2 Kɔr. 2:14 - Tampulma

¹⁴ Ma nyɛ ya pɛgi Koosa kinkan. Waa funɛ nyɛ ya wa Kristo ya nibɛgim. Lalaknɔ waa dɔ ya. Saha maga waa nyɛ ya gba a biksi nara, chen ni ba zi na nyinbaanu a zim un.

2 Kɔr. 2:14 Referans Kwoze

Room 8:37

Hali kin nama kibɛgim zi wa pu ya, ya kpok kaali a kpok domi Yesu Kristo daŋni yau.

Ɛfɛ. 5:2

Yesu Kristo funɛ sou ya daha, chen chi chenani Ju tim ta fun kpa kin a nawara sɔɔra weree awa sela a kɔɔri kɔɔra a nyɛ Koosa ni. Yesu Kristo fun sɔɔni Koosa tuha kinkan a biksi ya di o daŋni yau. Ma nyɛ ma nara daŋni te ma suwachak a chi un.

Room 6:17

Ma nyɛ yaa zaami Koosa. Saha digi ma funɛ kpa ma titirɛ a tum tum tagna saha maga, amaa lalaknɔ maa kpak unu ma bambe ni di ma tiŋ Koosa wuti nyinbaan naa ba fun wa biksi ma chen.

2 Kɔr. 9:15

Koosa funɛ kpa o beu a nyɛ ya. Wuti waa kaali a maga kinkan. Chendaha ma nyɛ yaa zaami un.

Kɔl. 2:15

Yesu funɛ sou a li o daakakli ti ni, o fun a chɔk alizin tagna maga kpok a fun kpa a a li gbampulim, chen ni nara zi wa zimu di a ya yɔrirɛ lalaknɔ.

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

JɔnN Deesi 7:12

a ŋɔ, “Ami. Ya pɛgi a zaami hin, domi i kpak zima awa jirima wa chaani wa kpok kinkan hali saha naa vɛ kpak bɔ. Ami.”

Kɔl. 1:23

Amaa o lawa maa tiŋ wa wutiu a nyɛ ma se su un nɛnɛ, chen ni kundɔŋ wa to a la zi bur ma gantɛl, a kpak bambi bɛgim a li chenani ma fun te nu Koosa laaboor weri ti chen.

Kɔl. 1:6

Koosa laaboor were tirɛ ba kpa a mɔɔli bar damata ni a gbaari. Nara kinkan se funɛ su Koosa, ba bur a tum tum were o daha. Saha naa ma se fun te lɛli a zim di Koosa funɛ suŋi mau, o gbanko fun nyɛ ma se su un, chen ni ma zi tum tum wereu.

Filip. Tima 4:18

Ma papaha naa Ɛpafrodaitus fun kpa li ma wati, a mak chenani mu daŋni a kaali. Chenani ma fun ya nyɛ Koosa tuha sɔɔni kinkan. O chi Ju tim ta funɛ kpa sela a kɔɔri kɔɔra a nyɛ Koosa ni saha digi chene.

Ɛfɛ. 5:20

Ma kunyana Koosa tum tum damatau a nyɛ ma. Chendaha maa zaami un saha maga ya kunyan Yesu Kristo sɔn daha.

2 Kɔr. 8:16

Ya pɛgi Koosau di Taitus fun kpak un o bambi ni a suŋi ma a chi chenani ya kpak un a li ya bambe ni nan.

2 Kɔr. 1:11

Maa sumi un ya daha. Koosa bu wa yisi ya a li ya namsi ni kinkan, ma wa nidamata kipɛgi un chen daha.

1 Tɛs. 3:9

Ya wa zim chenani ya zi pɛgi Koosa. Ya waa sɛm ma wɛ o wati, ya tusa yaa sɔɔniu kinkan.

1 Kɔr. 15:37

Ma kpa mɛ a du chen, kiduhu titi wara zini. Kiduha naa ma du chen laata ma kum a di.

Jɔn 16:33

Chenani ma nyɛn tɛɛnɛ nɔ maga ni zi nyɛ ma na namsiu kinkan. Chenani ma wa min ya nibɛgim a nyɛn ka zi nyɛ ma bara sɔɔniu. Chendaha mu fun ŋɔ ma kin nama. Ma kpak ma bambe. Mu kpok ti ya kizen a kaali tɛɛnɛ nɔ tim maga kpok.”

Room 1:8

Mu daŋni n te ŋɔ di Yesu Kristo kpa chenani mu kunyana Koosa ma maga daha a nyɛ un. Nara sɛmu bawu maga ni chenani ma se su Yesu Kristo.

1 Kɔr. 12:8

Koosa bɛgim siim weri ti funɛ nyɛ bɔnɛ wa nɛha sɛma a nyɛ bɔnɛ kpak zima.

1 Kɔr. 15:57

Ya kunyana Yesu Kristo funɛ nyaŋi sou. Chendaha ya zaami Koosa.

1 Tɛs. 1:8

Ma waa funɛ kpa Yesu laaboor weri ti a wa ŋɔ ba o wɛ, ba naa nyɛn bawu maga ni funɛ nu ma wɛu di ma se su Koosa. Ya wa bur a daŋni ya sɛm kinkan.

1 Tim. 2:8

Chendaha mu daŋni nibaala ba naa maga tiŋ Koosa nɛnɛ a nyɛn bawu maga ni ba sumi un. Ba ta na paan a kidi dɔŋ wa amɔrɛ.

2 Tim. 2:2

I funɛ nu ka muu biksi nara bu damata. I gbanko tiŋ mu nɔ sɛma aa kibiksi ba naa ya wuti tima ba zi kotiu a la biksi ba dɔŋtima.