2 Kɔr. 6:6 - Tampulma

⁶ Chenani ya ya bambi chaanɛ tima a zim Koosa nɛnɛ a kpak kanyita wa nara ni a ya jɛrgɛ tima, a kpak o siim weri ti a li ya bambe ni a la daŋni ya dɔŋtima wa tu bɛgim ni,

2 Kɔr. 6:6 Referans Kwoze

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Ɛfɛ. 4:32

Ma ka ya jɛrgɛ nara a kpak dɔŋa wa siki saha maga. Yesu Kristo siwi daha, Koosa fun gil ma tum tagna a nyɛ ma. Chendaha ma gbanko gil a nyɛ dɔŋ ni.

Ɛfɛ. 4:2

Ma ya jɛrgɛ tima a kpak dɔŋ wa kanyita saha maga. Maa suŋi dɔŋa, chen ni nara zi zimu di maa daŋni dɔŋau.

Gal. 5:22

Amaa Koosa siim weri ti ka nyɛn ma ni, o zi nyɛ maa daŋni dɔŋau a kinyɛ ma tu sɔɔna awa bara sɔɔna saha maga. O zi nyɛ ma kpak kanyitau a tum tum were a nyɛ nara ni a ya nibin were a ya wuti tima,

Gal. 3:5

Koosa kpa o siim weri ti a tum tum zene a nyɛ ma, o ya chenu domi maa tiŋ o chiksɛwa hali a wa peti koo domi ma funɛ nu o laaboor weri ti a nyɛ ma se su unn?

2 Kɔr. 12:15

Mu daŋni mu kpu mu titirɛ a nyɛ ma, chen ni mu zi suŋi mau. Chenani mu daŋni ma la suwachak, ma daŋni zi bur gantɛluu?

2 Kɔr. 11:11

Ma lisi di mu la tum nan, mu wara daŋni maa? Koosa zimu di mu daŋni mau kinkan.

2 Kɔr. 11:6

O ya wutirɛ mu vɛ koti a sɛm sɛma nɛnɛ nara suwachak ni, amaa mu zima wa pɔɔgi min. Mu yaa biksi mau di nan ya wutirɛ.

2 Kɔr. 11:4

Ma bɔnɛ la nu ba naa vɛ tiŋ ya wuti biksi Yesu wɛ. Ba funɛ chɛrgi Koosa laaboor weri tiu a biksi ma siim naa vɛ ya Koosa siim weri ti wɛ. Ma funɛ la nɔɔniu ka o vɛ bɔm ma wati.

2 Kɔr. 7:2

Ma chasi ma tusa a nyɛ ya. Ya ha wa tum tum tagna a nyɛ nandigi ni. Ya ha wa di nandigi koo a mur ba.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

2 Kɔr. 3:3

Koosa naa nyɛnɛɛ funɛ kpa o siim weri ti a du ma ni. Chendaha ma chi Kristo tɔn naa ya fun sɔbi chene. Chenani Koosa ya nyɛ ma kaali chenani o fun sɔbi o chiksɛ ta a sak buŋkula ni a nyɛ Mosis saha digi chen.

2 Kɔr. 2:4

Mu funɛ sɔbi a nyɛ ma, o funɛ muksi minu kinkan ma daha. Mu tuha funɛ chɔku kinkan mu wi. Amaa mu wa funɛ daŋni mu tɔn ti sɛma chɔk ma tusa. Mu funɛ daŋni mu biksi mau chenani muu daŋni mau.

1 Kɔr. 13:4

Nibine naa la daŋni nara, o yaa kpak kanyitarɛ wa nara maga ni aa la ɔm ba siki saha maga. O wa zi kpak handɔta akoo a zer o titi a daŋni sɔn.

1 Kɔr. 2:16

Ba funɛ sɔbiu a li Koosa sɛm tɔn ti ni a pɛɛsi, “Anti zim chenani Koosa lisi du? Anti fun biksi un kundɔŋ?” Amaa ya kpak Kristo lisiu.

Room 12:9

Maa daŋni dɔŋa a li ma bambe ni a bur gantɛl a li tum tagna ni a la suwachak a li tum were nyinbaan saha maga.

1 Jɔn 3:18

Mu bisa, ya ta daŋni ya dɔŋtima wa ya sɛma duŋduŋ ni. Ma nyɛ yaa daŋni ba wa wuti ni a tum tum were a nyɛ ba.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Tim. 4:12

Nyɛ i sɛma awa i nyɛni wa chenani i daŋni nara wa chenani i si su wa i tum were, biksi Yesu nitiŋɛ ta chenani ba zi tiŋ Koosa. I ya chen, nandigi wa zi ŋɔ di i ya bichɛllɛ.

1 Tɛs. 2:10

Ma waa ya ya sɛhɛra tima. Koosa gbanko ya ya sɛhɛra tiina. Ya nyɛni kpa la ma wati funɛ deŋliu a wer kinkan. Nandigi wa fun koti a na ya galimsa.

Kɔl. 3:12

Ma ya Koosa narawa. O fun a lisi ma a nyɛ o titi ni a la daŋni ma kinkan. Ma kpak dɔŋa awa siki a kikɔɔri dɔŋa sɔna a ya jɛrgɛ tima a kpak kanyita a du nara ni,

Ɛfɛ. 3:4

Ma bukoo a karimi tɔn naa mu fun sɔbi a nyɛ ma chen, ma zi zim chenani mu zim Yesu Kristo wu sogle mun wɛu.

Gal. 3:2

Mu daŋni mu pɛɛsi ma wu digirɛ. Koosa funɛ kpa o siim weri ti a nyɛ ma, ma funɛ tiŋ o chiksɛ ta hali a wa petiu koo ma funɛ nu o laaboor weri tiu a nyɛ ma se su unn?

1 Kɔr. 2:4

Biksi ti maga mu fun biksi ma, o wa fun tiŋ nibinsa zimirɛ di o ya ma lɛmlɛm, amaa Koosa siim weri ti funɛ ya mu sɛm ta sɛhɛra a nyɛ a kpak kpok.

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

Tait. 2:7

I titi kitum tum were. I ya chen a li kina maga ni, chen la zi biksi ba chenani ba gbanko zi tum tum were. Kibiksi ba a li i bambi ni, chen ni ba zi nyɛ hin jirimau a li i biksi ti ni.

2 Tim. 4:2

Mu ŋɔ hinu di o lawa i biksi Koosa laaboor weri ti wɛ aa nyɛ nara ba naa la nu awa ba naa vɛ nuuli ni. I yaa la burgi ba naa la tum tum tagna nyuuna, aa kikpami ba a bur tiŋ Koosa nyinbaan. Saha maga ii biksi ba wa kanyita kinkan ni.

2 Tim. 3:10

Amaa i chau chenani muu biksi nara nɛɛ awa chenani mu nyɛni du wa chenani mu kpak un a li mu bambi ni di muu tiŋ Koosa. I gbanko zimu di mu si yaa su Koosau ka mu daŋni mu dɔŋtima awa kanyita ni wa chenani mu di mu namsi.

1 Tim. 5:2

awa nihaana a chi ba ya i niina, awa butoosa a chi ba ya i toosa. Kilisi chenani weree aa nyɛ ba.

Kɔl. 2:3

Koosa zima awa nɛha maga nyɛn Kristo ni.

1 Kɔr. 12:8

Koosa bɛgim siim weri ti funɛ nyɛ bɔnɛ wa nɛha sɛma a nyɛ bɔnɛ kpak zima.

2 Kɔr. 1:23

Mu daŋni Koosarɛ ya mu sɛhɛra tiina ma zim di mu sɛm ta ya wutiu. Mu wa fun wa di mu wa na ma, chen ni ma wa zi nu mu sɛm kpoka.

2 Kɔr. 2:10

Ma gil a nyɛ nar ni, mu zi chiŋi ma gantɛl niu. Mu daŋni mu suŋi mau. Chendaha ma ya chen. O chi Kristo nyini chenani mu yarɛ.

2 Kɔr. 13:10

Mu sɔbi tɔn nɔwa a te nyɛ ma di ma kɔɔri kin nama, chen ni ka mu wa wa ma wati, mu wa zi bu kpa kpok naa ya kunyan ti fun kpa nyɛ min chen a lɛrgi ma diŋsa. O funɛ kpa unu a nyɛ min di mu suŋi ma ma zim un a gbaari.

Jems 3:17

Nibine naa kpak wuti zima naa li Koosa wati, waa kpak tu chaana a kpak bara sɔɔna nara wati a du balimm a ya jɛrgi a kpak ba siki kinkan a tum tum were aa nyɛ ba. O wara daŋni bɔnɛ a gil bɔnɛ, a vɛ ya nimuri tiina.