2 Kɔr. 7:7 - Tampulma

⁷ Ya tusa funɛ sɔɔniu ya na un chen a nu o laaboor chenani ma fun a kpami un. O fun ŋɔ ya di maa daŋni ma na minu kinkan, awa chenani ma tusa chɔk domi muksi naa ma kpa du min chen daha. O gbanko funɛ ŋɔ yau di lalaknɔ ma se sɛrɛu di ma tiŋ ya biksi ti. O funɛ ŋɔ ya o laaboor ti peti, ya tusa fun sɔɔni kinkan a kaali o te tel ti ni.

2 Kɔr. 7:7 Referans Kwoze

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.

2 Kɔr. 5:2

Lalaknɔ ya wiu a la daŋni Koosa zer ya kinkan a la o tɔhɔn ti a la nyɛ ya o bar falɛ ta dooni.

2 Jɔn 1:4

Mu tuha sɔɔnɛu kinkan domi mu funɛ na ka i bisi ta bɔnɛ tiŋ wuti ti a chi chenani ya kunyana Koosa fun ŋɔ di ya tiŋ chen.

Jems 5:17

Saha digi Koosa witiina Ɛlaija funɛ ya nibinere a chi ya. O si fun sɛri o sumi Koosa di doon ta miili. Bunsa tora awa pɛnsa nɔra doon wa fun mi.

Ju 2:1

Chendaha o lawa ya kpaku nɛnɛ a li wuti biksi naa ya fun a nu a gbaari ni. Ya ya chen, ya wa zi a bur Koosa wuti nyinbaan ti ni.

1 Tɛs. 3:8

Ma kpak kpok a kitiŋ ya kunyan ti nɛnɛ, ya bambe zi kpoku ma daha.

1 Tɛs. 3:6

Timoti funɛ wa ma watiu a bur wa ya wati. Laaboor naa o fun wa a wa ŋɔ ya chen funɛ ya ya lɛmlɛmu kinkan. O funɛ ŋɔ yau chenani ma se su Yesu ka ma daŋni nara. O funɛ ŋɔ ya di ma ha vɛɛn a lisi ya wɛu nɛnɛ, a la daŋni ma na ya a chi chenani yaa daŋni ya na ma nan.

Kɔl. 2:5

Mu wa ma bol wa dɔŋau, amaa mu baga nyɛn di ma maga se su Kristo kinkan ka maa tiŋ o nyinbaan aa kpak un nɛnɛ. Ma ya chen, mu tuha zi sɔɔniu.

Filip. Tima 1:20

Mu kpak miisa koo mu siwɛɛ, mu se sɛrɛu lalaknɔ ka mu kpak bambi bɛgim Kristo ni, chen ni mu wa zi na hiisa a kpak bambi kpok kinkan. Mu ya chen, mu zi kpa mu barau a nyɛ un jirima kinkan a chi chenani mu ya nyɛ un jirima chen.

2 Kɔr. 8:16

Ya pɛgi Koosau di Taitus fun kpak un o bambi ni a suŋi ma a chi chenani ya kpak un a li ya bambe ni nan.

2 Kɔr. 2:9

Chendaha mu fun sɔbi tɔn ti a nyɛ ma. Mu funɛ daŋni mu zimu di ma zi tiŋ mu nɔu a li kina maga ni. Mu daŋni mu zaamsi mau.

2 Kɔr. 1:14

Ma ha wa zim min nɛnɛ, amaa mu daŋni ma zim min nɛnɛ, chen ni mu zi ya ma jirima naru. Ya kunyan Yesu wa bur wa, ma zi kut ya mu jirima narau.

Room 1:12

Chen yaali ni, ya maga zi kotiu a suŋi dɔŋa. Chenani mu se su Koosa zi kpami mau. Chenani ma gbanko se su un zi kpami minu.

Tuma 11:23

O funɛ la tel a na chenani Koosa nyɛ ba nyusum, o tuha fun sɔɔni kinkan. O fun kpami ba di ba kpak ya kunyana nɛnɛ awa ba tuha bɛgim ni.

Luk 22:44

O fun na bar wiha kinkan, a fun sumi Koosa wa si sɛm ni ka o wilim fun chi chɛl aa chesi tɛɛnɛ ni.

Mat. 26:75

Pita vaan lisi chenani Yesu fun ŋɔ un chen di o zi wa tɔ butorau di o wa un wa zim dɔŋa, ka zimal yeli. Chenani maga o fun lisi zu o nyuha. O fun kaali a la wi kinkan.

Mat. 5:4

Ba naa tusa chɔkɛɛ ba tum tagna daha, Koosa zi belimi bau a nyɛ ba tu sɔɔna.

1 Kɔr. 5:2

Baŋnɛ ma zer ma titi nan? O fu lawa ma tusa chɔku kinkan, ka ma lisi baal naa ya chen a li ma lagmi ti ni.

2 Kɔr. 1:4

O yaa belimi yau a li ya namsi maga ni. Domi o yaa suŋi ya chene, ya koti a chiŋi ya dɔŋtima gantɛl ni a li ba namsi ni.

2 Kɔr. 7:6

amaa Koosa naa la belimi ninamsɛ chen, waa funɛ tum Taitus di o wa kpami ya.

2 Kɔr. 7:8

Mu tuha funɛ chɔk kinkan a li tɔn naa mu fun te sɔbi a nyɛ ma chen ni, amaa mu funɛ nu di ma tusa wa chɔk vusi, chen fun bu ya min tu sɔɔna.