2 Kɔr. 13:7 - Tampulma

⁷ Yaa sumi Koosau di ma bur a li ma tum tagna ni, chen ni mu wa zi wa lɛrgi ma diŋsa. Ma bur a tum tum were, chen bɔɛɛ di mu biksi ma chenani Yesu Kristo kpok ti nyɛn min ni.

2 Kɔr. 13:7 Referans Kwoze

Jems 1:12

Tu sɔɔn nyɛn nibine naa yaa di o zaamsi nɛɛ. O zaamsi saha wa peti, Koosa zi wa kpa o mi fali naa o fun vɔu, a nyɛ ba naa la daŋni un nɛɛ.

2 Tim. 4:18

O gbanko zi lisi minu a li tum tagin naa maga nibinsa zi wa tum a du min ni a nyɛ mu zu o koor naa nyɛn Koosa tɔhɔn ti ni. O la jirima kinkan hali saha naa vɛ kpak bɔ. Ami.

2 Tim. 2:15

Kpak un i bambi ni aa kitum Koosa tuma nɛnɛ, chen ni o wa zaamsi hin a peti, o zi ŋɔ di i kpaŋi i titiu. I biksi Koosa laaboor weri ti a nyɛ nara ni wa wuti ni, i wa zi wa na hiisa.

1 Tɛs. 5:23

Koosa naa la nyɛ ma bara sɔɔna, zi nyɛ maa tum tum wereu a gbaari. O zi kok ma awa ma lisi wa ma siimau a li wu tagna ni, chen ni a zi weru hali saha naa ya kunyan Yesu Kristo wa bur wa.

Filip. Tima 4:8

Mu niinbisa, ma nyɛ mu lagmi a nama maga a ŋɔ ma. Ma yaa lisi kin naa ya wuti a kpak jirima a deŋli a chaani a wer. Kin nawara nara pɛgi, maa lisi a wɛ.

1 Pita 2:12

O lawa ma kpak sɔn were ba naa vɛ zim Koosa watiu, chen ni ba wa fiksi ma di ma tum tum tagna, ba zi wa na ma tum were duŋduŋu. Koosa wa wa di o wa di tɛɛnɛ nɔ tim maga sɛria, nifiksi nama zi pɛgi unu ma daha.

2 Kɔr. 13:9

Ya vɛ kpak kpok ka ma wa kpak kpok, ya tusa zi sɔɔniu. Chendaha ya yaa sumi Koosau di kin naa nyɛn ma wati maga kɔɔri.

2 Kɔr. 10:18

Ma pi ma titi, chen wa deŋli. Ya kunyan ti ka pi ma, chen deŋlee kinkan.

2 Kɔr. 10:10

Mu funɛ piin sɔbiu di ma bɔnɛ ŋɔ di mu funɛ nyɛn ma wati, mu funɛ ya jɛrgɛrɛ ka mu sɛma ya yɔri. Mu funɛ bol a sɔbi ma, tɔni ta maga funɛ suu wa sɛm kpoka ni.

2 Kɔr. 8:21

Ya daŋni ya ya chenani deŋli ya kunyan ti awa nara maga suwachak niu.

2 Kɔr. 6:4

Ya tum maga yaa biksi nara di ya ya Koosa tumtumsiwa. Ba namsi yau kinkan, amaa ya di ya namsiu wa kanyita ni.

1 Kɔr. 11:19

O wa kpak beeli waligi nyɛn ma ni, chen ni ma zi kotiu a na ba naa la tiŋ wuti ti.

Room 16:10

Ma zaami Apeles. Koosa funɛ zaamsi un, o fun di a li Kristo tiŋi ni. Ma zaami Aristɔbɔlɔs dam walɛ,

Room 13:13

Ya wa bu nyɛn dusum ni. Chendaha o lawa ya tum chenu. Ma ta nyɛ ya lagmi dɔŋ ni a nyɔ sin a dɛɛsi. Ma ta tum chɔkumsa awa sakaal tuma a kidi dɔŋa wa amɔrɛ a kpak handɔta wa dɔŋ ni.

Room 12:17

Nandigi tum tum tagin a du ma ni, ma ta bu kpa tum tagin a bɔ un. Maa ka tum tum naa nibinsa maga zim di a weru.

Jɔn 17:15

Mu wara sumi hin di i lisi ba a li tɛɛnɛ nɔ maga ni. Mu ka sumi hin di i kok bau a li sintani.

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Room 1:28

Ba wa fun lisi di o deŋlu di ba zim Koosa. Chendaha o fun kpa ba a ta a nyɛ ba burgi nara a lisi wu tagna a la tum tum tagna a naa vɛ deŋli,

2 Kɔr. 13:6

Ma zimu di ya wara higli. Ya kpak unu nɛnɛ.

2 Kɔr. 13:8

Ya yaa kpami mau di ma tum were a nyɛ Koosa ni a tiŋ o wuti nyinbaan.