2 Kɔr. 5:12 - Tampulma

¹² Ya wa bur a daŋni sɔna a nyɛ ya titi ni. Ya waa ka la nyɛ ma nyinbaan di ya ya ma jirima tima, chen ni ma zi kotiu a sɛm ba naa la nyini nibinsa se ni a vɛ nyini ba bambe ni.

2 Kɔr. 5:12 Referans Kwoze

2 Kɔr. 3:1

Ya bu a zer ya titirɛ ma suwachak nii? Nibiksɛ ba naa na nyɔɔra a li ba biksi ni kpa tɔnawa a nyɛ ma, chen ni ma zi zim chenani ba duu. Ba wa li, ba zi bukoo la tɔnau ma wati a kaali bar digi. Ya chi ba warɛɛ?

2 Kɔr. 1:14

Ma ha wa zim min nɛnɛ, amaa mu daŋni ma zim min nɛnɛ, chen ni mu zi ya ma jirima naru. Ya kunyan Yesu wa bur wa, ma zi kut ya mu jirima narau.

2 Kɔr. 10:18

Ma pi ma titi, chen wa deŋli. Ya kunyan ti ka pi ma, chen deŋlee kinkan.

2 Kɔr. 12:11

Ma muksi minu di mu sɔbi a nyɛ ma a chi mu ya wom. Yɛrɛ ma bɔnɛ vɛ nyɛ min jirima? Mu titi kpok ti ya yɔrirɛ, amaa mu wara tiŋ nusun nibiksɛ ba naa ma lisi di ba wa ya nibirige, gantɛl.

2 Kɔr. 10:12

Nara nama ya womniwa kinkan. Ba lisiu di ba ya nibin zenewa. Ba wara daŋni ba kpa ba titi a lagmi ya ni. Ba funɛ naami ba titi chiksɛ a la tiŋ a.

2 Kɔr. 10:8

Ya kunyan ti kpa o kpok ti a nyɛ ya di yaa suŋi ma a ta lɛrgi ma diŋsa. Ya fa sɔbi nan kinkan, hiisa wa zi kpak ya.

2 Kɔr. 6:4

Ya tum maga yaa biksi nara di ya ya Koosa tumtumsiwa. Ba namsi yau kinkan, amaa ya di ya namsiu wa kanyita ni.

2 Kɔr. 10:7

Ma bɔnɛ nyini ya se nee, a vɛ nyini ya bambe ni. Ma bɔnɛ lisi di Yesu Kristo dɔ maa? Ma lisi di waa dɔ ya gbanko a chi o dɔ ma chen.

Filip. Tima 1:26

Ma wa min bu wa lagmi dɔŋ ni, min la zi ya ma jirima tiina, chen ni ma zi pɛgi Yesu Kristou kinkan mu daha.