2 Kɔr. 3:7 - Tampulma

⁷ Koosa funɛ kpa o chiksɛ ta a nyɛ Mosis ni saha digi, Koosa fun sɔbi a a sak buŋkula daha ni. Mosis fun na Koosa jirima awa o chaani kinkan, chen ni o gbanko se fun chaani kinkan. Mosis funɛ bur a la chem Ju tim ta, o se ta chaani ti wa fun bu hi, amaa ba wa fun koti a nyini a. Koosa fun kpa o jirima awa o chaani kinkan a du o chiksɛ naa nyɛ nara siti ni,

2 Kɔr. 3:7 Referans Kwoze

1 Kɔr. 13:10

Yesu wa bur wa, ya zi wa ya kina maga petiu.

Room 10:4

Kristo funɛ kpa Koosa chiksɛ ta tiŋi a nyɛ a peti, chen ni Koosa wa zi bu koti a na ba naa maga se su un galimsa.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

2 Kɔr. 3:3

Koosa naa nyɛnɛɛ funɛ kpa o siim weri ti a du ma ni. Chendaha ma chi Kristo tɔn naa ya fun sɔbi chene. Chenani Koosa ya nyɛ ma kaali chenani o fun sɔbi o chiksɛ ta a sak buŋkula ni a nyɛ Mosis saha digi chen.

Room 4:15

Koosa na paan a du ba naa la chɔk o chiksɛ ta a wa lɛrgi ba diŋsa. Chiksɛ ta fu vɛ nyɛni, nara fu wa zi koti a chɔk a.

Room 7:10

Koosa funɛ kpa o chiksɛ ta a nyɛ nara ni, chen ni ba zi tiŋ a nɔu a kpak miisa. Chen saha ti mu fun zim di mu wa fun a tiŋ a nɛnɛ. Chendaha mu fun zim di o deŋlu di Koosa zi wa ta min yɔriu.

Tuma 6:15

Ba funɛ sɛm peti, Koosa dam kɔkɔɔrsi ta awa sɛria nidiile ta maga funɛ nyini Stivin se ni a na ka o se chi Koosa malaikasi ta digi se.

Room 7:22

Mu bambi zimu di Koosa chiksɛ ta weru,

Ju 9:4

a fun kpa salma a tɔ biŋbiŋa awa adaga zenzen a dau dooni. Bu bɛgim bun kam ba dam kɔkɔɔrsa nihɛɛ fun kpa poora naa sɔɔra weree a fu biŋbiŋ ti ni a nyɛ Koosa ni. Ba fun kpa diwe ta tama naa Koosa fun kpa nyɛ ba a li nyabaan ti ni ka ba yir un ‘mana’ a du salma gbaŋ ni. Gbaŋ nɔ awa Ɛrɔn da naa funɛ tasi o kpachaga chen awa Koosa chiksɛ naa o fun sɔbi a sak gbɛntɛl sulsi daha ni a nyɛ Mosis ni, a maga funɛ nyɛn adaga zenzen ti ni.

Room 5:20

Koosa funɛ kpa o chiksɛ ta a nyɛ Ju tim ta ni, a waa funɛ nyɛ nara tum tum tagna a gbaari kinkan. Ba funɛ tum au a gbaari, chenani Koosa suŋi ba gbanko gbaari a kaali chen.

Room 7:5

Ya funɛ tiŋ ya gantɛl tuha kinawa, chiksɛ ta kpa kpok a nyɛ ya titi daŋnɛ ni di ya tiŋ a. Ba naa maga tiŋ chen, Koosa zi ta ba yɔriu,

2 Kɔr. 3:8

amaa o funɛ kpa o jirima awa o chaani kinkan naa kaali chenu a du o siim weri naa nyɛ nara kpak miisa naa vɛ kpak bɔ ni.

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

Gal. 3:21

Koosa chiksɛ ta awa o vɔwi ti yo dɔŋwaa? Aai. O chiksɛ ta fu nyɛ o koti a kpa o mi fali ti a nyɛ nibinsa ni, o fu wa zi na ba galimsa ba chiksɛ ta tiŋi daha.

Ju 3:3

Ju tim ta chi damnɛ. Mosis funɛ ya dam ti bar digi, amaa Yesu funɛ ya naa sa un. Chendaha o jirima kaali Mosis jirima kinkan.

Ju 12:18

Ma wa chi Ju tima ba naa funɛ dugli bi naa ba yir Sainai saha digi. Doonee ba fun na kina awa ba se ni a fun koti a kpa ba nisa a gbaŋsi a. Ba waa funɛ na din zen awa birsa awa dobaal zen,