ma di ma suŋi Koosa nara.

Ju 6:10

O ya wuti tiinnɛ. O wa zi sugli ma tum were naa ma fun tum a nyɛ un awa chenani ma fun biksi di ma daŋni unu a li ma dɔŋtima suŋi ni. Hali ma ha vɛɛna suŋi ba chene.

1 Kɔr. 16:15

Ma zimu di Stɛfanas awa o dam walɛ funɛ te nyɛ ba se su Yesu a li Girik tim pulum ni a fun piinsa tum si sɛm tuma a nyɛ Koosa nara ni.

Gal. 2:10

Ba gbanko fun ŋɔ ya di ya suŋi fara tima ba naa ya Yesu nitiŋɛ ta a nyɛn doon pulum ti ni. Mu piin kpak unu mu bambi ni di ya ya chen. Ya wa ba funɛ sɛm peti, ya fun li dooni a kaali Antiɔk.

1 Kɔr. 16:1

Ma funɛ sɔbi tɔnnɛ a pɛɛsi min malɛ naa mu daŋni ma la a nyɛ Koosa nara ba naa nyɛn Judia pulum ni chen wɛ. Maa tum chenani mu fun ŋɔ Yesu nitiŋɛ ba naa nyɛn Galesia pulum ni, di baa tum chen.

Room 15:31

Ma sumi Koosa, chen ni o zi yisi minu a li ba naa vɛ un a li Judia pulum ni nisa ni. Ma gbanko kisumi un di o nara ba naa nyɛn Jɛrusalɛm ni zi la kin nawara mu kpa wa ba watiu.

Tuma 16:15

Ya funɛ zim di o nu au, ya fun chaksi o wa o walɛ wa ni ni. Doone o fun ŋɔ ya, “Ma zimu di mu si su ya kunyan ti wuti, adaha wa nyɛn mu wati wuzu bilɛ.” O fun nyɛ ya bambe chɛrgi a la o wati.

Tuma 11:29

Yesu nitiŋɛ ba naa funɛ nyɛn Antiɔk ni, funɛ daŋni ba suŋi ba niinbisa ba naa nyɛn Judia pulum ni. Ba nibɛgim bɛgima fun lisi chenani ba nyaŋi a li ba malɛ ni,

Maak 14:7

Saha maga fara tim ta yaa nyɛn ma watɛɛ. Chenani maa daŋni ma suŋi ba, ma yaa koti a suŋi ba. Amaa mu wa zi nyɛn ma wati aa la.

Mat. 25:40

Mu zi ŋɔ bau, ‘Wutirɛ n ŋɔ ma, chen naa maga ma fun ya a nyɛ mu gantɛl tiŋsi ta ni hali ba bichɛl tiin ni, mu nɛɛ ma tum nyɛ chen.’

Mat. 12:50

Ba naa maga la tum chenani mu kunyana Koosa naa nyɛn o tɔhɔn ti ni daŋni ba tum, ba waa ya mu numa awa mu niinbisa.”

Mat. 10:42

Maa nu mu sɛm na. Nar kpa ni sɔɔni a nyɛ bichɛl tiin ni di o tiŋ min daha, Koosa zi sir nyɛ un o papahau wuzu digi.”