2 Kɔr. 6:7 - Tampulma

⁷ a la biksi nara wa wuti a li Koosa kpok ti ni, a nama maga biksi nara di ya ya o tumtumsiwa. Ya chi lanjimasiwa. Koosa nyɛ ya tum tum were a nyɛ un, chen ni ya zi koti a yo ya dɔmau a kok ya titi.

2 Kɔr. 6:7 Referans Kwoze

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

2 Tim. 2:15

Kpak un i bambi ni aa kitum Koosa tuma nɛnɛ, chen ni o wa zaamsi hin a peti, o zi ŋɔ di i kpaŋi i titiu. I biksi Koosa laaboor weri ti a nyɛ nara ni wa wuti ni, i wa zi wa na hiisa.

Jems 1:18

O tutɔ nɛɛ o fun nyɛ ya burgi o bisa a li o wuti sɛm nuuli ni, chen ni waa dɔ ya a kpa ya a chiŋsi kin nawara maga o fun naami suwachak ni.

2 Tim. 4:7

Mu miisa chi chɔchɔharɛ. Mu kpaŋu a chɔ peti ka mu si ha vɛɛn su Koosa.

1 Tɛs. 5:8

Ya chi fitin tima, ma ta nyɛ ya dɛɛsi chen. Ma nyɛ ya se suuli a kidaŋni nara a kpak bambi bɛgim di Koosa zi yisi yau a li ya tum tagna ni hali a wa peti. Ya ya chen ni, sintana wa zi nyaŋi ya.

Ɛfɛ. 3:20

Koosa kpok naa nyɛn ya ni kote a nyɛ ya tum tuma a nyɛ un a kaali chenani ya vɛ lisi a ŋɔ un di o suŋi ya ya tum.

2 Kɔr. 13:4

Ba funɛ wa kpa un a la kpaasi a mari o daakakli ti ni o sou, o wa fun kpak kpok. Amaa lalaknɔ o bu nyɛn Koosa kpok naa funɛ lɛli un a li o sou ni, daharɛ. Chen vɛɛna, mu funɛ nyɛn ma wati saha digi, mu funɛ ya jɛrgirɛ ma wati. Mu wa kaa bur wa, mu wa Koosa kpok kinkan zi bur wau.

Ɛfɛ. 1:13

Ba funɛ wa biksi ma Koosa laaboor weri naa ya wuti wɛ, ma fun a nu ba biksi ti, ka Koosa fun a yisi ma a li ma tum tagna ni ma tiŋ un. Chen saha ti ma se funɛ su Yesu Kristo. Chendaha Koosa fun kpa o siim weri naa o fun vɔu di o nyɛ ma a dani ma.

2 Kɔr. 7:14

Taitus funɛ li bar nɔ di o wa ma wati, ya funɛ ŋɔ unu di ma ya ya jirima narawa. Ma wa fun nyɛ ya na hiisa. Ya ha vɛɛn a sɛm sɛm wutɛwa a nyɛ ma. Chen vɛɛna, chenani ya fun ŋɔ Taitus ni, chen ya wutirɛ.

Ju 2:4

Koosa funɛ nyɛ ba tum tum zene awa alaazibu tuma a tiŋ o tutɔ a kpa o siim weri ti papaha a nyɛ ba di o biksi nara di o sɛm ta ya wutiu.

Kɔl. 1:5

Ma funɛ te nu Koosa laaboor weri naa ya wuti, Ɛpafras fun biksi ma di ma kpak bambi bɛgim di wuzu digi Koosa zi wa kpa kiwere naa o fun kpa chiŋsi o tɔhɔn ti ni chenu a nyɛ ma. Chendaha ma se su Yesu ka maa daŋni nara kinkan.

Ɛfɛ. 4:21

Ba funɛ wa biksi ma o wɛ, ba funɛ ŋɔ o wuti tiu a nyɛ ma. Ma fun nu a la nɔɔni aa tiŋ un.

1 Kɔr. 1:24

Amaa Ju tim ta maga awa Girik tima ba naa maga Koosa fun yir di ba wa o wati, Kristo ya Koosa kpok ti awa o zima ti ba wati.

Tuma 11:21

Nidamata kinkan funɛ nyɛ ba se su ya kunyan ti ka ba bur a tiŋ un, domi Koosa kpok ti funɛ nyɛn ba biksi ti ni.

Maak 16:20

O gantɛl tiŋsi ta ka fun si a kaali bar damata aa la sɛm Koosa laaboor weri ti a nyɛ nara ni. Koosa fun suŋi ba ba koti a tum tum kpoka aa gbaari, chen ni nara zi zimu di ba sɛm ta ya wutirɛ.))

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.