2 Kɔr. 4:3 - Tampulma

³ Nidamata wara nu Koosa laaboor weri naa ya kpa biksi ba. Koosa zi wa na ba galimsau a ta ba yɔri.

2 Kɔr. 4:3 Referans Kwoze

2 Kɔr. 3:14

Amaa Ju tim ta ka chi un. Chen saha ti hali wa zinan, ba yaa funɛ karimi Koosa chiksɛ ta a li o sɛm tɔn ti ni. A chi gar tɔ ba lise. Ba bambe gbanko chi bambe sitɛwa. Nyinbaan bɛgim duŋduŋ nyɛ ba wa zim Koosa. O lawa ba se su Yesu Kristou.

1 Kɔr. 1:18

Ba naa vɛ Koosa laaboor weri ti Yesu daakakli ti siwi ti wɛ, o wa kpak nyuha ba wati. Ba naa la ya chen tiŋ din dam nyinbaannɛ, amaa ya naa vɛ nyuksi aa tiŋ Koosa, Yesu daakakli ti siwi ti ya Koosa kpok naa o kpa nyɛ ya.

Mat. 11:25

A saha ti Yesu fun sumi Koosa a ŋɔ, “Mu nyana, koor naa dɔ buudaha awa tɛɛnɛ nɔ maga. Kin nawara i fun kpa sogli a li ninɛɛgɛ tim wati chen, i funɛ kpa biksi ba naa ya nyu bilim timwa. N zaami hinu kin nama daha.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Room 2:16

O zi wa chi chenu a wuzu naa Koosa zi wa kpa nara wu sogle maga a li gbampulimu a nyɛ Yesu Kristo di a sɛria. Koosa laaboor weri naa mu biksi a nyɛ nara ni, o biksi nan ni.

1 Tim. 1:11

Koosa naa zen kinkan a wer hali o wa peti, funɛ kpa o wuti biksi nɔ a du mu nin nee di mu kpa nyɛ nara ni. Waa ya o laaboor weri ti.

1 Tɛs. 1:5

Domi ya funɛ te wa biksi ma Koosa laaboor weri ti wɛu, o wa fun ya ya sɛma duŋduŋnɛ ya biksi ma. Koosa siim weri ti funɛ kpa o kpok ti a du un ni. Chendaha ma nidigi vɛ beeli. Ma funɛ na chenani ya nyɛni maga duu a la biksi ma. Ma daha ya fun nyɛn chen,

2 Kɔr. 2:12

Mu funɛ wa tel Troas, ya kunyan ti fun a nyɛ min nyinbaan kinkan di mu biksi nara Yesu Kristo laaboor weri ti wɛ.

1 Kɔr. 2:6

Mu yaa vɛɛn a sɛmu zima sɛmau a nyɛ ba naa la tiŋ Koosa ni nɛnɛ. O wa ya tɛɛnɛ nɔ tim maga zimarɛ akoo nibin zene zima mu sɛm a nyɛ ba. A nama ya yɔrirɛ a la zi vɛ vusi.