2 Kɔr. 5:10 - Tampulma

¹⁰ Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.

2 Kɔr. 5:10 Referans Kwoze

Mat. 16:27

N waa nibine be zi wa bur wau awa Koosa kpok ni awa o malaikasa awa o jirima ni. N wa bur wa, n zi pa nara magau a li ba tum ni.

JɔnN Deesi 22:12

Yesu ŋɔ, “Ma nu mu wati. O wa zi vusi ka mu wa bɔ ma chim a li chenani ma tum.

Ɛfɛ. 6:8

Ma zimu di ma ya nibin hiise akoo ma ya yosa a tum tum were a nyɛ un, o zi wa bɔ ma chimu.

1 Kɔr. 4:5

Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.

1 Pita 4:5

Koosa wa wa di o wa di ba naa kpak miisa awa ba naa sitɛɛ sɛria, o zi pɛɛsi ba chenani ba tumu.

Tuma 17:31

O fun lisi a wuzu naa o nyɛ naa o fun lisi chen wa di tɛɛnɛ nɔ tim maga sɛria. Koosa fun lɛli Yesu a li o sou ni di o biksi ya di waa ya naa la zi tum chen.”

Tuma 10:42

O fun ŋɔ ya di o lawa ya lau a la biksi nara Koosa laaboor weri ti wɛ awa chenani Koosa fun lisi un di wuzu digi o zi wa di nisitɛ awa ba naa vɛ siti sɛriau.

JɔnN Deesi 2:23

Mu zi nyɛ o bisa sitiu, chen ni Yesu nitiŋɛ ta maga zi zimu di min ya naa zim chenani nibinsa bambe du. Mu zi bɔ ma magau a li chenani ma tum ni.

Room 6:19

O bɔmu di ma zim kin nama mun. Chendaha mu ŋɔ ma a li ma nyɛni ni. Saha digi ma yaa fun kpa ma titiu a tum chɔkumsa tuma awa tum tagna bɔnɛ a gbaari. Lalaknɔ ma kpa ma titi aa tum tum were.

2 Kɔr. 7:3

Ya wara sɛm nannɛ a nyɛ ma di ya na ma galimsa. Ya funɛ piin ŋɔ mau di ya daŋni mau kinkan. Ya nyɛnɛɛ koo ya sitɛɛ, ma zi vɛɛn nyɛn ya bambe niu.

Room 2:16

O zi wa chi chenu a wuzu naa Koosa zi wa kpa nara wu sogle maga a li gbampulimu a nyɛ Yesu Kristo di a sɛria. Koosa laaboor weri naa mu biksi a nyɛ nara ni, o biksi nan ni.

Ju 9:27

Nibinsa maga zi sou bu bɛgim. Ba wa siti, Koosa zi wa di ba sɛriau.