2 Kɔr. 5:8 - Tampulma

⁸ Ya tusa sɔɔnɛu kinkan. Ya wa kpak hansura di ya sou. Chen yɛɛ, ya zi la dugli ya kunyan tiu.

2 Kɔr. 5:8 Referans Kwoze

2 Kɔr. 5:6

Chendaha ya kpak tu sɔɔna saha maga. Ya zimu di ya nyɛn lalaknɔ nan, ya ha wa kikoti a chiŋi ya kunyan ti suwachak ni.

1 Jɔn 3:2

Mu bi daŋnɛ, ya ya Koosa bisawa lalaknɔ. Chenani ya zi wa du wuzu digi, Koosa ha wa biksi ya. Amaa Yesu wa bur wa, ya zi wa du a chi unu. Ya se zi wa na unu wuzu digi a chi chenani o du chen.

Jɔn 14:3

Mu wa kɔɔri a peti, mu zi bur wa kpa ma lau, chen ni ma wa min zi bu lagmi nyɛnu.

2 Kɔr. 5:9

Ya nyɛn bar nɔ koo ya duglɛ un a li Koosa tɔhɔn ti ni, o lawa ya kpak unu ya bambe ni o ya Koosa wa tu sɔɔna.

JɔnN Deesi 22:3

Kin nawara Koosa fun ŋɔ nɔ a nyɛ wa zi nyɛn tɔhɔn ti ni. Koosa awa piisi be jirima bar kani nyɛn dooni. Chendaha ba tumtumsa duŋduŋ nyɛn dooni a la jɛɛmi ba.

Tuma 21:13

O fun ŋɔ ya, “Yɛrɛ ma nyɛ mu wɛ muksi ma a nyɛ mu bambi buti? N saksɛu di ba kpak min a vɔu ya kunyan Yesu daha. Hali mu saksɛu di mu sou a nyɛ un.”

Jɔn 17:24

“Mu nyana, hin funɛ te daŋni min ka i wa min bɔni i jirima awa i chaani kinkan ka i zi naami tɛɛnɛ nɔ maga. Mu sumi hinu di i nyɛ ba naa i fun lisi nyɛ min chen, wa lagmi min ni ya nyɛn i tɔhɔn ti ni wuzu digi, chen ni ba zi wa na mu jirima awa mu chaani kinkanu.

Luk 2:29

“Mu kunyana, zinan nɔ i tum i vɔwi tiu. Lalaknɔ i zi nyɛ n waa naa ya i tumtumna, sou awa tu sɔɔn ni.

Mat. 25:23

O kunyan ti fun ŋɔ un, ‘I kpaŋi i titiu. I gbanko ya nibin werire a la tum tum were. Mu funɛ kpa malɛ tamnɛ a du i nin ni. I wa min zi kpak tu sɔɔnau.’

Mat. 25:21

O kunyan ti fun ŋɔ un, ‘I kpaŋi i titiu. I ya nibin werire a la tum tum were. Mu funɛ kpa malɛ tamnɛ a du i nin ni ka i ya wuti tiina. Lalaknɔ mu zi kpa malɛ damatau a du i nin ni. I wa min zi kpak tu sɔɔnau.’

Jɔn 12:26

Ma la ŋɔ Girik tim ta ni di ba daŋni ba wa min tum tuma, ba wa tiŋ min, chen ni ba zi nyɛn doonani mu nyɛnu. Ba ya chen, mu nyan ti zi nyɛ ba jirimau.”