2 Kɔr. 12:2 - Tampulma

² Bun fidanaasi gantɛl ni, Koosa fun lisi min a zini a zu o tɔhɔn ti. Mu wa zim di o funɛ ya nan koo o chi mu funɛ deesiu. O duŋduŋ zim chen.

2 Kɔr. 12:2 Referans Kwoze

Tuma 22:17

“Mu fun bur kaali Jɛrusalɛm a la zu Koosa bar jɛɛmi dam ti di mu sumi un. Mu sumi ti bambaan ni,

JɔnN Deesi 4:2

Koosa siim weri ti fun vaan te mu suwachak a nyɛ mu zini a zu. Mu fun nyini a na Koosa jirima bar nyɛni ka nandigi kani dooni.

1 Tɛs. 4:17

O zi vaan lagmi ya naa kaɛɛ a kpak miisa, chen ni ya maga zi siu a la zini dobaala ni a la pu ya kunyan ti dooni a nyɛn o wati hali saha naa vɛ kpak bɔ.

2 Kɔr. 11:11

Ma lisi di mu la tum nan, mu wara daŋni maa? Koosa zimu di mu daŋni mau kinkan.

JɔnN Deesi 12:5

O fun lul nibabichɛla naa la zi wa bi a dɔ tɛɛnɛ nɔ nara maga wa kpok kinkannɛ. Ba fun wa fuksi be ti bu bɛgim a nyɛ Koosa naa kanɛ o jirima bar kani ni a li o tɔhɔn ti ni.

Ju 9:24

Kristo funɛ si o sou ni, o wa fun la zu Koosa lɛu naa nibinsa fun du chen, ka o fun ya Koosa tɔhɔn ti kin chamsa. O ka fun zini a zu Koosa wuti lɛu naa nyɛn o tɔhɔn ti ni. Lalaknɔ waa kpalimi a kani ya bar kani ni a li Koosa suwachak ni.

Ɛfɛ. 4:10

O saha funɛ wa peti tɛɛnɛ nɔ maga ni, o fun bur a zini a kaali Koosa nihɛɛ bar kani di o su kin naa maga Koosa fun naami.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Gal. 1:22

Chen saha ti maga, Yesu nitiŋɛ ba naa nyɛn Judia pulum ni, wa fun pu min.

2 Kɔr. 5:17

Nara burgi tiŋ Yesu Kristo, Koosa ya chɛrgi ba bambe a ya kifalɛ. Ba gantɛl tu kina wɛ wa bu toli.

Room 16:7

awa Andrɔnikus awa Junias ba naa wa min ba fun tɔ dɛ chen. Ba ya Ju timwa a chi min. Ba se funɛ te min a su Yesu, ka Koosa nitumɛ ta nyɛ ba jirima.

Room 8:1

Ba naa maga wa Yesu Kristo ya nibɛgim, Koosa wa zi bu na ba galimsa.

Tuma 14:6

Pɔɔl awa Barnabas funɛ na ba ka ba wa, ba fun si lalaga a li dooni a kaali tɔsa a naa ba yir Listira awa Dɛɛbɛ awa tɔsa naa go a a li Laikonia pulum ni.

Jɔn 6:56

Ba naa maga di mu bara aa la nyɔ mu chɛl ti nyɛn min ni ka mu gbanko nyɛn ba ni.

Luk 24:51

O funɛ sumi Koosa a du ba ni chene, a zini kaali buudaha Koosa wati.

JɔnN Deesi 1:10

Aleedi wuzu digi Koosa siim weri ti fun wa si min ni a nyɛ mu na kin bɔnɛ a chi mu deesi. Mu fun nu ta zaŋa a chi kaabul,

2 Kɔr. 13:5

Maa zaamsi ma titi di ma se su Yesu Kristo nɛnɛ. Ma zim di o nyɛn ma bambe niu akoo ma higliu di ma tiŋ unuu?

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

1 Kɔr. 1:30

amaa Koosa funɛ nyɛ ma wa Yesu Kristo ya nibɛgim, a nyɛ o zima ti ya ya zima. Kristo daha, Koosa wa zi bu na ya galimsa o suwachak ni. Waa dɔ ya a fun la ya nyuuna a nyɛ ya.

Room 16:3

Ma zaami Prisila awa Akwila ba naa wa min la tum Yesu Kristo tuma.

Room 16:9

Ma zaami Urbenus naa wa ya la tum Kristo tuma, awa Stakis naa mu daŋni.

Room 16:10

Ma zaami Apeles. Koosa funɛ zaamsi un, o fun di a li Kristo tiŋi ni. Ma zaami Aristɔbɔlɔs dam walɛ,

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.