2 Kɔr. 2:1 - Tampulma

¹ Mu wara daŋni di mu sɛm kpok ta nyɛ ma tusa bu wa chɔk. Chendaha mu vɛ wa ma wati.

2 Kɔr. 2:1 Referans Kwoze

2 Kɔr. 1:23

Mu daŋni Koosarɛ ya mu sɛhɛra tiina ma zim di mu sɛm ta ya wutiu. Mu wa fun wa di mu wa na ma, chen ni ma wa zi nu mu sɛm kpoka.

2 Kɔr. 13:10

Mu sɔbi tɔn nɔwa a te nyɛ ma di ma kɔɔri kin nama, chen ni ka mu wa wa ma wati, mu wa zi bu kpa kpok naa ya kunyan ti fun kpa nyɛ min chen a lɛrgi ma diŋsa. O funɛ kpa unu a nyɛ min di mu suŋi ma ma zim un a gbaari.

2 Kɔr. 2:4

Mu funɛ sɔbi a nyɛ ma, o funɛ muksi minu kinkan ma daha. Mu tuha funɛ chɔku kinkan mu wi. Amaa mu wa funɛ daŋni mu tɔn ti sɛma chɔk ma tusa. Mu funɛ daŋni mu biksi mau chenani muu daŋni mau.

1 Kɔr. 4:21

Ma biksi min chenani mu zi wa ma wati. Mu wa ma wati awa da ni a wa tuk ma akoo mu wa ma wati balimm a wa biksi ma chenani mu daŋni maa?

Tait. 3:12

Mu zi tum Artimas koo Tikikus i watiu. Ba nidigi wa pu hin, i gil un a kuwa mu wati Nikɔpɔlis ni. Mu daŋni mu nyɛn doonee hali wa saha wa peti.

1 Kɔr. 5:3

Mu wa ma bol dɔŋ niu, amaa mu waa piin di baal ti sɛriau ya kunyan Yesu sɔn daha a chi mu nyɛn ma wati.

1 Kɔr. 2:2

Mu funɛ daŋni mu sɛm mau a li Yesu Kristo siwi daakakli ti daha ni duŋduŋnɛ.

Tuma 15:2

Pɔɔl awa Barnabas wa ba fun di amɔrɛ kpok a li ba biksi nɔ ni. Yesu nitiŋɛ ta fun lisi Pɔɔl, Barnabas awa ba bɔnɛ a li ba tuhu ni ba la Jɛrusalɛm ba wa nitumɛ ta awa nihɛɛti ta na dɔŋa chenani ba zi ya.

Tuma 11:29

Yesu nitiŋɛ ba naa funɛ nyɛn Antiɔk ni, funɛ daŋni ba suŋi ba niinbisa ba naa nyɛn Judia pulum ni. Ba nibɛgim bɛgima fun lisi chenani ba nyaŋi a li ba malɛ ni,

Tuma 15:37

Barnabas funɛ daŋni o yir Jɔn Maakrɛ a gbaari ba ni,