2 Kɔr. 11:7 - Tampulma

⁷ Mu funɛ te nyɛn ma wati a biksi ma Koosa laaboor weri ti wɛ, mu wa funɛ daŋni bɔta. Mu funɛ bur mu titirɛ gantɛl di ma zer ma nyuuna buudaha. Chen wa fun deŋlii?

2 Kɔr. 11:7 Referans Kwoze

2 Kɔr. 12:13

Chenani mu fun a biksi ma awa chenani mu fun a biksi Koosa nitiŋɛ ba naa nyɛn bar kurgɛ ni, ya kibɛgimnɛ, amaa kibɛgim funɛ ka. Mu wa fun pɛɛsi ma di ma suŋi min wa diwe ni. Mu vɛ nyɛ ma tusa sɔɔni diwe na daha, ma gil nyɛ min.

1 Tɛs. 2:9

Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

2 Kɔr. 10:1

Ma bɔnɛ ŋɔ dɔŋ ni di mu funɛ nyɛn ma wati mu funɛ ya jɛrgɛrɛ, amaa mu funɛ bol, mu funɛ sɔbi sɛm kpokwa a nyɛ ma. Yesu Kristo daŋni mu ya jɛrgirɛ ma wati. Chendaha mu waa, Pɔɔl, sumi ma lalaknɔ,

1 Kɔr. 9:6

Mu wa Barnabas duŋduŋ kaa tum aa di ya bar wilim nii?

2 Tɛs. 3:8

Ya ka funɛ tum nha wa dusumu kinkan, chen ni ya zi diu a li ya bara wilim ni. Ya wa fun a daŋni di ma suŋi ya wa diwe ni. Kin naa maga ma yaa fun a nyɛ ya, ya yaa bɔ a nyuuniu.

Tuma 20:34

Mu yaa funɛ tum a li mu bara wilim nee a nyini mu wa mu pɛgsa.

1 Kɔr. 9:12

Ma nyɛ bɔnɛ ni chene. Ba kpak chen nyinbaan a la diwe ma wati, ya waa wa kpak chen nyinbaan a kaali baa? Ya ha wa ŋɔ ma di ma ya chen a nyɛ ya. Ya kpak kanyitarɛ kina maga ni, chen ni ya wa zi tɔ Kristo laaboor weri ti nyinbaan.

Tuma 20:33

Mu wa ma funɛ nyɛn, mu wa funɛ daŋni nandigi salma koo aniita koo gar.

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

2 Kɔr. 2:12

Mu funɛ wa tel Troas, ya kunyan ti fun a nyɛ min nyinbaan kinkan di mu biksi nara Yesu Kristo laaboor weri ti wɛ.

2 Kɔr. 10:16

Ma maga tiŋ chen, ya wa ma zi lagmiu a te biksi Koosa laaboor weri ti a nyɛ tɔsi naa go ma ni. Ya ya chen, nandigi wa zi ŋɔ di ya daŋni nyɔɔrrɛ a li nara tum ni.